ରାୟଗଡା ଜିଲ୍ଲାପାଳଙ୍କ ଅଭିଯୋଗ ଶୁଣାଣି ଶିବିର, ଗୁଡାରି

ରିପୋର୍ଟ: ଲୋକନାଥ ସାହୁ
ଗୁଡାରି(୩୦/୦୯): ଆଜି ରାୟଗଡା ଜିଲ୍ଲାପାଳଙ୍କ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଥିଲା | ପ୍ରଥମେ ଜିଲ୍ଲାପାଳ ବାସଗୃହ ପଟ୍ଟା ବଣ୍ଟନ କରିବା ପରେ ପିଡି ଡି ଆର ଡି ଏ(ରାୟଗଡା), ଗୁଣୁପୁର ଉପଜିଲ୍ଲାପାଳ, ଗୁଡାରି ବିଡ଼ିଓ, ପି ଏ ଏଇ ଟି ଡି ଏ ଜନସାଧାରଣଙ୍କୁ ଘର ପଟ୍ଟା ବଣ୍ଟନ କରିଥିଲେ |

ଏ ଶିବିରରେ ଆରକ୍ଷୀ ଅଧିକ୍ଷକ, ଜିଲ୍ଲା ଶିକ୍ଷାଧିଶ, ଜିଲ୍ଲା ସ୍ୱାସ୍ଥ୍ୟ ଅଧିକାରୀ, ଅବକାରୀ ଅଧିକାରୀ ସହ ଜିଲ୍ଲାର ସମସ୍ତ ବିଭାଗ ଅଧିକାରୀ ଉପସ୍ଥିତ ଥିଲେ | ଏ ଶିବିରରେ ଆର ଟି ଓ ବିଭାଗ ଅଧିକାରୀ ଆସି ଗାଡି କାଗଜ ପତ୍ର ଯାଞ୍ଚ କରି ଲାଇସେନ୍ସ ପ୍ରଦାନ କରିବା ଉପରେ ବ୍ୟବସ୍ଥା କରିଥିଲେ | ଶିବିର ରେ ପ୍ରାୟ ଏକ ହଜାର ରୁ ଉର୍ଦ୍ଧ ପୁରୁଷ ମହିଳା ଯୋଗଦେଇଥିଲେ | କେତେକ ଭିନ୍ନକ୍ଷମ, ଶଯ୍ୟାଶାୟୀ ରୋଗୀ ମଧ୍ୟ ନିଜର ଗୁହାରି ଶୁଣେଇବାକୁ ଆସିଥିବା ଦେଖାଯାଇଥିଲା | ଏ ଶିବିରକୁ ଗୁଡାରି ବ୍ଲକ ଓ ଏନଏସି ର ସମସ୍ତ କର୍ମକର୍ତ୍ତା ଯୋଗଦେଇ ସହଯୋଗ କରିଥିଲେ | ଗୁଡାରି ବିଡ଼ିଓ ଉକ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ |

Comments are closed.