ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣୁପୁର, (୬/୧୧) : ତା ୦୬/୧୧/୨୦୧୨ରିଖ ଶନିବାର ସରସ୍ୱତୀ ଶିଶୁ ବିଦ୍ୟା ମନ୍ଦିର ଗୁଣପୁରର ୨୭ତମ ବାର୍ଷିକ କ୍ରୀଡା ଉତ୍ସବ ଉଦ୍ଯାପିତ ହୋଇଯାଇଛି ।
୨୭ତମ ବାର୍ଷିକ କ୍ରୀଡା ଉତ୍ସବ ଗୁଣପୁରର ସରସ୍ୱତୀ ଶିଶୁ ବିଦ୍ୟା ମନ୍ଦିର ଠାରେ ଉଦଯାପିତ । ଇତ୍ୟବସରରେ ଜାତୀୟ ଆରକ୍ଷୀ ବାହିନୀର (ଭାମିନୀ କ୍ୟାମ୍ପ) ର କମାଣ୍ଡର ଶ୍ରୀ ଦିଲ୍ଲୀପ କୁମାର ମହାପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ଥିବାବେଳେ ସ୍ଥାନୀୟ ଅତିରିକ୍ତ ଜିଲ୍ଲାପାଳ ଶ୍ରୀ ରାଜେନ୍ଦ୍ର ଚୌଧୁରୀ ସମ୍ମାନିତ ଅତିଥି ଭାବେ ଯୋଗଦେଇଥିଲେ । ଅନୁଷ୍ଠାନର ପ୍ରଧାନ ଆଚାର୍ଯ୍ୟ ଶ୍ରୀ ପ୍ରଫୁଲ୍ଲ କୁମାର ଶତପଥୀ ଅତିଥି ପରିଚୟ ପ୍ରଦାନ କରିଥିଲେ ଓ ଶ୍ରୀ ମତୀ ମମତା ମିଶ୍ର ସଂଯୋଜନା କରିଥିଲେ ।
ଅନୁଷ୍ଠାନ ର ସମ୍ପାଦକ ଶ୍ରୀ ସୋମନାଥ ଗୌଡ ସଭାପତି ଶ୍ରୀ ବି ଗଜପତି ରାଓ ଯୁଗ୍ମ ସମ୍ପାଦକ ଶ୍ରୀ ମୋହନ ଚନ୍ଦ୍ର ସାହୁ ଉପ ସଭାପତି ଶ୍ରୀ ମୀନକେତନ ପଣ୍ଡା ଓ ସଦସ୍ୟା ଶ୍ରୀମତୀ ପ୍ରତିଭା ରଥ ଉପସ୍ଥିତ ଥିଲେ । ଏତଦ୍ ଵ୍ୟତୀତ ପୂର୍ବତନ ସଭାପତି ଶ୍ରୀ ଲଳିତ କୁମାର ବୈଦ୍ୟଭୂଷଣ , ସଦସ୍ୟା ଶ୍ରୀମତି ଅମ୍ବିକାରାଣୀ ମହାପାତ୍ର ଓ ସଂକୁଳ ପ୍ରମୁଖ ଶ୍ରୀ ଜଗନ୍ନାଥ ପଟ୍ଟନାୟକ ଉପସ୍ଥିତ ଥିଲେ ।
ସମାରୋପ ଉତ୍ସବ ରେ ବରିଷ୍ଠ ଶିଶୁ ମାନଙ୍କ ଦ୍ଵାରା ଅଗ୍ନି ବଳୟ ଓ ପିରାମିଡ ପ୍ରଦର୍ଶନ ହେବା ସହିତ ଯୋଗାସନ ଓ ଭଉଣୀ ମାନଙ୍କ ଦ୍ୱାରା ଲେଜିମ୍ସ ପ୍ରଦର୍ଶନ ହୋଇଥିଲା । ବିଭିନ୍ନ ଖେଳରେ କୃତିତ୍ୱ ଅର୍ଜନ କରିଥିବା ଶିଶୁ ମାନଙ୍କୁ ପୁରସ୍କାର ବିତରଣ କରାଯାଇଥିଲା । ଅନୁଷ୍ଠାନର ଶାରୀରିକ ପ୍ରମୁଖ କରନ୍ କଂସବେହେରା ଓ ସହ ଶାରୀରିକ ପ୍ରମୂଖ ମନୋଜ କୁମାର ମହାରଣା ପରିଚାଳନା କରିବା ସହିତ ସମସ୍ତ ଗୁରୁଜୀ ଗୁରୁମାଙ୍କ ସହଯୋଗରେ କାର୍ଯ୍ୟକ୍ରମଟି ସଫଳ ହୋଇଥିଲା ।