ରିପୋର୍ଟ : ଲୋକନାଥ ସାହୁ
ଗୁଡ଼ାରି, (୦୪/୧୦) : ରାୟଗଡ଼ା ଜିଲ୍ଲା ଗୁଡ଼ାରି ଟାଉନ ଦୁର୍ଗା ପୂଜା ମଣ୍ଡପ ରେ ଲୋକଙ୍କ ଭିଡ଼ ଜମୁଛି । ଅଷ୍ଟମୀ ପୂଜା ରେ ମାଁ ଙ୍କ ଆଶୀର୍ବାଦ ନେବା ସହ ଓଡ଼ିଶାର ଘରେ ଘରେ ପରିଚିତ କୁନି ପ୍ରବଚକ ଶ୍ରୀମାନ କେଶବ ଙ୍କ ପ୍ରବଚନ ଶୁଣିବାକୁ ଭକ୍ତ ଙ୍କ ମଧ୍ୟରେ ଉତ୍କଣ୍ଠା ଦେଖିବାକୁ ମିଳିଛି ।
ମାଁ ଦୁର୍ଗା ଙ୍କ ଅଷ୍ଟମୀ ପୂଜା ରେ କୁନି ପ୍ରବଚକଙ୍କ ପ୍ରବଚନ ଭକ୍ତ ଙ୍କୁ ଆକର୍ଷଣ କରିଛି । ମଣ୍ଡପ ନିକଟରେ ବିଭିନ୍ନ ରକମ ର ଖାଇବା ଷ୍ଟଲ ଓ ଖେଳଣା ଦୋକାନ ରେ ଗ୍ରାହକ ମାନଙ୍କ ଭିଡ଼ ଜମୁଛି । ପାଗ ଅନୁକୂଳ ଥିବା ହେତୁ ପୂଜା ମଣ୍ଡପ ନିକଟରେ ଲୋକଙ୍କ ଗହଳି ଦେଖିବାକୁ ମିଳିଛି । ଏଥି ସହ ଗୁଡ଼ାରୀ ଟାଉନ ପୂଜା କମିଟି ସଭାପତି ଯୁବ ନେତା ସନ୍ତୋଷ ମହାନ୍ତି ଭକ୍ତ ଙ୍କ ପାଇଁ ସମସ୍ତ ସୁବିଧା କରାଯାଇଥିବାର କହିଛନ୍ତି l