ମୁରିବାହାଲ ପିଏସ ଦୁନିଆର କଲେଜର ୫୦ତମ ଏନଏସଏସ ଦିବସ ପାଳିତ

ରିପୋର୍ଟ: ଭଗବାନ ମହାନ୍ତି /ନିମାଇଁ ଚରଣ ବଘାର
ମୁରିବାହାଲ (୨୪/୦୯): ମୁରିଭଲ ପି ଏସ ଜୁନିୟର କଲେଜର ଇଂରାଜୀ ଅଧ୍ୟାପକ ହୃଦାନନ୍ଦ ପୁହାନଙ୍କ ଅଧ୍ୟକ୍ଷତାରେ ଏନଏସଏସ ର ୫୦ତମ ଦିବସ ପାଳିତ ହୋଇଯାଇଛି | ମୁଖ୍ୟ ଅତିଥି ଭାବେ କଲେଜ ଅଧ୍ୟକ୍ଷା ରମେଶ ଚନ୍ଦ୍ର ମହାନନ୍ଦ ଥିବାବେଳେ ସମ୍ମାନିତ ଅତିଥି ଭାବେ ଓଡ଼ିଆ ଅଧ୍ୟାପକ ପ୍ରଫୁଲ୍ଲ ଚନ୍ଦ୍ର ପଣ୍ଡା, ଓଡ଼ିଆ ଅଧ୍ୟାପିକା ଶ୍ରୀମତୀ ଭବାନୀ ପୋଢ଼, ଆଇଟି ଅଧ୍ୟାପକ ଅଂଶୁମାନ ଦାସ, ସାମ୍ବାଦିକ ସଂଘ ସଭାପତି ଭଗବାନ ମହାନ୍ତି, ସାମ୍ବାଦିକ ଦୁର୍ଗନାନ୍ଦ ମହାକୁର, ନିମାଇଁ ଚରଣ ବଘାର, ବନବିହାରୀ ଯୋଶୀ, ସୁବ୍ରତ ମହାକୁର, ତାରାଣୀ ସେନ ମେହେର ଓ ଶତାଧିକ ଛାତ୍ରଛାତ୍ରୀ ଉପସ୍ଥିତ ଥିଲେ |

ଏହି ଅବସରରେ ମୁଖ୍ୟ ଅତିଥି ଶ୍ରୀ ମହାନନ୍ଦ ଛାତ୍ରଛାତ୍ରୀଙ୍କୁ ଜାତିର ପିତା ମହାତ୍ମା ଗାନ୍ଧୀଙ୍କ ସ୍ବପ୍ନ ପୂରକରିବା, ଚରିତ୍ର ଗଠନ କରିବା, ପରିବେଶ ସଫା ସୁତୁରା ରଖିବା, ଦୁଖୀ ଦରିଦ୍ର ଲୋକଙ୍କୁ ସାହାଯ୍ୟ କରିବା, ପଲିଥିନ ମୁକ୍ତ ପରିବେଶ ଗଢିବା ପାଇଁ ଉପଦେଶ ଦେଇଥିଲେ | ଶ୍ରୀ ପଣ୍ଡା ଗୋଟିଏ ଗଛ ଲଗାଇବା ସହ ପରିବେଶ ସଫା ରଖିବାକୁ ନିଜ ବକ୍ତବ୍ୟରେ କଥିଲେ | ଏହି ଅବସରରେ ମୁରିବାହାଲ ମହାବିଦ୍ୟାଳୟର ଦିବ୍ୟାଙ୍ଗ ଛାତ୍ରୀ ରୋହିଣୀ ଛୁରା ଯିଏକି ଅତ୍ୟନ୍ତ ସୁନ୍ଦର ସଂଗୀତ କାଳର ଅଧିକାରିଣୀ ନିକଟ ଅତୀତରେ ସେ ସୋସିଆଲ ମିଡ଼ିଆ ଜରିଆରେ ବେଶ ଲୋକପ୍ରିୟ ହୋଇ ବିଭିନ୍ନ ଖବର କାଗଜରେ ପ୍ରକାଶିତ ହୋଇଥିଲେ ଓ ଭୁବନେଶ୍ୱରରେ ଅନୁଷ୍ଠିତ ହୋଇଥିବା ଓଡିଶା ସିଟୀଜେଂ ପୁରସ୍କାରରେ ପୁରସ୍କୃତ ହୋଇ ମୁରିବାହାଲ ମହାବିଦ୍ୟଳର ମର୍ଯ୍ୟାଦା ଓ ସମ୍ମାନ ବଢାଇଥିଲେ ତାଙ୍କୁ ଆଜି ମୁରିଭଲ ସାମ୍ବାଦିକ ସଂଘ ତରଫରୁ ସମ୍ବର୍ଦ୍ଧନା ଦିଆଯାଇଥିଲା | ଶେଷରେ ଛାତ୍ର ରୋହିତ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ |

Comments are closed.