ରିପୋର୍ଟ : ଗୋପୀନାଥ ଗୌଡ଼
ରାୟଗଡ଼ା, (୦୧/୧୨) : ରାୟଗଡ଼ା ଜିଲ୍ଲା ଜିଲ୍ଲା କଳା ସଂସ୍କୃତି ସଂଘ ର ଉପସଭାପତି ଚୟନ ପ୍ରକ୍ରିୟା ରାୟଗଡ଼ା ଜିଲ୍ଲାପାଳ ସ୍ୱଧା ଦେବ ସିଂ ଙ୍କ ଅଧ୍ୟକ୍ଷତାରେ ଆଜି ସ୍ଥାନୀୟ ଜିଲ୍ଲା ପରିଷଦ ସମ୍ମିଳନୀ କକ୍ଷରେ ସମସ୍ତ ବ୍ଲକ କଳା ଉପସଭାପତି ଏବଂ ନଗରକଳା ଉପସଭାପତିଙ୍କ ଉପସ୍ଥିତିରେ ଅନୁଷ୍ଠିତ ହୋଇଥିଲା ।
ଜିଲ୍ଲାକଳା ସଂସ୍କୃତି ସଂଘ ଉପସଭାପତି ଭାବେ ସନ୍ତୋଷ କୁମାର ବଛା ମନୋନୀତ । ଏଥିରେ ଯୁବ କଳାକାର ତଥା କଲ୍ୟାଣସିଂପୁର ବ୍ଲକ କଳା ସଂସ୍କୃତି ସଙ୍ଘର ଉପସଭାପତି ସନ୍ତୋଷ କୁମାର ବଚ୍ଛାଙ୍କୁ ଜିଲ୍ଲା ଉପସଭାପତି ଚୟନ କରାଗଲା । ଜିଲ୍ଲାପାଳ ଶ୍ରୀମତୀ ସିଂ ନୁତନ ଉପସଭାପତିଙ୍କୁ ସ୍ଵାଗତ କରିବା ସହିତ ଜିଲ୍ଲାର ପାରମ୍ପାରିକ ଲୋକକଳାକୁ ଉଜ୍ଜୀବିତ କରି ଜିଲ୍ଲାର କଳାଓ କଳାକାର ମାନଙ୍କ ବିକାଶ ନିମନ୍ତେ ପ୍ରୟାସ କରିବାକୁ ପରାମର୍ଶ ଦେଇଥିଲେ ।
ଏଥିରେ ଅତିରିକ୍ତ ଜିଲ୍ଲାପାଳ, ଶ୍ରୀ ଧର୍ମାନନ୍ଦ ବେହେରା, ସି.ଡି.ଓ-କମ୍- ଇ.ଓ ଜିଲ୍ଲାପରିଷଦ, ଶ୍ରୀ ରବି ନାରାୟଣ ତ୍ରିପାଠୀ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ, ଶ୍ରୀ ବସନ୍ତ କୁମାର ପ୍ରଧାନ, ଜିଲ୍ଲା ସଂସ୍କୃତି ଅଧିକାରୀ, ସୁଶ୍ରୀ ସୁସ୍ମିତା ବାଉରୀ, ବରିଷ୍ଠ ରାଜସ୍ୱ ସହାୟକ ରାମଚନ୍ଦ୍ର ପାତ୍ର, ଜିଲ୍ଲା ସଂସ୍କୃତିକ ସଂଯୋଜକ ପ୍ରଦୀପ କୁମାର ମାଲବିଶୟୀ, ପୀତବାସ ବିଶ୍ୱାଳ,ଏବଂ ଜିଲ୍ଲା ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟ ଏବଂ ଜିଲ୍ଲା ସଂସ୍କୃତି କାର୍ଯ୍ୟାଳୟର କର୍ମକର୍ତ୍ତା ମାନେ ସହଯୋଗ କରିଥିଲେ ।