ମିଳିଲାନି ସରକାରୀ ସହାୟତା, ଗୋଡ଼ ହରେଇଲେ ଗଣ୍ଡା ସେଟ: କୃତ୍ରିମ ଗୋଡ଼ ପ୍ରଦାନ ପାଇଁ ମୁଖ୍ୟମନ୍ତ୍ରୀଙ୍କୁ ଗୁହାରି

ରିପୋର୍ଟ: ରିପୋର୍ଟ-ଡିଲେଶ୍ୱର ବାଗ
ପଦ୍ମପୁର(୨୩/୦୯): ରୋଗୀଙ୍କୁ ସହାୟତା କରିବା ନିମନ୍ତେ ଉଭୟ ରାଜ୍ୟ ଏବଂ କେନ୍ଦ୍ର ସରକାର ଅନେକ ଜନକଲ୍ୟାଣକାରୀ ଯୋଜନା ମାନେ ପ୍ରଣୟନ କରୁଛନ୍ତି କିନ୍ତୁ ଅଧିକାଂଶ ଲୋକେ ସଚେତନତା ଅଭାବରୁ ହେଉ କିମ୍ବା ପାରିପାର୍ଶ୍ବିକ ସ୍ଥିତି ଯୋଗୁଁ ଏ ସବୁ ସୁବିଧାରୁ ବଞ୍ଚିତ ହେଉଛନ୍ତି |

ମାଗଣା ଚିକିତ୍ସା ତ ପାଇବା ଦୂରର କଥା ଚିକିତ୍ସା ନିମନ୍ତେ ଖର୍ଚ୍ଚକରି ଜମିବାଡ଼ି ବିକ୍ରି କରି ହୋଇଯାଉଛନ୍ତି ସର୍ବସ୍ୱାନ୍ତ | ଏମିତି ଏକ ଦୁଖଃଦ ଘଟଣା ଆମ ନଜରକୁ ଆସିଛି, ଯେଉଁଠାରେ ଏକ ପରିବାର ରୋଗ ଯୋଗୁଁ ସର୍ବସ୍ୱାନ୍ତ ହୋଇଯାଇଛନ୍ତି | ନା କେହି ସାହାରା ହେଉଛନ୍ତି ନା ପ୍ରଶାସନ ସହାୟତାର ହାତ ବଢ଼ାଉଛି | ଦୁଃଖରେ କାଳାତିପାତ କରୁଛନ୍ତି ଏକ ପୀଡିତ ପରିବାର | ସୂଚନା ଅନୁସାରେ ବରଗଡ ଜିଲ୍ଲା ଝାରବନ୍ଧ ବ୍ଲକ ବୈତାଳି ଗ୍ରାମର ଗଣ୍ଡା ସେଟଙ୍କ ଜୀବନ ହସଖୁସିରେ କଟୁଥିଲା | ହେଲେ ସାମାନ୍ୟ ଏକ ଘା ଜୀବନର ସବୁ ଖୁସି ଛଡେଇନେଲା | ଗୋଡ଼ରେ ଗୋଟିଏ ଘା ହେଲା ଚିକିତ୍ସା ପାଇଁ ସେ ଭିମସାର ବୁର୍ଲାକୁ ଯାଇଥିଲେ କିନ୍ତୁ ସେଠାରେ ଯାଇ ପାଇପାରିଲେନି କୌଣସି ସରକାରୀ ସହାୟତା | ପାଖରେ ସମସ୍ତ ଦରକାରୀ ନଥିପତ୍ର ଥାଇ ମଧ୍ୟ କୌଣସି ସରକାରୀ ସହାୟତା ପାଇପାରିଲେନି ଗଣ୍ଡା ସେଟ | ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହୋଇ ପ୍ରାୟ ତିନିଲକ୍ଷ ଟଙ୍କା ଖର୍ଚ୍ଚ ହୋଇଥିବାରୁ ତାଙ୍କର ଜମିବାଡ଼ି ସବୁ ବିକ୍ରି କରିଦେଇ ସର୍ବସ୍ୱାନ୍ତ ହୋଇଯାଇଛନ୍ତି |

ଡାକ୍ତରଙ୍କ ପରାମର୍ଶ କ୍ରମେ ତାଙ୍କର ଗୋଟିଏ ଗୋଡ଼ କାଟିବାକୁ ପଡିଲା | ଏମିତି ଭାବେ ଜଣେ ରୋଜଗାରକ୍ଷମ ବ୍ୟକ୍ତି ପଙ୍ଗୁ ହୋଇ ବର୍ତମାନ ଶଯ୍ୟାଶାୟୀ | ନା କାମକୁ ଆସିଲା କୌଣସି କାର୍ଡ ନା ମିଳିଲା ସରକାରୀ ସହାୟତା, ବାଧ୍ୟ୍ୟ ହୋଇ ଏବେ ଅସହାୟ ତଥା ନିରାଶ୍ରୟ ଭାବେ କାଳାତିପାତ କରୁଛନ୍ତି | ଜଣେ ସ୍ଥାନୀୟ ସାମାଜିକ କର୍ମୀ ଦିବସ କୁମାର ସାହୁ ତାଙ୍କ ଘରକୁ ଯାଇ ତାଙ୍କ ଦୁଃଖ ବୁଝିଥିଲେ ଏବଂ ଉକ୍ତ ବିଷୟଟିକୁ ଆମ ପ୍ରତିନିଧିଙ୍କୁ ଜଣେଇବା ପରେ ଘଟଣାଟି ନିୟୁଜ ୨୪ମାଧ୍ୟମରେ ଲୋକଲୋଚନକୁ ଆସିଛି | ବର୍ତମାନ ଗଣ୍ଡା ସେଟଙ୍କ ଅବସ୍ଥା ଯାହା ଦେଖିଲେ ସମସ୍ତଙ୍କ ଆଖିରୁ ଅଶ୍ରୁ ଆସିବା ସ୍ୱାଭାବିକ | ସରକାରୀ ସହାୟତାରୁ ତାଙ୍କୁ ଏକ କୃତ୍ରିମ ଗୋଡ଼ ପ୍ରଦାନ, ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ କିଛି ଆର୍ଥିକ ସହାୟତା ସହିତ ଦିବ୍ୟାଙ୍ଗ ଭତ୍ତା ହିସାବରେ ମାସକୁ ୭୦୦ଟଙ୍କା ପ୍ରଦାନ କରିବାକୁ ସ୍ଥାନୀୟ ଲୋକେ ସରକାର ତଥା ପ୍ରଶାସନକୁ ଅନୁରୋଧ କରିଛନ୍ତି |

Comments are closed.