ରିପୋର୍ଟ : ସଂଧ୍ୟା ବାଗ
ବଲାଙ୍ଗୀର/ଟିଟିଲାଗଡ, (୦୭/୧୨) : ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ କୋଟି, କୋଟି ଟଙ୍କା ମଞ୍ଜୁର ହୋଇ ଆସିବା ସତ୍ତ୍ୱେ ସର୍ବନିମ୍ନ ସ୍ୱାସ୍ଥ୍ୟ ସେବା ଯୋଜନା ପ୍ରଣୟନ ସଠିକ ରୂପାୟନ ହୋଇ ପାରୁନି । ଡାକ୍ତରଖାନା ବନାମ ଡକାୟତ ଖାନା !
ସ୍ୱାସ୍ଥ୍ୟ ସେବା ଯୋଗାଇ ଦେବାକୁ ଗୁରୁତ୍ୱ ଦେଇ ବିଭିନ୍ନ ପ୍ରକାର ଯୋଜନା ସତ୍ତ୍ୱେ ଗରିବ ଲୋକଙ୍କ ପାଇଁ ତାହା ପ୍ରହସନ ରେ ପରିଣତ ହୋଇଛି । ବିନା ଟଙ୍କା ରେ ସରକାରୀ କାର୍ଯ୍ୟରତ ଅଧିକାରୀ ଓ କର୍ମଚାରୀ ଙ୍କ ଅର୍ଥଶୋଷଣ ମନୋବୃତ୍ତି ଯୋଗୁଁ ଅକଥନୀୟ ଦୁର୍ଦ୍ଦଶା ର ଶିକାର ହେବା ଗରିବ ରୋଗୀ ପାଇଁ ସାର ହୋଇଛି । ଏଭଳି ଏକ ଅଭିଯୋଗ ନେଇ ଅସନ୍ତୋଷ ପ୍ରକାଶ ପାଇଛି ଟିଟିଲାଗଡ଼ ସବ ଡିଭିଜନାଲ ସରକାରୀ ଡାକ୍ତରଖାନା ରେ ।
ଅଭିଯୋଗ କ୍ରମେ, ଟିଟିଲାଗଡ଼ ନିକଟସ୍ଥ ତେନ୍ତୁଲିଖୁଣ୍ଟି ଗ୍ରାମ ରୁ ନିଜ ସମ୍ପର୍କୀୟ ଙ୍କୁ କୁନି କୁମ୍ଭାର ନାମ୍ନୀ ଜଣେ ମହିଳା ହାତ ଭାଙ୍ଗି ଯିବାରୁ ଟିଟିଲାଗଡ଼ ଡାକ୍ତରଖାନା କୁ ଆଣିଥିଲେ । ହେଲେ ଡାକ୍ତର ଖାନା ରେ ଡାକ୍ତର ଙ୍କ ପରାମର୍ଶ କ୍ରମେ ୪୦୦ ଟଙ୍କା ଦେଇ ଏକ ଘରୋଇ ଏକ୍ସ୍ରେକେନ୍ଦ୍ର ରେ କେନ୍ଦ୍ର ରେ ଏକ୍ସ୍ରରେ ଫଟୋ କରିଥିଲେ । ଉକ୍ତ ଫଟୋ ରେ ହାତ ଭାଙ୍ଗି ଥିବା କହି ପ୍ଲାଷ୍ଟର ପାଇଁ କହିଥିଲେ ।
ଉକ୍ତ ମହିଳା ୪୨୦ ଟଙ୍କା ଦେଇ ପ୍ଲାଷ୍ଟର ଓ ପାଉଡର ନିକଟସ୍ଥ ଔଷଧ ଦୋକାନ ରୁ କିଣି ଆଣି ଦେଇଥିଲେ । ସେହିପରି ହାତ ପ୍ଲାଷ୍ଟର କରିବା ପାଇଁ କର୍ମଚାରୀ ଙ୍କୁ ପାଞ୍ଚ ସହ ମାଗିବାରୁ ଦୁଇ ଶହ ଟଙ୍କା ମୂଲଚାଲ କରି ଦେଇ ଥିଲେ । ଏହି ସବୁ ଖର୍ଚ୍ଚ ଟଙ୍କା ତାଙ୍କ ନିକଟରେ ନ ଥିବା ବେଳେ ସେ ବାଧ୍ୟ ହୋଇ ତାଙ୍କ ନାକ ରେ ପିନ୍ଧି ଥିବା ଏକ ସୁନା ନାକ ଫୁଲ ଉକ୍ତ ଡାକ୍ତଖାନା ନିକଟ ରେ ଥିବା ଏକ ପାନ ଦୋକାନ ରେ ଉପାୟ ନ ପାଇ ବିକ୍ରୀ କରି ଦେଇଥିବା ଜଣାଇଛନ୍ତି । ପରେ ଉକ୍ତ ଔଷଧ ଦୋକାନ ରୁ କିଣା ଯାଇଥିବା ଡାକ୍ତରଙ୍କ ପରାମର୍ଶ କ୍ରମେ ପ୍ଲାଷ୍ଟର ଓ ଅନ୍ୟ ସାମଗ୍ରୀ ସବୁ ନେଇ ଉକ୍ତ ପ୍ଲାଷ୍ଟର କରିଥିବା କର୍ମଚାରୀ ୩୫୦ ଟଙ୍କା ରେ ବିକ୍ରୀ କରି ଦେଇଥିଲେ ।
ଏହି ଭଳି ନିତିଦିନ ଏହି ଡାକ୍ତର ଖାନା ରେ ଡ଼ାକ୍ତରଖାନା ରେ ଚାଲିଥିବା ନୀତି ଦିନିଆ ଘଟଣା ରେ ପରିଣତ ହୋଇ ଯାଇଛି । ଜିଲ୍ଲା ଜେ ଏସ ସି ବି ଓ ତରଫରୁ ଏ ନେଇ ଲିଖିତ ଅଭିଯୋଗ ହୋଇଛି, ତୁରନ୍ତ ବିଭାଗୀୟ ମୁଖ୍ୟ ଦୃଷ୍ଟି ଦେବାକୁ ବିଭିନ୍ନ ମହଲ ରେ ଦୃଢ଼ ଦାବି ହେଉଛି ।