ରିପୋର୍ଟ : ବିରଞ୍ଚି ପ୍ରସାଦ ଶତପଥୀ ।
ଗୁଣୁପୁର, (୭/୧୨) : ଆଜି ସରସ୍ୱତୀ ଶିଶୁ ବିଦ୍ୟା ମନ୍ଦିର ଗୁଣପୁର ତାହାର ୨୫ ବର୍ଷ ପୂର୍ତ୍ତି ଉପଲକ୍ଷେ ରଜତ ଜୟନ୍ତୀ ଉତ୍ସବର ଶୁଭ ଉଦଘାଟନ ଯଥାବିଧି କରିଅଛି ।
ଇତ୍ୟବସରରେ ସ୍ଥାନୀୟ ବିଧାୟକ ଶ୍ରୀ ରଘୁନାଥ ଗମାଙ୍ଗ ମୁଖ୍ୟ ଅତିଥି ଭାବେ ଯୋଗଦେଇ ଥିବାବେଳେ, ଶିକ୍ଷା ବିକାଶ ସମିତି ଦକ୍ଷିଣ ସଂଭାଗ, ସଂଭାଗ ସଭାପତି ଶ୍ରୀ ରୂପେଶ ସିଂ ସମ୍ମାନିତ ଅତିଥି ଭାବେ ଯୋଗଦେଇଥିଲେ । ଅନୁଷ୍ଠାନର ପ୍ରଧାନ ଆଚାର୍ଯ୍ୟ ଶ୍ରୀ ପ୍ରଫୁଲ୍ଲ କୁମାର ଶତପଥୀ ଅତିଥି ପରିଚୟ ପ୍ରଦାନ କରିଥିବାବେଳେ ଆଚାର୍ଯ୍ୟ । ଶ୍ରୀମତୀ ସନ୍ତୋଷୀ ମହାପାତ୍ର ସଂଯୋଜନା କରିଥିଲେ । ଆଚାର୍ଯ୍ୟ ଶ୍ରୀମାନ୍ କରନ୍ କଂସବେହେରା ଧନ୍ୟବାଦ ଅର୍ପଣ କରିଥିଲେ । ଅନୁଷ୍ଠାନର ସଭାପତି ଶ୍ରୀ ବି ଗଜପତି ରାଓ, ସମ୍ପାଦକ ଶ୍ରୀ ସୋମନାଥ ଗୌଡ ଉପସଭାପତି ଶ୍ରୀ ମୀନକେତନ ପଣ୍ଡା, କୋଷାଧ୍ୟକ୍ଷ ଶ୍ରୀ ପି ଗୋବିନ୍ଦ ରାଓ ଓ ସଂକୁଳ ପ୍ରମୁଖ ଶ୍ରୀ ଜଗନ୍ନାଥ ପଟ୍ଟନାୟକ ଉପସ୍ଥିତ ରହି ଶିଶୁ ମାନଙ୍କୁ ମାର୍ଗ ଦର୍ଶନ କରିଥିଲେ ଓ କାର୍ଯ୍ୟକ୍ରମ ତଦାରଖ କରିଥିଲେ ।