ପୁଣି ଭୁଶୁଡିଲା ନୂତନ ନିର୍ମିତ ଡଗୱେଲ

ରିପୋର୍ଟ: ଏନ.ସନ୍ତୋଷ କୁମାର
ବୈପାରୀଗୁଡା(୨୪/୦୯): ଗ୍ରାମାଞ୍ଚଳର ଉନ୍ନତି ସହ ଗରିବ ଶ୍ରେଣୀର ଲୋକଙ୍କୁ କର୍ମ ନିଯୁକ୍ତି ଯୋଗାଇଦେବା ପାଇଁ ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା ଅଛି ଏବଂ ଏହା ମାଧ୍ୟମରେ ରାଜକୋଷରୁ କୋଟି କୋଟି ଟଙ୍କାର ବିଭିନ୍ନ ବ୍ୟକ୍ତିଗତ ଓ ସାମୋହିକ ପ୍ରକଳ୍ପ ନିର୍ମାଣ ହେଉଛି | କିନ୍ତୁ ପ୍ରଶାସନର ଖାମୁଖିଆଲି ନୀତି ଯୋଗୁଁ ସରକାର ଟଙ୍କା ମାଟିରେ ମିଶିଯାଉଛି |

ଏହିପରି ଏକ ଦୃଶ୍ୟ ଦେଖିବାକୁ ମିଳିଛି ବୈପାରୀଗୁଡା ବ୍ଲକ ଦଣ୍ଡାବାଡି ପଞ୍ଚାୟତ ଅନ୍ତର୍ଗତ ଗଦାରୀପଦର ଗ୍ରାମରେ | ଉକ୍ତ ଗ୍ରାମର ଜଣେ ହିତାଧିକାରୀ ଚାଷୀ ଶ୍ୟାମ ସୁନ୍ଦର ମାଳିଙ୍କୁ ସରକାର ପକ୍ଷରୁ ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିନ୍ତ କର୍ମ ନିଯୁକ୍ତିର ଆର୍ଥିକ ବର୍ଷ ୨୦୧୭-୧୮ ଅନୁଯାୟୀ ୧୫୦୦୦୦ଟଙ୍କା ଅନୁଦାନରେ ଏକ ଡଗୱେଲ ମଞ୍ଜୁର କରାଯାଇ ଥିଲା | ନିର୍ମାଣ ମଧ୍ୟ ଶେଷ ହୋଇଥିଲା | କିନ୍ତୁ କିଛି ଦିନ ପରେ ଏହି ପ୍ରକଳ୍ପର ଉପର ଭାଗ ସମ୍ପୂର୍ଣ୍ଣ ଭାବେ ଭୁଶୁଡି ଗଲା | ଗ୍ରାମବାସୀଙ୍କ କହିବା ଅନୁଯାୟୀ ସଠିକ ଭାବେ ସିମେଣ୍ଟ ବାଲି ନ ଦେଇ ନିର୍ମାଣ କରାଯାଇଛି ଏବଂ ପ୍ରଶାସନ ଅଧିକାରୀ, ନିର୍ବାହୀ ଯନ୍ତ୍ରୀ,କେହି ମଧ୍ୟ ଏହି ନିର୍ମାଣ କାର୍ଯ୍ୟରେ ତଦାରଖ ନ କରିବା ଯୋଗୁଁ ନିର୍ମାଣରେ ଅନିୟମିତତା ହୋଇଛି | ସୂଚନା ଥାଉ କି କିଛି ଦିନ ପୂର୍ବେ ମହୁଲି ପଞ୍ଚାୟତର ତଲା ଗ୍ରାମରେ ମଧ୍ୟ ଏପରି ଘଟଣା ଘଟିଥିବା ଏବଂ ଖବର ପ୍ରକାଶ ହୋଇଥିଲା | ଡଗୱେଲ ସମ୍ପୂର୍ଣ୍ଣ ଭାବେ ନଷ୍ଟ ଯୋଗୁଁ ହିତାଧିକାରୀଙ୍କ ମନରେ ଚାଷ ପାଇଁ ଚିନ୍ତା ବଢିବା ଘଟଣା ବିଷୟରେ ସ୍ଥାନୀୟ ବିଡ଼ିଓ ରଜନୀ କାନ୍ତ ଦାଶଙ୍କୁ ପଚରିବାରୁ ସେ ଡଗୱାଲ ମରାମତି କାର୍ଯ୍ୟ ଅତିଶୀଘ୍ର କରାଯିବ ଏବଂ ଘଟଣାକୁ ତଦନ୍ତ କରି ଉଚିତ କାର୍ଯାନୁଷ୍ଟନ ନେବେ ବୋଲି ପ୍ରକାଶ କରିଛନ୍ତି |

Comments are closed.