୬୨ଛାତ୍ରଙ୍କୁ ଘରକୁ ପଠାଇଲେ ପ୍ରଧାନ ଶିକ୍ଷକ, ଛାତ୍ରାବାସରେ ଚାଉଳ ନାହିଁ

ରିପୋର୍ଟ: କପିଳେନ୍ଦ୍ରଦେବ ସାମନ୍ତରାୟ
ଲମାତାପୁଟ (୨୮/୦୯/୧୯): ୬୨ ଜଣ ଛାତ୍ରଙ୍କୁ ଘରକୁ ପଠାଇ ଦେଇଛନ୍ତି ପ୍ରଧାନଶିକ୍ଷକ । ଏଭଳି ଅଭାବୀୟ ପରିସ୍ଥିତି ସୃଷ୍ଟି ହୋଇଛି ଲମାତାପୁଟ ବ୍ଲକ ବାଲେଲ ସରକାରୀ ପ୍ରକଳ୍ପ ଉଚ୍ଚବିଦ୍ୟାଳୟରେ । ଅନ୍ୟ ପକ୍ଷରେ ଡବ୍ଲୁଇଓ ଅମିୟ ସୁଚିତା ତିର୍କୀ ସ୍ବୀକାର କରିଛନ୍ତି ଯେ ଚାଉଳ ନ ଥିବା କଥା ପ୍ରଧାନ ଶିକ୍ଷକ ତାଙ୍କୁ ଦୁଇ ଥର ଅବଗତ କରାଇଥିଲେ ।

ଏ ବିଷୟରେ ସେ ତାଙ୍କ ଉପରିସ୍ଥ ଅଧିକାରୀଙ୍କୁ ଜଣାଇଥିଲେ । ଆସନ୍ତା ଅକ୍ଟବୋର୍ ସୁଦ୍ଧା ଚାଉଳ ସ୍କୁଲ୍ ରେ ପହଞ୍ଚିଯିବ ବୋଲି ସୂଚନା ମିଳିଥିଲା । କିନ୍ତୁ ପ୍ରଧାନଶିକ୍ଷକ କାହାକୁ କିଛି ନ ଜଣାଇ କିଭଳି ୬୨ପିଲାଙ୍କୁ ଛୁଟି ଦେଲେ ସେ ନେଇ ପଶ୍ନବାଚୀ ସୃଷ୍ଟି ହୋଇଛି । ମିଳିଥିବା ତଥ୍ୟ ଅନୁଯାୟୀ ଏହି ବିଦ୍ୟାଳୟରେ ୩୧୯ ଜଣ ଛାତ୍ର ଅଧ୍ୟୟନ କରନ୍ତି । ଗତ ମାର୍ଚ୍ଚରୁ ବ୍ଲକ ପ୍ରଶାସନ ଛାତ୍ରବାସରେ ରହୁଥିବା ପିଲାଙ୍କ ପାଇଁ ଚାଉଳ ଯୋଗାଇ ନାହିଁ । ତଥାପି ହଷ୍ଟେଲ ରହୁଥିବା ୧୧୦ ଜଣ ପିଲାଙ୍କ ପାଇଁ ଆଜି ପର୍ଯ୍ୟନ୍ତ ସମୟ ଅନୁଯାୟୀ ସମସ୍ତ ପ୍ରକାର ବ୍ୟବସ୍ଥା କରି ଆସୁଥିଲେ, ପ୍ରଧାନ ଶିକ୍ଷକ ନିଜେ କରଜ କରି ବିଭିନ୍ନ ବିଦ୍ୟାଳୟରୁ ଚାଉଳ ଆଣି ହଷ୍ଟେଲ ଚଳାଇଥିଲେ । ଦୀର୍ଘ ୬ମାସ ଧରି ବିଭିନ୍ନ ସମସ୍ୟାର ସମୁଖୀନ ହେବା ପରେ ବାଧ୍ୟ ହୋଇ ୬୨ଜଣ ଛାତ୍ରଙ୍କୁ ଦଶହରା ପୂର୍ବରୁ ଘରକୁ ପଠେଇ ଦେଇଛନ୍ତି ।

Comments are closed.