ଅଧା ବାଟରେ ଅଚଳ ହେଲା ୧୦୮ ଆମ୍ମୁଲାନ୍ସ, ଦେଢ଼ ଘଣ୍ଟା ଧରି ରୋଗୀ କଳବଳ

ରିପୋର୍ଟ: ଧ୍ରୁବରାଜ ମିଶ୍ର
ବିନିକା (୧୨/୧୦): ବିନିକା ରାସ୍ତାରେ ରୋଗୀ ନେଇ ବୁର୍ଲା ବଡ ମେଡିକାଲକୁ ଯାଉଥିବା ଏକ ୧୦୮ ଆମ୍ବୁଲାନ୍ସ ସହର ନିକଟସ୍ତ ବେଲପଡା ଛକରେ ଅଚଳ ଅବସ୍ଥାରେ ରାସ୍ତା କଡ଼ରେ ଅଟକି ରହିଛି ।

ସୂଚନା ଅନୁସାରେ ଆଜି ସକାଳେ ବଲାଙ୍ଗୀର ଭୀମଭୋଇ ବଡ ମେଡିକାଲରୁ ଗୁରୁତର ଅବସ୍ଥାରେ ରୋଗୀକୁ ବୁର୍ଲା ଡାକ୍ତରଖାନାକୁ ନିଆଯାଉଥିଲା । ଫଳରେ ହଠାତ୍ ଗାଡିଟି ବେଲପଡା ଛକରେ ଅଚଳ ହୋଇପଡିଥିଲା । ଏପରିସ୍ଥିତିରେ ସନ୍ଧ୍ୟା ପର୍ଯ୍ୟନ୍ତ ଉକ୍ତ ଆମ୍ବୁଲାନ୍ସ ନ.ଓଡି୦୨ଏନ୍-୩୦୨୬ ଗାଡିଟି ଅଚଳ ଅବସ୍ଥାରେ ପଡିରହିଥିବାରୁ ଦୀର୍ଘ ଦେଢ଼ ଘଣ୍ଟା ଧରି ରୋଗୀ ଯନ୍ତ୍ରଣାରେ କଳବଳ ହେବାରୁ ବିନିକା ଆମ୍ବୁଲାନ୍ସକୁ ଖବର ଦିଆଯାଇଥିଲା । ପରେ ସେଠାକୁ ବିନିକା ୧୦୮ ଆମ୍ବୁଲାନ୍ସ ପହଞ୍ଚି ଗୁରୁତର ରୋଗୀଙ୍କୁ ବୁର୍ଲାକୁ ନିଆଯାଇଥିଲା ।

Comments are closed.