ଓଡିଶା ରାଜ୍ୟପାଳଙ୍କ ମାଲକାନଗିରି ଗସ୍ତ

ରିପୋର୍ଟ: ଜିଲ୍ଲା ପ୍ରତିନିଧି ଅସୀମ ବିଶ୍ୱାସ
ମାଲକାନଗିରି(୨୧/୧୦): ମାଲକାନଗିରି ଜିଲ୍ଲାର ସମସ୍ତ ଜନସାଧାରଣ ଗର୍ଵ ଓ ଗୌରବ ସହ ଆନନ୍ଦ ଉଲ୍ଲାସରେ ମାତି ଉଠିଛନ୍ତି | ମାନ୍ୟବର ରାଜ୍ୟପାଳ ପ୍ରଫେସର ଶ୍ରୀ ଗଣେଷ ଲାଲ ଆଜି(ସୋମବାର) ମାଲକାନଗିରି ଜିଲ୍ଲା ଗ୍ରସ୍ତରେ ଆସିଥିଲେ । ପରେ ମୁଣ୍ଡାଗୁଡା ସ୍ଥିତ ଏକାଲବ୍ୟ ବିଦ୍ୟାଳୟ ପରିଦର୍ଶନ କରିଛନ୍ତି ।

ଏବଂ ସେଠାରେ ବିଦ୍ୟାଳୟରେ ଏକ ଗଣେଷ ବିଗ୍ରହ ସ୍ଥାପନ କରିବା ସହ ବିଦ୍ୟାଳୟର ବିଭିନ୍ନ କକ୍ଷ ବୁଲିବା ସହ କମ୍ପ୍ୟୁଟର ଲ୍ୟାବ ମଧ୍ୟ ପରିଭ୍ରମଣ କରିଥିଲେ ତା ସହିତ ବିଦ୍ୟାଳୟରେ ଵୃକ୍ଷ ରୋପଣ କରିଥିଲେ । ସର୍ଵ ଶେଷରେ ବିଦ୍ୟାଳୟ ଦ୍ଵାରା ଆୟୋଜିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଦେଖିଲେ । ତାପରେ ନିଜର ଅଭିଭାଷଣ ରଖିବା ସଙ୍ଗେ ସଙ୍ଗେ ବିଦ୍ୟାଳୟର ଛାତ୍ରଛାତ୍ରୀଙ୍କ ସହ ବିଭିନ୍ନ ବିଷୟରେ ଆଲୋଚନା ମଧ୍ୟ କରିଥିଲେ । ଉକ୍ତ କାର୍ଯ୍ୟକ୍ରମରେ ମାନ୍ୟବର ରାଜ୍ୟପାଳଙ୍କ ସହ ଜିଲ୍ଲାପାଳ ଶ୍ରୀଯୁକ୍ତ ମନୀଷ ଅଗ୍ରୱାଲ, ମାଲକାନଗିରି ବିଧାୟକ ଶ୍ରୀଯୁକ୍ତ ଆଦିତ୍ୟ ମାଡି ଏବଂ ଶ୍ରୀଯୁକ୍ତ ମାନସ ମାଡକାମୀ ମଧ୍ୟ ଉପସ୍ଥିତ ରହିଥିଲେ ।

Comments are closed.