ଅବକାରୀ ଚଢଉ, ୪ଗିରଫ ସହ ୭୫ ଲିଟର ଦେଶୀ ମଦ ଜବତ

ରିପୋର୍ଟ: ଜିଲ୍ଲା ପ୍ରତିନିଧି ଏ.ସତୀଶ
ନବରଙ୍ଗପୁର(୨୧/୦୯): ନବରଙ୍ଗପୁର ଜିଲ୍ଲାପାଳ ଡ଼ଃ ଅଜିତ କୁମାର ମିଶ୍ର ଓ ଅବକାରୀ ଅଧିକ୍ଷକଙ୍କ ନିର୍ଦ୍ଦେଶ କ୍ରମେ ବିଭିନ୍ନ ସ୍ଥାନରେ ଚଢାଉ କରାଯାଇ ୪ଜଣକୁ ଗିରଫ କରିବା ସହ ୭୫ଲିଟର ଦେଶୀ ମଦ ଜବତ କରାଯାଇଛି ।

କୋଷାଗୁମୁଡ଼ା ଥାନା ଅନ୍ତର୍ଗତ ଶିରଗୁଡ଼ା ଗାଁର ଅର୍ଜୁନ ଭତ୍ରାଙ୍କ ଠାରୁ ୩୦ଲିଟର ମଦ ଜବତ କରାଯାଇଥିବା ବେଳେ ଟେମରା ଗାଁର ନିଳାମ୍ବର କେଉଟଙ୍କ ଠାରୁ ୨୫ ଲିଟର ଓ ମନୋହର ନାୟକଙ୍କ ଠାରୁ ୫ଲିଟର । ସେହିପରି ନବରଙ୍ଗପୁର ଥାନା କୁସୁମି ଗାଁର ସୁବାଷ ବିଷୋୟୀଙ୍କ ଠାରୁ ୧୫ଲିଟର ମଦ ଜବତ କରିବା ସହ ସମସ୍ତଙ୍କୁ ଗିରଫ କରାଯାଇଛି । ଏହା ସହ ଦେଶୀ ମଦ ରନ୍ଧା ଯାଉଥିବା ସ୍ଥାନରେ ଚଢାଉ କରି ୧ହଜାର ଲିଟର ପୋଚକୁ ନଷ୍ଟ କରାଯିବ ସହ ମଦ ରନ୍ଧା ସାମଗ୍ରୀ ଜବତ କରାଯାଇଛି । ନବରଙ୍ଗପୁର ଅବକାରୀ ଥାନା ପି ଆର କେସ ନମ୍ବର ୨୭/୨୮/୨୯ ୨୦୧୯ ଓ ୪୧/୨୦୧୯ ଅନୁଯାୟୀ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି । ଏହି ଚଢାଉରେ ଅବକାରୀ ନିରୀକ୍ଷକ ବିପ୍ରଚରଣ ମଣ୍ଡଳ, ଏସଆଇ ଚିତ୍ତରଞ୍ଜନ ପଟ୍ଟନାୟକ, ସଦାଶିବ ଭତ୍ରା, ଜଗବନ୍ଧୁ ଜାନୀ, ରିଷମା ସୁନା, ସୁଧାଂଶୁ ବାଘ ସହ ଅନ୍ୟ କର୍ମଚାରୀ ଭାଗ ନେଇଥିଲେ ।

Comments are closed.