Related Contents

ଆଦିବାସୀ ଶିକ୍ଷୟତ୍ରୀ ନିର୍ଯାତନା ଘଟଣାରେ ପ୍ରଧାନ ଶିକ୍ଷକ ଗିରଫ

ରିପୋର୍ଟ: ବିଭୁତି ଲହରିଆ
ବାଲିଗୁଡା(୧୯/୦୯): କ. ନୂଆଗାଁ ଥାନା ଅନ୍ତର୍ଗତ କୁଡୁତୁଲି ଉଚ୍ଚବିଦ୍ୟାଳୟରେ କାର୍ଯ୍ୟରତ ଜୈନିକ ଶିକ୍ଷୟତ୍ରୀଙ୍କୁ ପ୍ରଧାନ ଶିକ୍ଷକ ଚନ୍ଦ୍ରଶେଖର ମହାରଣାଙ୍କ ସମେତ ସହକାରୀ ଶିକ୍ଷକ ସଦାଶିବ ବେହେରା ଓ ପିଇଟି ଶିକ୍ଷକ ସୁଶାନ୍ତ ବଳିଆରସିଂ ଅସଭ୍ୟ ଆଚରଣ ସହ ଠେଲାପେଲା କରି ଥିଲେ |

ଏକଥା ସ୍ବାମୀ ଆଗରେ କିମ୍ବା କାହା ଆଗରେ ପ୍ରଘଟ କଲେ ହତ୍ୟା ଧମକ ଦେବା ନେଇ କ.ନୂଆଗାଁ ଥାନାରେ ଲିଖିତ ଅଭିଯୋଗ ଗତ ଅଗଷ୍ଟ ୨୫ତାରିଖରେ କରିଥିଲେ | ଘଟଣାର ତଦନ୍ତ କରୁଥିବା ଡ଼ିଏ ସ ପି ସୁଶୀଲ କୁମାର ରାୟ ଥାନା ଅଧିକାରୀ ଶ୍ରୀନିବାସ ସାମଲ ଉପସ୍ଥିତରେ ଆଲୋଚନା ହୋଇ ଥାନା ତରଫରୁ ସଂପୃକ୍ତ ଅଭିଯୁକ୍ତ ମାନଙ୍କ ବିରୋଧରେ କାର୍ଯ୍ୟନୁଷ୍ଟାନ ଗ୍ରହଣ କରାଯିବା ବୋଲି ପ୍ରତିଶୃତି ଦେଇଥିଲେ | ଆଜି ଅପରାହ୍ନରେ ରାଇକିଆ ଛକ ନିକଟରୁ ପ୍ରଧାନ ଶିକ୍ଷକ ଚନ୍ଦ୍ରଶେଖର ମହାରଣାଙ୍କୁ କ ନୂଆଗାଁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ଶ୍ରୀନିବାସ ସାମଲ ସୂଚନା ଦେଇଛନ୍ତି |

Comments are closed.