ରେଳ ବିଭାଗ ପକ୍ଷରୁ ଉଛେଦ କାର୍ଯ୍ୟ ଆରମ୍ଭ

ରିପୋର୍ଟ: ଅମୁଲ୍ୟ ନିଶଙ୍କ ଓ ଗୋପୀନାଥ ଗୌଡ଼
ରାୟଗଡା(୨୪/୦୯): ରାୟଗଡାରେ ଆରମ୍ଭ ହୋଇଛି ବସ୍ତି ଉଛେଦ ଅଭିଯାନ । ରାୟଗଡାକୁ ରେଳ ଡିଭିଜନ ଘୋଷଣା କରାଗଲା ପରେ ରେଳବାଇ ପକ୍ଷରୁ ଆଜି ଉଛେଦ ଆରମ୍ଭ ହୋଇଛି ।

ଗୁଡ୍ସ କଲୋନୀ ପରିସରରେ ଦୀର୍ଘ ୫୦ ବର୍ଷ ଧରି ରହୁଥିବା ବସ୍ତି ବାସିନ୍ଦାକୁ ଗତ ଦୁଇଦିନ ତଳେ ରେଳବାଇ ପକ୍ଷରୁ ନୋଟିସ ଜାରି କରାଯାଇଥିଲା । ଆଜି ସକାଳୁ ସକାଳୁ ରେଳବାଇ ଫୋର୍ସ ଓ ସ୍ଥାନୀୟ ଫୋର୍ସ ସହାୟତାରେ ବସ୍ତି ବାସିନ୍ଦାଙ୍କୁ ଖାଲି କରାଯାଉଛି । ଦୀର୍ଘଦିନ ଧରି ଏଠାରେ ରହିଆସୁୁଥିବା ଲୋକଙ୍କୁ କୌଣସି ଥଇଥାନ କରାନଯାଇ ଉଛେଦ କରାଯାଉଥିବା ଯୋଗୁ ବସ୍ତି ବାସିନ୍ଦାଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି । ବାରମ୍ବାର ସେମାନଙ୍କର ଥଇଥାନକୁ ନେଇ ଜିଲ୍ଲା ପ୍ରଶାସନକୁ ଜଣାଇଥିଲେ ମଧ୍ୟ କେହି ନଶୁଣିବା ଯୋଗୁ ଅସନ୍ତୋଷ ସୃଷ୍ଟି ହୋଇଛି । ଏହାକୁ ନେଇ ବସ୍ତି ବାସିନ୍ଦାଙ୍କ ମଧ୍ୟରେ ଚାପା ଉତ୍ତେଜନା ସୃଷ୍ଟି ହୋଇଛି । ଏହି ଉଛେଦରେ ୧୦୩ ଟି ଘର ଭଙ୍ଗାଯିବାକୁ ଥିବା ବେଳେ ଏହି ଉଛେଦ କାର୍ଯ୍ୟରେ ମାଜିଷ୍ଟ୍ରେଟ ଭାବେ ତହସିଲଦାର ଉମାକାନ୍ତ ବେହେରାଙ୍କ ସହ ବ୍ୟାପକ ଫୋର୍ସ ମୁତୟନ କରାଯାଇଛି ।

Comments are closed.