ହିନ୍ଦୁ ଦେବଦେବୀଙ୍କ ଫଟୋ ପୋଡି ସୋସିଆଲ ମିଡିଆରେ ଭାଇରଲ କରିବା ଘଟଣାରେ ଜଣେ ଗିରଫ

ରିପୋର୍ଟ: ଗୋପୀନାଥ ଗୌଡ଼
ରାୟଗଡା(୦୮/୧୦): ରାୟଗଡା ଜିଲ୍ଲା ଟିକିରି ଥାନା ଅନ୍ତର୍ଗତ ପାଂଚାଳି ଗ୍ରାମରେ ବିଭିନ୍ନ ହିନ୍ଦୁ ଦେବାଦେବୀଙ୍କ ଫୋଟୋ ପୋଡିବା ସହ ସୋସିଆଲ ମିଡିଆରେ ଭାଇରାଲ କରି ସାମ୍ପ୍ରଦାୟିକ ଭେଦଭାବ ସୃଷ୍ଟି କଲାଭଳି ଭିଡିଓ ଭାଇରାଲ କରିବା ଅଭିଯୋଗରେ ରାୟଗଡା ପୋଲିସ ଜଣେ ଅଭିଯୁକ୍ତକୁ ଗିରଫ କରିଛି ।

ଉକ୍ତ ଯୁବକର ନାମ ଅଗସ୍ତି ଗରଡା । ତା ଘର ଟିକିରି ଥାନା ଅନ୍ତର୍ଗତ ପଞ୍ଚାଳି ଗ୍ରାମରେ । ପଞ୍ଚାଳି ଗ୍ରାମର ଅଗସ୍ତି ଗରଡ଼ା ଗ୍ରାମର କିଛି ସ୍ଥାନୀୟ ଯୁବକଙ୍କୁ ନେଇ ହିନ୍ଦୁ ଦେବାଦେବୀଙ୍କ ଫୋଟୋ ପୋଡିବା ସହ ଏହାକୁ ସୋସିଆଲ ମିଡିଆରେ ଭାଇରାଲ କରିଥିଲା । ଏହାକୁ ନେଇ ସାରା ଜିଲ୍ଲାରେ ତୀବ୍ର ପ୍ରତିକ୍ରିୟା ସୃଷ୍ଟି ହୋଇଥିଲା । ଏହି ଘଟଣାରେ ରାୟଗଡା ପୋଲିସ ଏକ ମାମଲା ରୁଜୁ କରି ଅଭିଯୁକ୍ତକୁ କେଶ ନମ୍ବର ୩୪୫/୧୯ ଅଣ୍ଡର ସେକ୍ସନ ୧୫୩ଏ, ୨୯୫, ୨୯୫ଏ,୩୪,୧୨୦ବି ଧାରାରେ ଗିରଫ କରିବା ସହ ଘଟଣାରେ ସମ୍ପୃକ୍ତ ଅନ୍ୟମାନଙ୍କୁ ଖୋଜୁଥିବା ଜିଲ୍ଲା ଆରକ୍ଷୀ ଅଧିକ୍ଷକ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।

Comments are closed.