ଜଳବନ୍ଦୀରେ ବେଗୁନିଆପଡା କାଣ୍ଟା ବାଳିକା ବିଦ୍ୟାଳୟ

ରିପୋର୍ଟ: ଜଗନ କୁମାର ସେଠି
ଗଞ୍ଜାମ(୩୧/୧୦): ରାଜ୍ୟ ସରକାର ଶାସନକୁ ସ୍ୱଚ୍ଛ ଏବଂ ଦୁର୍ନୀତି ମୁକ୍ତ କରିବା ପାଇଁ ୫ଟି ଯୋଜନା ପ୍ରଣୟନ କରିଛନ୍ତି | ଏହାଯୋଗୁଁ ସରକାରୀ କର୍ମଚାରୀ ମାନଙ୍କ ମଧ୍ୟରେ ଛନକା ପଶିବା ଦେଖାଦେଲାଣି | କିନ୍ତୁ କେତେକ ସ୍ଥାନରେ ଏହାର ବ୍ୟତିକ୍ରମ ଘଟିଵା ପରିଲକ୍ଷୀତ ହେଉଛି |

ଶିକ୍ଷା ଭଳି ଏକ ଆବଶ୍ୟକୀୟ କ୍ଷ୍ୟେତ୍ରରେ ଚରମ ଅବହେଳା ସରକାର ତଥା ପ୍ରଶାସନର ଦାଇତ୍ୱହୀନତାର ପରିଚୟ ପ୍ରଦାନ କରୁଛି | ଏହାଯୋଗୁଁ ଯୋଗୁଁ ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକର କାଣ୍ଟା ବାଳିକା ବିଦ୍ୟାଳୟର ଛାତ୍ରଛାତ୍ରୀ ପାଠପଢାରୁ ବଞ୍ଚିତ ହେଉଛନ୍ତି | ଚଳିତ ଲଘୁଚାପ ବର୍ଷାରେ ଦୀର୍ଘ ପନ୍ଦର ଦିନ ହେଲା ବିଦ୍ୟାଳୟଟି ଜଳବନ୍ଦୀରେ ରହିଛି | ବିଦ୍ୟାଳୟକୁ ଯିବାପାଇଁ ଅଲଗା ରାସ୍ତାବି ନାହିଁ | ଫଳରେ ବାଧ୍ୟହୋଇ ଶିକ୍ଷକ ଶିକ୍ଷୟତ୍ରୀ ଆଣ୍ଠୁଏ ପାଣିରେ ସ୍କୁଲକୁ ଯାଆନ୍ତି | ଛାତ୍ରଛାତ୍ରୀ ମାନେ ଯିବାକୁ ବିପଦ ମଣୁଛନ୍ତି | କିନ୍ତୁ କୌଣସି ପ୍ରଶାସନ କିମ୍ବା ସ୍ଥାନୀୟ ଜନ ପ୍ରତିନିଧିଙ୍କ ଦେଖାନାହିଁ | ଯଦି ଏହାର ସ୍ଥାୟୀ ସମାଧାନ ନକରାଯାଏ ତେବେ ଛାତ୍ରଛାତ୍ରୀଙ୍କ ଭବିଷ୍ୟତ ପ୍ରତି ଏହା କୁପ୍ରଭାବ ପକାଇବ ଏଥିରେ ତିଳେ ମାତ୍ର ସନ୍ଦେହ ନାହିଁ | 

Comments are closed.