ରିପୋର୍ଟ : ଧ୍ରୁବରାଜ ମିଶ୍ର
ସୁବର୍ଣ୍ଣପୁର, (୪/୫) : ୫୪ ତମ କାଳୀ ପୂଜା ମହୋତ୍ସବ ଉପଲକ୍ଷେ ସୋନପୁର ମଝିପଡ଼ା ଠାରେ ପ୍ରତି ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଉଛି ।
କାଳୀ ପୂଜା ଅବସରରେ ଲୋଇସିଂହା ଠାରେ ଶଙ୍କର ବେହେରା ଓ ସାଥି ଟ୍ରୁପ କଳାକାର ଙ୍କ ସମ୍ବଲପୁରୀ ମେଲୋଡି ସଂଗୀତ ସାଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଏହି କାର୍ଯ୍ୟକ୍ରମ କୁ ସୁବର୍ଣ୍ଣପୁର ଏଡିଏମ ଜେନେରାଲ ନିଶି ପୁନମ ମିଞ୍ଜ ମୁଖ୍ୟ ଅତିଥି ଭାବେ ଯୋଗଦେଇ ଉଦଘାଟନ କରିଥିଲେ । ସମ୍ମାନିତ ଅତିଥି ଭାବେ ସୋନପୁର ଭାରପ୍ରାପ୍ତ ସୋନପୁର ଥାନା ଅଧିକାରୀ କୃଷ୍ଣ ଚନ୍ଦ୍ର ମେହେର, ମେଜର ସଞ୍ଜୟ ଷଡ଼ଙ୍ଗୀ ଯୋଗଦେଇ କଳାକାର, ଆୟୋଜକ ଓ ଦର୍ଶକ ଙ୍କୁ ଉତ୍ସାହିତ କରିଥିଲେ । ସେହିପରି ଗତ ମାସ ୨୩ ତାରିଖ ରୁ ମିନବଜାର ଓ ୩୧ ତାରିଖ ରେ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା ।
ଗତ ୧ ତାରିଖ ରେ ଦଣ୍ଡ ରତ୍ନ ବିପିନ ଜାଲ ଓ ସାଥି ଙ୍କ ଦ୍ୱାରା ଦଣ୍ଡ ନୃତ୍ୟ ଅନୁଷ୍ଠିତ ହୋଇଥିଲା । ଯାହାକୁ କି କମିଟି ର ବରିଷ୍ଠ ସଦସ୍ୟ ମାନେ ଉଦଘାଟନ କରିଥିଲେ । ୨ ତାରିଖ ରେ ପ୍ରାପ୍ତି ଆଚାର୍ଯ୍ୟ ଓ ବିଗ୍ୟାଂଶୀ ବାରିକ ଙ୍କ ଦ୍ୱାରା ପରିବେଷଣ କରାଯାଇଥିବା ଏହି ସୁନ୍ଦରା କାଣ୍ଡ ପରାୟଣ ଓ ଭଜନ କାର୍ଯ୍ୟକ୍ରମ କୁ ଅବକାରୀ ଅଧିକ୍ଷିକା ସୁମତି ତ୍ରିପାଠୀ ଉଦଘାଟନ କରିଥିଲେ ।
ଗତ କାଲି ର ନୃତ୍ୟ ସଂଗୀତ କାର୍ଯ୍ୟକ୍ରମ କୁ ଡେପୁଟି କଲେକ୍ଟର ଈପସିତା ମିଶ୍ର, ଆରଟିଓ ଅକ୍ଷୟ କୁମାର ଜେନା, ଆଇ ପି ଦୁର୍ୟୋଧନ ରାଉତ, ବିଜେଡି ଯୁବ ନେତା ଅମୀୟ ରଞ୍ଜନ ଦାଶ ଉଦଘାଟନ କରି କୃତି ପ୍ରତିଭା ଙ୍କୁ ପୁରସ୍କୃତ କରିଥିଲେ । ପ୍ରଥମ ସାଂସ୍କୃତିକ ସନ୍ଧ୍ୟାରେ ଦଣ୍ଡରାଜା ଭାବେ ବିପିନ ଜାଲ ଙ୍କୁ କମିଟି ପକ୍ଷରୁ ସମ୍ବର୍ଦ୍ଧିତ କରାଯାଇଥିବା ବେଳେ ଦ୍ଵିତୀୟ ସନ୍ଧ୍ୟାରେ ଗାୟିକା ପ୍ରାପ୍ତି ଆଚାର୍ଯ୍ୟ ଓ ବିଜ୍ଞାନ୍ସୀ ବାରିକ ଓ ଗୁରୁ ଙ୍କୁ, ତୃତୀୟ ସନ୍ଧ୍ୟା ରେ ଆଇପି ଦୁର୍ୟୋଧନ ରାଉତ ଓ ସମସ୍ତ ବିଚାରକ ଙ୍କୁ ଏବଂ ଆଜି ଚତୁର୍ଥ ସନ୍ଧ୍ୟା ମେଲୋଡି କାର୍ଯ୍ୟକ୍ରମ ରେ ଅତିଥି ଏଡିଏମ ନିଶି ପୁନମ ମିଞ୍ଜ, ଭାରପ୍ରାପ୍ତ ଥାନା ଅଧିକାରୀ କୃଷ୍ଣ ଚନ୍ଦ୍ର ମେହେର, ସୁବେଦାର ମେଜର ସଞ୍ଜୟ ଷଡ଼ଙ୍ଗୀ ଙ୍କୁ ସମ୍ବର୍ଦ୍ଧିତ କରାଯାଇଥିଲା ।
ଆସନ୍ତା କାଲି ୫ ତାରିଖ ରେ ସମ୍ବଲପୁର ର ସମ୍ବଲପୁରୀ ନିୟୁ ଶିଳ୍ପୀ ମେଲୋଡି ଏବଂ ୬ ତାରିଖ ରେ ରୁକୁ ସୁନା ଓ ସାଥି ଙ୍କ ଦ୍ୱାରା ମେଲୋଡି କାର୍ଯ୍ୟକ୍ରମ ପରିବେଷଣ କରାଯିବ ବୋଲି କମିଟି ପକ୍ଷରୁ ସୂଚନା ମିଳିଛି l ପୂଜା କମିଟି ର ସଭାପତି ସୁରଜ ସାହୁ, ଉପ ସଭାପତି ବୁବୁନ ନାଏକ, ସମ୍ପାଦକ ପୂରନ ନାଏକ, କୋଷାଧ୍ୟକ୍ଷ ରାଜୀବ ସାହୁ, ଙ୍କ ସମେତ କମିଟି ର ସମସ୍ତ ବରିଷ୍ଠ ଓ କନିଷ୍ଟ ସଦସ୍ୟ ପ୍ରତ୍ୟେକ କାର୍ଯ୍ୟକ୍ରମ ରେ ସହଯୋଗ କରିଥିଲେ l