ଜମିଲା ଏ ବର୍ଷ ଜାମସେଠ ରାବଣ ପୋଡ଼ି କାର୍ଯ୍ୟକ୍ରମ,ଶହ ଶହ ଲୋକଙ୍କ ସମାଗମ

ରିପୋର୍ଟ: ନିରୋଜ ପାଣି
ପାଇକମାଳ(୩୦/୧୦): ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଳ ବ୍ଳକ ଜାମସେଠ କାଳୀପୂଜା ଉପଲକ୍ଷେ ରାବଣ ପୋଡ଼ି କାର୍ଯ୍ୟକ୍ରମ ଏ ବର୍ଷ ବେଶ ଜମିଛି । ସନ୍ଧ୍ୟାରେ ନେତାଜୀ ଯୁବକ ସଂଘ ତରଫରୁ ରାବଣ ପୋଡ଼ି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି।

ଲଙ୍କାପତି ରାବଣ ତାଙ୍କ ସୈନ୍ୟ ମାନଙ୍କ ସହ ନଗର ପରିକ୍ରମା କରି ତାଙ୍କ ଦରବାରକୁ ଯାଇଥିଲେ।ଏହା ଦେଖିବାକୁ ଏହି ଅଞ୍ଚଳରୁ ସହ ସହ ଲୋକ ଆସି ଆନନ୍ଦ ଉଲ୍ଲାସରେ ରାବଣ ପୋଡ଼ି ଉପଭୋଗ କରିଥିଲେ। ନାଟ୍ୟ ନିର୍ଦ୍ଦେଶକ ନରୋତ୍ତମ ମାଝୀଙ୍କ ନିର୍ଦ୍ଦେଶନାରେ ଏ ବର୍ଷ ରାବଣ ଭୂମିକାରେ ସୁରେନ୍ଦ୍ର ପାତ୍ର,ଭିଭୀଷଣ ରୋହିତ ରଣା, କୁମ୍ଭକର୍ଣ୍ଣ ଭଗତ ରଣା,ରାମ ଯଶୋବନ୍ତ ପ୍ରଧାନ, ଲକ୍ଷ୍ମଣ ରୋହିତ ପଶାୟତ, ସୀତା ଡିକେଶ ବାରିକ, ହନୁମାନ ପିଣ୍ଟୁ ରଣା,ଶିବ ଚୂଲେଶ୍ବର ପଟେଲ, ବ୍ରହ୍ମା ଗଣ୍ଡାରାମ କଲାରୀ , ବିଷ୍ଣୁ ହରେକୃଷ୍ଣ ରଣା ପ୍ରମୁଖ କଳାକାର ସହ ଅନ୍ୟାନ୍ୟ କଲାକାର ମାନେ ବିଭିନ୍ନ ଭୂମିକାରେ ଅଭିନୟ କରିଥିଲେ। ଆଜି କାଳୀପୂଜା ଶେଷ ଦିନ ଥିବାରୁ ପ୍ରବଳ ଭିଡ଼ ଦେଖିବାକୁ ମିଳୁଛି। ସମସ୍ତ କାର୍ଯ୍ୟକ୍ରମକୁ ଗ୍ରାମବାସୀ ସହଯୋଗ କରିଛନ୍ତି।

Comments are closed.