Advertisements
Thursday, July 9, 2020
Home District News ପାଇକମାଳ ଅଞ୍ଚଳରେ ସ୍ବାସ୍ଥ୍ୟ ସେବାର ସମସ୍ୟାର ସମାଧାନ ଦାବି

ପାଇକମାଳ ଅଞ୍ଚଳରେ ସ୍ବାସ୍ଥ୍ୟ ସେବାର ସମସ୍ୟାର ସମାଧାନ ଦାବି

ରିପୋର୍ଟ: ନିରୋଜ ପାଣି
ପାଇକମାଳ(୨୬.୧୦): ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡର ପାଇକମାଳ ଏକ ଜନବହୁଳ ଅଞ୍ଚଳ । କେବଳ ପାଇକମାଳ ସହରର ଲୋକ ସଂଖ୍ୟା ଦଶହଜାରରୁ ଉର୍ଦ୍ଧ୍ବ ହେବ । ସହରର ଉପରେ ଅନେକ ଛୋଟ ବଡ଼ ଗାଁ ଲୋକେ ନିର୍ଭର କରିଥାନ୍ତି ।

ପାଇକମାଳରୁ ମାତ୍ର ୪ କିମି ଦୂରରେ ରହିଛି, ପଶ୍ଚିମ ଓଡ଼ିଶାର ମୂଖ୍ୟ ପର୍ଯ୍ୟଟନ ସ୍ଥଳୀ ନୃସିଂହନାଥ । ଯେଉଁଠାକୁ ଦର୍ଶନ ସକାଶେ ପ୍ରତି ଦିନ ରାଜ୍ୟ ତଥା ରାଜ୍ୟ ବାହାରୁ ହଜାର ହଜାର ଶ୍ରଦ୍ଧାଳୁ ଭକ୍ତମାନେ ଆସିଥାନ୍ତି । ପାଇକମାଳ କେଉଁ ମାନ୍ଧାତା ଯୁଗର ଏକ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ରହିଛି ଯାହା ଅଞ୍ଚଳ ବାସୀଙ୍କୁ ସେବା ଯୋଗାଇ ଆସୁଛି । ବର୍ତମାନ ପରିପ୍ରେକ୍ଷୀରେ ଲୋକ ସଂଖ୍ୟା ଅନୁପାତରେ ଏହା ସ୍ବାସ୍ଥ୍ୟ ସେବାର ଚାହିଦା ପରୁଣ କରିବାରେ ପର୍ଯ୍ୟାପ୍ତ ନୁହେଁ । ଏଠାରେ ୨୪ଘଣ୍ଟିଆ ସ୍ବାସ୍ଥ୍ୟ ସେବାର ସୁବିଧା ଉପଲବ୍ଧ ନାହିଁ । ପ୍ରତିଦିନ ଏଠାରେ ବହିଃ ବିଭାଗରେ ଶହେରୁ ଉର୍ଦ୍ଧ୍ବ ରୋଗୀଙ୍କୁ ଦେଖାଯାଉଥିବାର ଦେଖିବାକୁ ମିଳିଛି । ସ୍ବାସ୍ଥ୍ୟ କେନ୍ଦ୍ରରେ କେବଳ ଜଣେ ନିୟମିତ ଡାକ୍ତର ଜଣେ ଆୟୁଷ ଡାକ୍ତର, ଜଣେ ଫାର୍ମାସିଷ୍ଟ, ଜଣେ ଡ଼େସ୍ନର୍, ଜଣେ ଆଟେଣ୍ଡାଣ୍ଟ, ଦୁଇ ଜଣ ଏ.ଏନ.ଏମ. ନିଯୁକ୍ତ ଅଛନ୍ତି । ସଫାସୁତରା କରିବା ପାଇଁ ନିୟମିତ କର୍ମଚାରୀ, ସୁରକ୍ଷାରାତ୍ରୀ ଯଗୁଆଳି ନିଯୁକ୍ତି ଆଜି ପର୍ଯ୍ୟନ୍ତ ନିଯୁକ୍ତି କରାଯାଇନାହିଁ । ସ୍ବାସ୍ଥ୍ୟ କେନ୍ଦ୍ରରେ କେବଳମାତ୍ର ୧୪ ଶଯ୍ୟା ବିଶିଷ୍ଟ ସୁବିଧା ରହିଛି ଯାହା କି ଗର୍ଭବତୀ ମହିଳାଙ୍କୁ ଏଠାରେ ଚିକିତ୍ସା ଓ ପ୍ରସବ କରାଯାଉଥିବା ବେଳେ ସ୍ତ୍ରୀ ରୋଗ ବିଶେଷଜ୍ଞ ନ ଥିବାରୁ ପ୍ରସବୋତ୍ତର ମାଁ ଓ ନବଜାତ ଶିଶୁର ସ୍ବାସ୍ଥ୍ୟ ସମସ୍ୟାର ସମାଧାନ ପାଇଁ ସୁବିଧା ଉପଲବ୍ଧ ନାହିଁ । ସୂଚନାଯୋଗ୍ୟ ଏଠାରେ ଶିଶୁ ବିଶେଷଜ୍ଞ କି ଭେଷଜ, ଶଲ୍ୟ ବିଶେଷଜ୍ଞ ନ ଥିବାରୁ ଲୋକଙ୍କୁ ଚିକିତ୍ସା ପାଇଁ ଦୂରଦୂରାନ୍ତକୁ ଯିବାକୁ ପଡୁଛି । ପାଇକମାଳରେ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରର ଜାଗାର କି ଭିତ୍ତିଭୂମିର ଅଭାବ ନାହିଁ । ଏଠାରେ କେବଳ ବିଶେଷଜ୍ଞ ଡାକ୍ତରଙ୍କ ଅଭାବ ଦେଖାଦେଇଛି । ଅନ୍ୟ ଦିଗରେ “ମୋ ସରକାରଙ୍କ ” ଇଚ୍ଛା ଶକ୍ତିର ଅଭାବ ଯୋଗୁଁ ସ୍ବାସ୍ଥ୍ୟ କେନ୍ଦ୍ରକୁ ଆଧୁନିକ କରଣ କରାଯାଇପାରନ୍ତା ବୋଲି ମତ ପ୍ରକାଶ ପାଇଛି । ସରକାର ଏ ଅଞ୍ଚଳର ଲୋକଙ୍କ ସ୍ବାସ୍ଥ୍ୟ ସମସ୍ୟାର ସୁଧାର ଆଣିବା ପାଇଁ ବହୁ ଦିନରୁ ଦାବି ହେଉଛି । ଏହି ପ୍ରାଥମିକ ସ୍ବାସ୍ଥ୍ୟକେନ୍ଦ୍ରକୁ ଖୁବ ଶୀଘ୍ର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପରିଣତ କରିବାକୁ ସରକାରଙ୍କ ପାଖରେ ଅଞ୍ଚଳ ବାସୀ ଦାବି କରିଛନ୍ତି ।

Advertisements
Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ଜେନିତ୍ ମହାବିଦ୍ୟାଳୟ ପଦ୍ମପୁରରେ ବନ ମହୋତ୍ସବ ସପ୍ତାହ ପାଳିତ

ରିପୋର୍ଟ: ନିରୋଜ କୁମାର ପାଣି //ପଦ୍ମପୁର(ତା ୮ ୵ ୭ ୵ ୨୦୨୦): ପଦ୍ମପୁର ଜେନିତ ମହା ବିଦ୍ୟାଳୟ ତରଫରୁ ବନ ବିଦ୍ୟାଳୟର ସପ୍ତାହ ପାଳିତ ହୋଇଯାଇଛି ।...

ସଙ୍ଗୀତ ନିର୍ଦ୍ଦେଶକ ବୃନ୍ଦାବନ ମେହେରଙ୍କ ସଫଳତା

ରିପୋର୍ଟ : ଦ୍ରୌପଦ ନାୟକ //ବଙ୍ଗୋମୁଣ୍ଡା,ବଲାଙ୍ଗୀର (୦୮/୦୭): ସଙ୍ଗୀତ ଜଗତ ର ସଫଳ ନିର୍ଦେଶକ ବୃନ୍ଦାବନ ମେହେର।ପଶ୍ଚିମ ଓଡ଼ିଶା ର ସଙ୍ଗୀତ କହିଲେ ସାଧାରଣତଃ ସମ୍ବଲପୁରୀ ଗୀତ କୁ...

ବେଗୁନିଆପଡା ବ୍ଲକର ବିଭିନ୍ନ ପଞ୍ଚାୟତକୁ କଣ୍ଟେନମେଣ୍ଟ ଜୋନ ଓ ବଫର ଜୋନ ଘୋଷଣା

ରିପୋର୍ଟ: ରାକେଶ ମହାରଣା //କୋଦଳା(୦୮/୦୭): ଗଞ୍ଜାମ ଜିଲ୍ଲାରେ ଦିନକୁ ଦିନ କରୋନା ମହାମାରୀ ବୃଦ୍ଧି ପାଉଥିବା ବେଳେ ଏହି କ୍ରମରେ ବେଗୁନିଆପଡା ବ୍ଲକରେ ମଧ୍ୟ ଦିନକୁ ଦିନ କରୋନା...

ଅବକାରୀ ବିଭାଗ ର ଚଢ଼ାଉ, ବିପୁଳ ପରିମାଣ ପୋଚ୍ଚ ଓ ଦେଶୀ ମଦ ଜବତ

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //ରାୟଗଡା (୦୮/୦୭): ରାୟଗଡା ଜିଲ୍ଲାରେ ଚରାମଦ କାରବାର ବୃଦ୍ଧି ପାଉଥିବା ଦୃଷ୍ଟିରେ ରଖି ରାୟଗଡା ଜିଲ୍ଲାପାଳ ଶ୍ରୀ ପ୍ରମୋଦ କୁମାର ବେହେରା ଏବଂ...

Recent Comments

%d bloggers like this: