ପ୍ରଶାସନର ୨୦୧୯”ପରବ”ପ୍ରସ୍ତୁତି ବୈଠକ

ରିପୋର୍ଟ: କପିଳେନ୍ଦ୍ରଦେବ ସାମନ୍ତରାୟ
ଲମତାପୁଟ(୧୪/୧୦/୧୯): ଲମତାପୁଟ ବ୍ଲକ ପ୍ରଶାସନ ପକ୍ଷରୁ ଚଳିତ ବର୍ଷର ସାଂସ୍କୃତିକ ପରବ ୨୦୧୯ ପାଇଁ ଏକ ବୈଠକ ଆୟୋଜନ କରାଯାଇଛି ଓ ଏହି ପରବ ଜରିଆରେ ପର୍ଯ୍ୟଟନସ୍ଥଳୀ ଡୁଡୁମାର ବିକାଶ କ୍ଷେତ୍ରରେ କାର୍ଯ୍ୟ କରାଯିବ ବୋଲି ନିଷ୍ପତି ନିଆଯଇଛି । ପ୍ରଥମ ଥର ପାଇଁ ଏଠାରୁ ଶୁଭାରମ୍ଭ କରାଯାଉଥିବାରୁ ଏଥିପାଇଁ ବ୍ୟାପକ ବନ୍ଦୋବସ୍ତ କରାଯିବାପାଇଁ ଆଲୋଚନା କରାଯାଇଛି ।

ଉଭୟ ପକ୍ଷ ଜିଲ୍ଲା ଓ ବ୍ଲକ ପ୍ରଶାସନ ପକ୍ଷରୁ ଏହା କିପରି ଶାନ୍ତି ଶୃଙ୍ଖଳାରେ ପାଳନ କରାଯିବ ସେନେଇ ଆଲୋଚନା କରାଯାଇଛି । ସୂଚନା ଅନୁସାରେ ଚଳିତ ବର୍ଷ ପରବ ମଶାଲ ଜଳପ୍ରପାତର ପାତାଳେଶ୍ୱରରୁ ଅଣାଯିବ। ସୁରକ୍ଷା ପାଇଁ ଜଳପ୍ରପାତରେ ବ୍ୟାରିକେ଼ଟ ନିର୍ମାଣ କରାଯିବ। କାର୍ଯ୍ୟକ୍ରମରେ ପାଖାପାଖି ୧୦ ହଜାର ଲୋକ ସମାଗମକୁ ଦୃଷ୍ଟିରେ ରଖି ଟ୍ରାଫିକ ନିୟନ୍ତ୍ରଣ, ପାନୀୟ ଜଳ ଯୋଗାଣ ଉପରେ ଗୁରୁତ୍ୱ ଦିଆଯିବ ବୋଲି ନିଷ୍ପତି ନିଆଯାଇଛି । କାର୍ଯ୍ୟକ୍ରମରେ ଅଧିକ ଲୋକଙ୍କ ଆଗମନର ସମ୍ଭାବନା ଥିବାରୁ ବାରଙ୍ଗବାଡି ଖେଳ ପଡିଆରେ ଶୁଭାରମ୍ଭ କରାଯିବା ପାଇଁ ନିଷ୍ପତି ନିଆଯାଇଛି । ବୈଠକରେ କୋରାପୁଟ ବିଧାୟକ ରଘୁରାମ ପାଡାଲ ଙ୍କ ସମେତ ବ୍ଲକ ପ୍ରଶାସନ ଉପସ୍ଥିତି ଥିଲେ । ପରେ ସମସ୍ତେ ଜଳପ୍ରପାତ ସ୍ଥାନ ଓ ଖେଳ ପଡିଆର ପରିଦର୍ଶନରେ ଯାଇଥିଲେ । ଏହି କାର୍ଯ୍ୟକ୍ରମରେ ବିଡ଼ିଓ ଶରତ ଚନ୍ଦ୍ର ମାଝି, ତହସିଲଦାର ସ୍ନେହାପ୍ରଭା ମାଝି, ବ୍ଲକ ଅଧ୍ୟକ୍ଷା ଲକ୍ଷ୍ମୀ ହାନ୍ତାଳ, ବ୍ଲକ ଉପାଧ୍ୟକ୍ଷ ଘାସି ମାଂଡି, ଜିଲ୍ଲା ପରିଷଦ ଅଧ୍ୟକ୍ଷ ତୁଳସୀ କ୍ରିଶାନି, ପଟାଙ୍ଗିର ପୂର୍ବତନ ବିଧାୟକ ପ୍ରଫୁଲ୍ଲ ପାଙ୍ଗି, ଓ ସମସ୍ତ ପଞ୍ଚାୟତର ସରପଞ୍ଚ ସମିତି ସଭ୍ୟ ଜିଆରସ ପ୍ରମୁଖ ଉପସ୍ଥିତ ଥିଲେ।

Comments are closed.