ବିଭିନ୍ନ ଦାବୀ ନେଇ ଜିଲ୍ଲା ଲୋକ କଳା କଳାକାର ସଂଘର ଶୋଭାଯାତ୍ରା

ରିପୋର୍ଟ: ବିଭୁତି ଲହରିଆ
ବାଲିଗୁଡା(୨୦/୦୯): କନ୍ଧମାଳ ଜିଲ୍ଲା ଲୋକ କଳାକାର ସଂଘ ତରଫରୁ ଏକ ଶୋଭାଯାତ୍ରାରେ ବାହାରି ଜିଲ୍ଲାପାଳ କାର୍ଯ୍ୟଲୟରେ ପହଂଚି ଅତିରିକ୍ତ ଜିଲ୍ଲାପାଳ ବସନ୍ତ କୁମାର ସାହୁଙ୍କୁ ବିଭିନ୍ନ ଦାବୀପତ୍ର ପ୍ରଦାନ କରାଯାଇଛି |

ଏହି ଦାବୀପତ୍ରଟି ରାଜ୍ୟ ଓଡ଼ିଆ ଭାଷା ଓ ସଂସ୍କୃତି ବିଭାଗ ସଚିବଙ୍କ ଉଦେଶ୍ୟରେ ଦିଆ ଯାଇଥିବା ଜଣାପଡିଛି | ସ୍ଥାୟୀ ଜିଲ୍ଲା ସଂସ୍କୃତି ଅଧିକାରୀ ନିଯୁକ୍ତି,ଏବଂ କନ୍ଧମାଳ ଜିଲ୍ଲାର କଳାକାର ମାନଙ୍କୁ ଭତ୍ତା ଓ ଅନ୍ୟାନ୍ୟ ବିଷୟରେ ଦାବୀ ପତ୍ରରେ ଉଲ୍ଲେଖ ରହିଛି | ଏହି କାର୍ଯ୍ୟକ୍ରମରେ ଜିଲ୍ଲା ପାରମ୍ପରିକ ଲୋକ କଳା ଓ ସଂସ୍କୃତି ସଂଘର ସଭାପତି ଅକ୍ଷୟ କର୍ଣ୍ଣ, ସଂଯୋଜକ ସନ୍ତୋଷ କୁମାର ପାତ୍ର, ବାଲିଗୁଡା ବ୍ଳକ ସଭାପତି ପ୍ରମୋଦ କୁମାର ଦଣ୍ଡସେନା, ତୁମୁଡିବନ୍ଧ ବ୍ଳକ ସଭାପତି ସଦାନନ୍ଦ ପରାସେଠ ସମେତ ଜିଲ୍ଲାର ବିଭିନ୍ନ ଅଂଚଳରୁ ଶତାଧିକ କଳାକାର ଏହି ଶୋଭାଯାତ୍ରାରେ ସାମିଲ ହୋଇଥିଲେ |

Comments are closed.