ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୧୧/୧୦) : ଆଜି ଗୁଣପୁର ବ୍ଲକ୍ ଅନ୍ତର୍ଗତ ଶିରିଝୋଳି ଗ୍ରାମ ର ଶତାଧିକ ପୁରୁଷ ଓ ମହିଳା ଗୁଣପୁର ଆଦର୍ଶ ଥାନାରେ ପହଞ୍ଚି ଉକ୍ତ ଗ୍ରାମ ର ସାମ୍ବାଦିକ ବୃତ୍ତି କରୁଥିବା ଚେପାଲି ପ୍ରେମ କୁମାର ନାମକ ଜୈନିକ ବ୍ୟକ୍ତିଙ୍କ ଅସାମାଜିକ କାର୍ଯ୍ୟକଳାପ ପାଇଁ ତାଙ୍କ ବିରୁଦ୍ଧରେ ମାମଲା ରୁଜ୍ଜୁ କରିଛନ୍ତି ।
ଗ୍ରାମବାସୀଙ୍କ ମୁତାବକ ଦିର୍ଘ ତିନି ବର୍ଷ ହେଲା ଜୈନକ ବ୍ୟକ୍ତି ଜଣକ ଗ୍ରାମ ର ଉନ୍ନତି ମୂଳକ କାର୍ଯ୍ୟରେ ବାଧା ସୃଷ୍ଟି କରିବା, ଅସାମାଜିକ କାର୍ଯ୍ୟକଳାପ କରିବା ସହ ଗଣ୍ଡଗୋଳ କରୁଛନ୍ତି । ଗଣେଶ ପୂଜା, ସରସ୍ଵତୀ ପୂଜା ଓ ଅନ୍ୟାନ୍ୟ ପୂଜା ପର୍ବ ହରିଜନ ସାହିରେ ପାଳନ କଲେ ତୁମେ ହିନ୍ଦୁ ପର୍ବ ପାଳନ କରିପାରିବ ନାହିଁ ବୋଲି ଗଣ୍ଡଗୋଳ କରି ପୂଜା ବନ୍ଦ କରିବାକୁ ଚେଷ୍ଟା କରୁଛନ୍ତି । ଅଭିଯୋଗ ମୁତାବକ ଅଭିଯୁକ୍ତ, ତାଙ୍କ ପୁଅ ଓ ଭାଇ ମିଶି ସାହି ର ମହିଳା ଓ ଝିଅ ମାନେ ଝାଡ଼ା ପରିସ୍ରା ଯିବା ସମୟରେ ମୋବାଇଲରେ ଭିଡିଓ ଉଠାଉଛନ୍ତି ଓ ଆମ କଥା ନ ଶୁଣିଲେ ଭିଡିଓ ଭାଇରାଲ କରିବୁ ବୋଲି ଧମକ ଦେଉଛନ୍ତି ।
ଗତ ୯/୧୦/୨୨ ତାରିଖ ଦିନ ହରିଜନ ସାହିରେ ନନ୍ଦିଆମା ପୂଜା ଚାଲିଥିବା ସମୟରେ ଅଭିଯୁକ୍ତ ମାତାଲ୍ ଅବସ୍ଥାରେ ପୂଜା ନିକଟକୁ ଆସି ମହିଳା ମାନଙ୍କୁ ଅଭଦ୍ର ଭାଷାରେ ଗାଳିଗୁଲଜ କରିବା ସହ ଠେଲାପେଲା କରିଥିବା ଓ ହିନ୍ଦୁ ପୂଜା ବନ୍ଦ ନକଲେ ପରିସ୍ଥିତି ଖରାପ ହେବ ବୋଲି ଧମକ ଦେଇଥିବା ଗ୍ରାମବାସୀ ଅଭିଯୋଗ କରିଛନ୍ତି ।
ବାରମ୍ବାର ଏପରି ଅସାମାଜିକ କାର୍ଯ୍ୟକଳାପରେ ଅତିଷ୍ଠ ହୋଇ ଆଜି ଶିରିଝୋଳି ହରିଜନ ସାହି ର ଶତାଧିକ ପୁରୁଷ ଓ ମହିଳା ଗୁଣପୁର ଆଦର୍ଶ ଥାନାରେ ଚେପାଲି ପ୍ରେମ କୁମାରଙ୍କ ବିରୁଦ୍ଧରେ ଏତଲା ଦେଇଛନ୍ତି ଏବଂ ଅଭିଯୁକ୍ତଙ୍କ ବିରୁଦ୍ଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଅନୁରୋଧ କରିଛନ୍ତି ।