ରିପୋର୍ଟ : ଧ୍ରୁବରାଜ ମିଶ୍ର //
ବିନିକା, (୨୯/୧୧) : ବିନିକା ବ୍ଲକ ୧୮ ତମ ଅରିଗାଁ ଆଞ୍ଚଳିକ ଧନୁଯାତ୍ରା ମହୋତ୍ସବ ଆଜି ସନ୍ଧ୍ୟାରେ ଆନୁଷ୍ଠାନିକ ଭାବରେ ଉଦଘାଟିତ ହୋଇଯାଇଛି । ଏହି ଧନୁଯାତ୍ରା ଡିସେମ୍ବର ୬ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି ମହୋତ୍ସବ ପାଇଁ ଗାଁ କମିଟୀ କର୍ମକର୍ତା ମାହେଶ୍ୱରୀ ମନ୍ଦିରରେ ପୂଜାର୍ଚନା ପରେ ଆଜ୍ଞାମାଳ ନେଇ ରଙ୍ଗମହଲ କୁ ଆସିବା ପରେ ପଣ୍ଡିତ ଚିତ୍ତ ରଞ୍ଜନ ଦାଶଙ୍କ ବେଦପାଠ ସହ ମଞ୍ଚ ପ୍ରତିଷ୍ଠା କରାଯାଇଥିଲା l
ଅରିଗାଁ ଆଞ୍ଚଳିକ ଧନୁଯାତ୍ରା ମହୋତ୍ସବ ଉଦଘାଟନୀ ଉତ୍ସବ ରେ ବିନିକା ତହସିଲଦାର ମୁକ୍ତେଶ୍ଵର ପାଣିଗ୍ରାହୀ ଅତିଥି ଭାବେ ଯୋଗ ଦେଇଥିଲେ l ମହୋତ୍ସବ କମିଟୀ ସଭାପତି ବିଶ୍ୱମ୍ଭର ମିଶ୍ର ଙ୍କ ଅଧ୍ୟକ୍ଷତା ରେ ରେ ଅନୁଷ୍ଠିତ ଏହିକାର୍ଯ୍ୟକ୍ରମରେ ସୁଗୋସ ମିଶ୍ର, କ୍ଷମାନିଧି ଦାଶ, ପ୍ରତାପ ମିଶ୍ର ରଞ୍ଜନ ପଧାନ, ସୁବଳ କଲତା, ଆକାଶ ନାଇକ ପ୍ରମୁଖ ମହୋତ୍ସବ କମିଟୀ ର ସମସ୍ତ ପଦାଧିକାରୀ ଓ ସଦସ୍ୟ ଙ୍କ ସମେତ ଗୋପପୁର କମିଟୀ ର ଉପଦେଷ୍ଟା ନରସିଂହ ଭୋଇ ଏବଂ କମିଟୀ ର ଅନ୍ୟ ପଦାଧିକାରୀ ମଧ୍ୟ ଯୋଗଦେଇଥିଲେ ଏଠାରେ ଉଲ୍ଲେଖଯୋଗ୍ୟ ଯେ , ଚଳିତ ବର୍ଷ ପ୍ରଥମ କରି ଆଖିଦାଦର କୁ ଗୋପପୁର ଭାବରେ ସମ୍ମିଳିତ କରାଯାଇଛି l ଆଜି ନାଟ୍ୟାଭିନୟରେ ଦୁର୍ମିଳାସୁର ବଧ ମଞ୍ଚସ୍ଥ କରାଯାଇଛି l କଂସ ଭୂମିକାରେ ଗୋପାଳ ଚନ୍ଦ୍ର ଦାଶ ଅଭିନୟ କରୁଛନ୍ତି l