ରିପୋର୍ଟ : ଧ୍ରୁବରାଜ ମିଶ୍ର //
ବିନିକା, (୨୯/୧୧) : ବିନିକା ର ଗ୍ରାମଦେବୀ ତଥା ଅଧିଷ୍ଠାତ୍ରୀ ଦେବୀ ମାଁ ନାରାୟଣୀ ଙ୍କ ବିନିକା ସ୍ଥିତ ଭବ୍ୟ ମନ୍ଦିର ରେ ପାର୍ଶ୍ଵଦେବୀ ସମୂହ ନୂତନ ବିଗ୍ରହ ପ୍ରତିଷ୍ଠା ଉତ୍ସବ ଧୁମଧାମ ରେ ସମ୍ପନ୍ନ ହୋଇଯାଇଛି ।
ମାଁ ନାରାୟଣୀ ଙ୍କ ପାର୍ଶ୍ଵଦେବୀ ସମୂହ ନୂତନ ବିଗ୍ରହ ପ୍ରତିଷ୍ଠା ଉତ୍ସବ । ଏଥିରେ ପୂଜକ ଭାବେ ସୁବାଶ ବଡ଼ପଣ୍ଡା ଦାୟିତ୍ୱ ତୁଲାଇଥିବା ବେଳେ କର୍ତ୍ତା ଭାବେ ଭିମସେନ ନାଏକ ସପତ୍ନୀକ ଦାୟିତ୍ୱ ତୁଲାଇଥିଲେ । ୩ ଦିନ ଧରି ଚାଲିଥିବା ପାର୍ଶ୍ଵଦେବୀ ଙ୍କ ପ୍ରତିଷ୍ଠା ଉତ୍ସବ ଗତକାଲି ପୂର୍ଣ୍ଣାହୁତି ପଡିଛି । ଏଥିରେ ବିଭିନ୍ନ ଦିବସ ରେ ସୁଶ୍ରୀ ବନ୍ଦିତା ନାୟକ ଏବଂ ସୁଶ୍ରୀ ପ୍ରିୟମ୍ବଦା ମିଶ୍ର ଯୋଗଦେଇ ଭକ୍ତିମୟ ପରିବେଶ ରେ ସୁନ୍ଦରାକାଣ୍ଡ ପାରାୟଣ ଗାନ କରିଥିଲେ । ଅନ୍ତିମ ଦିନରେ ଜୟ ଜଗନ୍ନାଥ ମହିଳା ସଂକୀର୍ତ୍ତନ୍ୟ ମଣ୍ଡଳୀ ଜାମପାଲି ଏବଂ ଶ୍ରୀରାମ ସଂକୀର୍ତ୍ତନ୍ୟ ମଣ୍ଡଳୀ ବଡମାଲ ଙ୍କ ମଧ୍ୟରେ ବୈଠକି ସଂକୀର୍ତ୍ତନ୍ୟ ଅନୁଷ୍ଠିତ ହୋଇଥିଲା ।
ମାଁ ଙ୍କ ଦର୍ଶନ ପାଇଁ ଶହଶହ ଭକ୍ତ ଙ୍କ ସମାଗମ ହୋଇଥିଲା । ଏଥିରେ ନାରାୟଣୀ ମନ୍ଦିର ପାର୍ଶ୍ଵ ଦେବୀ ପ୍ରତିଷ୍ଠା କମିଟି ର ଶୀତଳ ପ୍ରସାଦ ମହାକୁର,ନାରାୟଣ ପ୍ରସାଦ ପାଢ଼ୀ,ସନ୍ତୋଷ ପଣ୍ଡା,ସୁଧାଂଶୁ ଶେଖର ଦାଶ, ସୋମନାଥ ମିଶ୍ର ପ୍ରମୁଖଙ୍କ ସମେତ ସମସ୍ତ କର୍ମକର୍ତ୍ତା ଓ ବିନିକା ବାସି ସହଯୋଗ କରିଥିଲେ ।