Thursday, August 6, 2020
Home Business & Private କମିଯାଉଛି ମାଟି ତିଆରି ଦୀପର ଚାହିଦା, ଦେଖନ୍ତୁ ରିପୋର୍ଟ

କମିଯାଉଛି ମାଟି ତିଆରି ଦୀପର ଚାହିଦା, ଦେଖନ୍ତୁ ରିପୋର୍ଟ

ରିପୋର୍ଟ: ଗୋପୀନାଥ ଗୌଡ଼
ରାୟଗଡା(୨୪-୧୦-୨୦୧୯): ଆସୁଛି ଆଲୋକର ପର୍ବ ଦୀପାବଳି ସମ୍ପୂର୍ଣ ଭାରତବର୍ଷରେ ଏହି ପର୍ବଟିକୁ ସାମୁହିକ ଭାବେ ମହାଆଡମ୍ବର ସହିତ ପାଳିତ ହୋଇଥାଏ | ଏହି ପର୍ବରେ ଦୀପ ଜାଳି ଲୋକେ ପର୍ବ ପାଳନ କରିଥାନ୍ତି | କେଉଁ ଆଦିମକାଳରୁ ଏହି ଦୀପଦାନର ପରମ୍ପରା ପ୍ରଚଳିତ ହୋଇ ଆସୁଅଛି | ତାହାର କୌଣସି ନିର୍ଦ୍ଧିଷ୍ଟ ସମୟ ନିର୍ଧାରିତ ହୋଇପାରିନାହିଁ |ଏହି ପର୍ଵଟିର ନାମ ଅନୁସାରେ ଦୀପ ହିଁ ମୁଖ୍ୟ ଭୂମିକା ଗ୍ରହଣ କରିଛି |

ଆମ ପୁରୁଣା ପରମ୍ପରା ଅନୁଯାୟୀ ସମ୍ପୂର୍ଣ ଭାରତ ବର୍ଷରେ ଘରେ ଘରେ ମାଟି ନିର୍ମିତ ଦୀପ ଲଗାଯାଇଥାଏ | କିନ୍ତୁ, ଆଜିର ସମସ୍ୟା ଭିନ୍ନ | ଆମେ ଆମ ପରମ୍ପରା ଅନୁଯାୟୀ ଘରକୁ ଆଲୋକିତ ତ କରିଦେଉ |କିନ୍ତୁ, ଭୁଲିଯାଉଛୁ ମାଟି ନିର୍ମିତ ଦୀପକୁ | ପଶ୍ଚାତ୍ୟ ସଭ୍ୟତା କୁ ଅନୁସରଣ କରି ମାଟିଦୀପ ସ୍ଥାନରେ ବ୍ୟବହାର ହଉଛି ମହମବତୀ | ଯାହାକି ପରିବେଶକୁ ଦୂଷିତ କରିବା ସହିତ ହାନି କାରକ କେମିକାଲ ମିଶ୍ରିତ ହୋଇ କରାଯାଇଥାଏ | କିନ୍ତୁ, କ୍ଷଣିକ ସୁବିଧାକୁ ଦୃଷ୍ଟିରେ ରଖି ଆମେ ନେଇ ଆସୁ ମହମବତୀ, ପଡୋଶୀ ରାଷ୍ଟ୍ର ନିର୍ମିତ ଲିଚୁଲାଇଟ ମାଳ | ଆମ ଦେଶର ପର୍ଵ କିନ୍ତୁ ଲାଭବାନ ହେଉଛନ୍ତି ପଡୋଶୀ ରାଷ୍ଟ୍ର | ଏହିସବୁ ଜାକଜକମ ଭିତରେ ଆମେ ଭୁଲିଯାଇଛୁ ସେହି ପାରିଶ୍ରମି ହାତକୁ ଯାହାର ହାତର ସ୍ବର୍ଶରେ ସାଧାରଣ ମାଟି ଦୀପର ରୂପ ନେଇଥାଏ | ଅନ୍ୟର ଘରକୁ ଆଲୋକିତ କଲେ ନିଜର ଘରେ ଚୁଲି ଲାଗିବା ସହିତ ନିଜ ଛୁଆପିଲାଙ୍କ ମୁହଁରେ ଦୁଇଓଳା ଦୁଇମୁଠା ଖାଇବାକୁ ଦେଇଥାଏ କୁମ୍ଭାର ପରିବାରକୁ | ପରିବାର ସ୍ବପ୍ନ ନେଇ କୁମ୍ଭକାର ଲାଗିପଡେ, ମାଟି ସହିତ ମାଟି ହୋଇ ମାଟିକୁ ବିଭିନ୍ନ ରୂପଦେବାରେ କିନ୍ତୁ, ସତରେ କଣ ତା ସ୍ବପ୍ନ ସାକାରହୁଏ |

ଆଜିର ସଭ୍ୟସମାଜ ବଜାରକୁ ଗଲେ ମାଟି ଦୀପ ବଦଳରେ ନେଇ ଆସୁଛନ୍ତି ମହମବତୀ ଓ ଲିଚୁମାଳ | ମାଲାମାଲ ହୁଅନ୍ତି ପଡୋଶୀ ଦେଶ କିନ୍ତୁ, ଭୋକବିକଳ ରେ ରୁହନ୍ତି ଆମଦେଶର ପାରମ୍ପରିକ ମାଟି କଳାକାର | ପବିତ୍ର ଏହି ଆଲୋକର ଗଣପର୍ବରେ ଦୀପାବଳିକୁ ଆମ ଘର ଆଲୋକିତ କରିବା ସହିତ, କୁମ୍ଭକାରଙ୍କ ପରିବାରକୁ ମଧ୍ୟ ମାଟି ଦୀପ କିଣି ପରିବେଶ ସୁରକ୍ଷା କରିବା ସହିତ ମାଟିରେ ମାଟିର ଦୀପକୁ ସମ୍ବାନ ଜଣାଇବା | କୌଣସି କୁମ୍ଭକାରଙ୍କ ପରିବାର ଭୋକରେ ନ ରହୁ | ମାଟିରେ ତିଆରି କରିଥିବା ପରିଶ୍ରମ ର ପାରିଶ୍ରମିକ ମିଳୁ ଏହି ଚିନ୍ତାଧାରାକୁ ପ୍ରେରଣା ମିଳୁ | ଆମର ମୂଳପରମ୍ପରାର ବିଲୁପ୍ତ ନ ହେଉ | ଆମ ପରିବେଶ ଦୂଷିତ ନ ହେଉ | ଏହି ଆଲୋକର ପର୍ଵ ସମସ୍ତଙ୍କ ଘରକୁ ଆଲୋକିତ କରୁ | ଏହି ସାମାନ୍ୟ ସହଯୋଗ ବହୁତ ପରିବାରଙ୍କ ମୁଖରେ ହସଦେବ | ଆମ ଭାରତୀୟ ପରମ୍ପରା କୁ ବଜାୟୀ ରଖିବା | ପ୍ଲାଷ୍ଟିକ ଓ ମହମବତୀକୁ ବର୍ଜନ କରିବା |

Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ଜନ୍ମରୁ ଅନ୍ଧ, ପୁଣି ସ୍ତ୍ରୀ ଶଯ୍ୟାଶାୟୀ, ମୁଣ୍ଡ ଗୁଞ୍ଜିବା ପାଇଁ ବାରଦୁଆର-ପ୍ରଶାସନର ଦୃଷ୍ଟି ପଡୁ

ରିପୋର୍ଟ: ନିରୋଜ କୁମାର ପାଣି // ପଦ୍ମପୁର (୦୬/୦୮): ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ରାଜବୋଡାସମ୍ବର ବ୍ଲକ ବୁଡେନ ଗ୍ରାମପଂଚାୟତ ଅନ୍ତର୍ଗତ ସିଲେଟପାଲି ଗ୍ରାମର ରଘୁ ନାଗର ଏକ ଦୁଃଖଦ କାହାଣୀ । ଜନ୍ମ...

ବନ୍ଧୁଗାଁ ରେ ବିଭିନ୍ନ କାର୍ଯ୍ୟାଳୟରେ ନିରବ ପ୍ରର୍ଥନ ସହ ଶପଥ ପାଠ ଅନୁଷ୍ଠିତ

ରିପୋର୍ଟ: ମିନା ବେହେରା // ବନ୍ଧୁଗାଁ (ତା୫:୮:୨୦): ବନ୍ଧୁଗାଁ ବ୍ଲକଠାରେ ଆଜି ପୋଲିସ ବିଭାଗର ସମସ୍ତ ଅଧ8କାରୀ,ଅଗ୍ନିଶମ ବିଭାଗର ସମସ୍ତ ଅଧିକାରୀ ଓ ବନ ବିଭାଗର ରେଞ୍ଜର କାର୍ଯ୍ୟାଳୟର ସମସ୍ତ ଅଧିକାରୀଙ୍କ ଉପିସ୍ତିତରେ ଆଜି...

ଅଯୋଧ୍ୟାରେ ରାମ ମନ୍ଦିର ଭୂମି ପୂଜନ ଅବସରରେ ବୋରିଗୁମ୍ମା ଭା.ଜ.ପା.ତରଫରୁ ହୋମ ଓ ପୂଜାପାଠ

ରିପୋର୍ଟ : ରବିଶଙ୍କର ମହାପାତ୍ର // କୋରାପୁଟ(୦୫/୦୮): ଆଜି ପୂର୍ବାହ୍ନରେ କୋରାପୁଟ ଜିଲ୍ଲା ବୋରିଗୁମ୍ମା ଶ୍ରୀରାମ ମନ୍ଦିର ପରିସରରେ ଭାରତୀୟ ଜନତା ପାର୍ଟି ତରଫରୁ ଅଯୋଧ୍ୟାରେ ରାମ ମନ୍ଦିର ଭୂମି ପୂଜନ ଉପଲକ୍ଷେ ସାମାଜିକ...

ଆନ୍ତର୍ଜାତୀକ ସ୍ତରରେ ଗଙ୍ଗାଧର ଜୟନ୍ତୀର ପ୍ରଥମ ୱେବନିଅର, ଦୁବାଇ ପଶ୍ଚିମ ଓଡିଶା କମ୍ୟୁନିଟିର ଆଲୋଚନା ଚକ୍ର

ରିପୋର୍ଟ: ନିରୋଜ କୁମାର ପାଣି // ପଦ୍ମପୁର (୦୬/୦୮): ପବିତ୍ର ଶ୍ରାବଣ ପୁର୍ଣ୍ଣିମା ଦିବସରେ ୟୁଏଇ ଅନ୍ତର୍ଗତ ଦୁବାଇରେ ଡିଜିଟାଲାଇଜେସନ ଭାବରେ ପ୍ରଥମ ଥର ପାଇଁ ଗଙ୍ଗାଧର ଜୟନ୍ତୀ ପାଳିତ ହୋଇଯାଇଛି । ପଶ୍ଚିମ...

Recent Comments

%d bloggers like this: