ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣୁପୁର, (୭/୧୧) : ଗୁଣୁପୁର ଟାଉନ ହଲ ଠାରେ ଦୁର୍ନୀତି ନିବାରଣ ସଚେତନତା ଶିବିର ଅନୁଷ୍ଠିତ । ସମାଜରେ ବଢି ଚାଲିଥିବା ଦୁର୍ନୀତି ରୋକିବା ଦିଗରେ ସରକାରଙ୍କ ଦୁର୍ନୀତି ନିବାରଣ ବିଭାଗର ଚଢ଼ାଉ ଏବଂ କାର୍ଯ୍ୟାନୁଷ୍ଠାନ ଯଥେଷ୍ଟ ହୋଇ ପାରୁନି । ଏହାକୁ ରୋକିବାରେ ଜନ ସଚେତତା ର ଆବଶ୍ୟକତା ଅବସମ୍ଭାବି ହୋଇ ପଡ଼ିଛି ।
ଗୁଣୁପୁର ଟାଉନ ହଲ ଠାରେ ଦୁର୍ନୀତି ନିବାରଣ ଜନ ସଚେତନତା ନିମନ୍ତେ ରାଜ୍ୟ ସରକାରଙ୍କ ପକ୍ଷରୁ ଦୁର୍ନୀତି ନିବାରଣ ସଚେତତା ସପ୍ତାହ ପାଳନ କରାଯାଉଛି । ଏହି ଅବସରରେ ଆଜି ରାୟଗଡ଼ା ଜିଲ୍ଲା ଗୁଣପୁର ଟାଉନ ହଲ ଠାରେ ଓଡ଼ିଶା ଦୁର୍ନୀତି ସଂଘର୍ଷ ମଞ୍ଚ ଗୁଣପୁର ଶାଖା ପକ୍ଷରୁ ଦୁର୍ନୀତି ନିବାରଣ ସଚେତନତା ସପ୍ତାହ ୨୦୨୨ ପାଳିତ ହୋଇଯାଇଛି ।
ଆୟୋଜିତ ସଭାରେ ମୁଖ୍ୟ ଅତିଥି ଭାବେ ରାମନାଗୁଡା ବ୍ଲକ ଅଧ୍ୟକ୍ଷ ଶ୍ରୀ ରବି ଶଙ୍କର ଗମାଙ୍ଗ, ସମ୍ମାନିତ ଅତିଥି ଭାବେ ଜି ଆଇ ଇ ଟି ବିଶ୍ଵ ବିଦ୍ୟାଳୟର ଉପ ସଭାପତି ତଥା ପ୍ରାକ୍ତନ ପ୍ରାଧ୍ୟାପକ ଶ୍ରୀ ଡାଃ. ଚନ୍ଦ୍ରଧ୍ଵଜ ପଣ୍ଡା ଓ ମୁଖ୍ୟ ବକ୍ତା ଭାବେ ଖାଉଟି ବିବାଦ ବିଚାର ଅଦାଲତ ର ପ୍ରାକ୍ତନ ସଭାପତି ତଥା ସାମାଜସେବୀ ଶ୍ରୀ ପ୍ରଦୀପ କୁମାର ଦାଶ ଙ୍କ ସହ ଓଡ଼ିଶା ଦୁର୍ନୀତି ସଂଘର୍ଷ ମଞ୍ଚ ଗୁଣପୁର ଶାଖା ର କାର୍ଯ୍ୟକାରୀ ସଭାପତି ଶ୍ରୀ ହରି ହର ଶତପଥୀ ଏବଂ ସାଧାରଣ ସମ୍ପାଦକ ଚେପାଲି ପ୍ରେମ କୁମାର ଉପସ୍ଥିତ ରହି ମଞ୍ଚାସିନ ରହିଥିଲେ ।
ପ୍ରଥମେ ଅତିଥି ମାନଙ୍କ ଦ୍ଵାରା ପ୍ରଦୀପ ପ୍ରଜ୍ୱଳନ କରାଯିବା ପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା । କାର୍ଯ୍ୟକ୍ରମ ପ୍ରାରମ୍ଭରେ ଓଡ଼ିଶା ଦୁର୍ନୀତି ସଂଘର୍ଷ ମଞ୍ଚ ରାଜ୍ୟ ଶାଖାର ଯୁବ ସଂଯୋଜକ ଶକ୍ତି ପ୍ରଦ ଦାଶ ଅତିଥି ପରିଚୟ ପ୍ରଦାନ କରିବା ସହିତ ମଞ୍ଚର ଆଭିମୁଖ୍ୟ ସ୍ପଷ୍ଟ ଉପସ୍ଥାପନା କରିଥିଲେ । ଦୁର୍ନୀତି ନିବାରଣ କ୍ଷେତ୍ରରେ ସାଧାରଣ ଜନତା ଏବଂ ଯୁବ ପିଢ଼ି ର କର୍ତ୍ତବ୍ୟ ବିଷୟରେ ମଞ୍ଚାଷିନ ଅତିଥି ମାନେ ଆଲୋକପାତ କରି ସମ୍ଭାଷଣ ବ୍ୟକ୍ତ କରିଥିଲେ । ସଭା କାର୍ଯ୍ୟକ୍ରମ ର ଶେଷ ପର୍ଯ୍ୟାୟରେ ଦୁର୍ନୀତି ନିବାରଣ କ୍ଷେତ୍ରରେ ସ୍ୱର ଉଠାଇ କାର୍ଯ୍ୟ କରୁଥିବା କିଛି ସ୍ଵେଚ୍ଛାସେବୀ, ସୁଚନା ଅଧିକାର କର୍ମୀ ଓ ଯୁବ ସାମ୍ବାଦିକ ଙ୍କୁ ମଞ୍ଚ ପକ୍ଷରୁ ସମ୍ମାନୀତ କରାଯାଇଥିଲା ।
ସମ୍ମାନୀତ ବ୍ୟକ୍ତି ଙ୍କ ମଧ୍ୟରେ ସର୍ବଶ୍ରୀ ୱାଇ ଗଣପତି ରାଓ ,ପ୍ରମୋଦ କୁମାର ସାହୁ, ସୂର୍ଯ୍ୟ ନାରାୟଣ ରଥ, ପିଙ୍କି ମହାପାତ୍ର ଏବଂ ସୁନିଲ କୁମାର ସାବତ ଙ୍କୁ ସମ୍ମାନୀତ କରାଯାଇଛି । ଅପର ପକ୍ଷରେ ଦୁର୍ନୀତି ନିବାରଣ କ୍ଷେତ୍ରରେ ଅହରହ ବିଦ୍ୟାର୍ଥୀ ଓ ଯୁବ ସମାଜକୁ ସଚେତନତା କରି ଆସୁଥିବା ମହର୍ଷି ଗୁରୁକୁଳ ମହା ବିଦ୍ୟାଳୟ, ଥୟାରମା ମହିଳା ମହାବିଦ୍ୟାଳୟ ଓ ବଂଶଧାରା ମହାବିଦ୍ୟାଳୟ କୁ ମଞ୍ଚ ପକ୍ଷରୁ ସାଧୁବାଦ୍ ଜ୍ଞାପନ କରିବା ସହ ସମ୍ମାନୀତ କରାଯାଇଛି l
ପରିଶେଷରେ ଅତିଥି ଓ ସଭାରେ ସମସ୍ତ ବ୍ୟକ୍ତି ବିଶେଷ, ଯୁବପୀଢ଼ି ଓ ବିଦ୍ୟାର୍ଥୀ ଙ୍କ ଦ୍ଵାରା ସମବେତ ବନ୍ଦେ ମାତରମ୍ ସଙ୍ଗୀତ ଗାନ କରାଯାଇ ସଭା ସାଙ୍ଗ କରାଯାଇଥିଲା l ମୁଖ୍ୟତଃ ସମାଜରେ ବଢିଚାଲିଥିବା ଦୁର୍ନୀତିର ମୂଳଉତ୍ପାଟନ କରିବାକୁ ହେଲେ ଯୁବସମାଜ ଆଗକୁ ଆସିବାକୁ ଆହ୍ୱାନ ଦିଆଯାଇଥିଲା ।