ବୈପାରୀଗୁଡାରେ ପରବ ୨୦୧୯ ଉଦଘାଟନ

ରିପୋର୍ଟ: ଏନ.ସନ୍ତୋଷ କୁମାର
ବୈପାରୀଗୁଡା(୦୪/୧୧): ଗ୍ରାମାଞ୍ଚଳର କ୍ରୀଡା ଓ ସଂସ୍କୃତିର ଲୁକ୍କାୟିତ ପ୍ରତିଭା ଅନ୍ୱେଷଣ ଉଦ୍ଦେଶ୍ୟରେ ରାଜ୍ୟ ସ୍ତରୀୟ ଲୋକ ମହୋତ୍ସବ ପରବ୨୦୧୯ ଉପଲକ୍ଷେ ବୈପାରୀଗୁଡାର ସ୍ଥିତ ପ୍ରସିଦ୍ଧ ବିରଖମ୍ବବ୍ରିଜ ଠାରୁ ଉଦଘାଟନ ହେଇଯାଇଛି ।

ବୈପାରୀଗୁଡା ବ୍ଲକ ଅଧ୍ୟକ୍ଷା ସରାଜନୀ ଖଣ୍ଡିକିଙ୍କ ନେତୃତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ବୟନ ଓ ଶିଳ୍ପ ମନ୍ତ୍ରୀ ପଦ୍ମିନୀ ଦିଆନ ମଶାଲ ଜାଳି ପରବ ୨୦୧୯ଉଦଘାଟନ କରିଥିଲେ | ସମ୍ମାନିତ ଅତିଥି ମଧ୍ୟରୁ କୋରାପୁଟ ବିଧାୟକ ରଘୁରାମ ପଡlଲ, ବିହନ ନିଗମ ଅଧକ୍ଷ ଈଶ୍ୱର ଚନ୍ଦ୍ର ପାଣିଗ୍ରାହୀ, ଜିଲ୍ଲା ପରିଷଦ ସଭ୍ୟା ହୀରାମଣି ପୂଜାରୀ, ଉପଅଧକ୍ଷ ଟିଲୋଚନ ଜେନା, ପି ରମେଶ ପାତ୍ର, ସାଥିରାମ ନାୟକ ପ୍ରମୁଖ ଉପସ୍ଥିତ ଥିଲେ | ବୈପାରୀଗୁଡା ବ୍ଲକର ୨୦ଟି ପଞ୍ଚାୟତର ସମସ୍ତ ଜନପ୍ରତିନିଧି, ପ୍ରଶାସନିକ ଅଧିକାରୀ ବହୁ କଳାକାର ମାନେ ଆସିଥିଲେ।ପ୍ରଥମେ ବିରଖମ୍ବ ବ୍ରିଜରୁ ବିଭିନ୍ନ ସମ୍ପ୍ରଦାୟ ଜିନଜାତିଙ୍କ ନାଚ ଗୀତ ବାଜାର ତଳେ ତଳେ ନାଚି ନାଚି ଏକ ବିରାଟ ପଟୁଆରରେ ପରବ ମଣ୍ଡପରେ ପହଞ୍ଚିଥିଲେ |

ପରେ ମଣ୍ଡପରେ ଅତିଥି ମାନେ ନିଜ ନିଜ ଭାଷଣରେ ପରବ ମାଧ୍ୟମରେ ବହୁ କଳାକାର ବର୍ତ୍ତମାନ ଜାତୀୟ ସ୍ତରୀୟରେ ପହଞ୍ଚି ସାରିଲେଣି | ଆଗାମୀ ଦିନରେ ଆହୁରି ଅଧିକ ଲୁକ୍କାୟିତ ପ୍ରତିଭା ଲୋକଲୋଚନକୁ ଆସିବା ଆବଶ୍ୟକ ରହିଛି ବୋଲି ମତ ରଖିଥିଲେ | ଏହି କାର୍ଯ୍ୟକ୍ରମକୁ ବୈପାରୀଗୁଡା ବିଡ଼ିଓ ରାଜିନୀ କାନ୍ତ ଦାଶ ପରିଚାଳନା କରିଥିଲେ | ବ୍ଲକ୍ ର ସମସ୍ତ ଦଳୀୟ କର୍ମଚାରୀ ବ୍ଲକ ପ୍ରଶାସନିକ ଅଧିକାରୀ, ବିଭିନ୍ନ ସ୍ବେଛାସେବୀ, ସ୍ୱୟଂ ସହାୟିକା, ଅନୁଷ୍ଠାନର କର୍ମଚାରୀ ମାନେ ଉପସ୍ଥିତ ରହି କାର୍ଯ୍ୟକୁ ତୁଲାଇ ଥିଲେ |

Leave a Reply

This site uses Akismet to reduce spam. Learn how your comment data is processed.