ଅବ୍ୟବସ୍ଥା ଘେରରେ ବାଲିଗୁଡା ଏନ୍ଏସି, ନିୟମିତ ଆସୁନାହାନ୍ତି କର୍ମଚାରି, ଅତିଷ୍ଠ ହୋଇ ତାଲା ପକାଇଲେ କାଉନସିଲର

ରିପୋର୍ଟ: ବିଭୁତି ଲହରିଆ
ବାଲିଗୁଡା,କନ୍ଧମାଳ(୧୪/୧୦): କନ୍ଧମାଳ ଜିଲ୍ଲା ବାଲିଗୁଡା ଏନ୍ ଏ ସି କତ୍ତୃପକ୍ଷଙ୍କ ମନମାନି | ନିୟମିତ ଆସୁନାହାନ୍ତି କାର୍ଯ୍ୟ ନିର୍ବାହୀ ଅଧିକାରୀ ଜୟଦେବଷଡଙ୍ଗୀ ସମେତ ଅନ୍ୟ ତିନିକର୍ମଚାରୀ । ଆଜି କାର୍ଯ୍ୟନିର୍ବାହୀ ଅଧିକାରୀ ସମେତ କିରାନି ହିସାବ ରକ୍ଷକ ଓ ସାମାଜିକ ସୁରକ୍ଷା ଅଧିକାରୀଙ୍କ ଅନୁପସ୍ଥିତି ଦେଖିବାକୁ ମିଳିଛି ।

ବିଭିନ୍ନ କାମନେଇ ଲୋକେ କାର୍ଯ୍ୟାଳୟକୁ ଦୌଡିଦୌଡି ନୟାନ୍ତ ହେଉଥିଲେ |ଏଥିରେ ଅତିଷ୍ଠ ହୋଇ ୧୧ନମ୍ବର କାଉନସିଲର ନାରାୟଣ ଡାକୁଆ, ୧୩ନମ୍ବର କାଉନସିଲର ଜୟନ୍ତୀ ଜେନା, ୧୦ନମ୍ବର କାଉନସିଲର ବରୋଦା ପ୍ରସାଦ ମିଶ୍ର କାର୍ଯ୍ୟାଳୟ ଫାଟକକୁ ତାଲା ପକାଇଛନ୍ତି | ସମସ୍ୟାର ସମାଧାନ ନ ହେବା ପର୍ଯ୍ୟନ୍ତ ଓ ସଂପୃକ୍ତ ସରକାରୀ କର୍ମଚାରୀଙ୍କ ବିରୋଧରେ ଦୃଷ୍ଟାନ୍ତ ମୂଳକ କାର୍ଯ୍ୟାନୂଷ୍ଠାନ ନ ହେବା ପର୍ଯ୍ୟନ୍ତ ଅନିର୍ଦ୍ଦିଷ୍ଟକାଳ ପର୍ଯ୍ୟନ୍ତ ତାଲା ପଡିବ ଏବଂ ଗ୍ରାମବାସୀଙ୍କ ସମେତ ସମସ୍ତ କାଉନସିଲର ରାଜରାସ୍ତାକୁ ଓହ୍ଲାଇବାକୁ ଦୃଢ ଚେତାବନୀ ଦେଇଛନ୍ତି |

Comments are closed.