ବଡ଼ଟେମରା ପଞ୍ଚାୟତର ସମସ୍ୟାର ସମୀକ୍ଷା କଲେ ନବରଙ୍ଗପୁର ସାଂସଦ

ରିପୋର୍ଟ: ତ୍ରିନାଥ ଧୁରୁଆ
ଝରୀଗାଁ(୧୪.୦୯.୨୦୧୯): ବିଭିନ୍ନ ସମସ୍ୟା ଦେଇ ଗତି କରି ଚାଲୁଛନ୍ତି ବଡ଼ଟେମରା ପଞ୍ଚାୟତ ବାସୀ । ଏଠି ଶିକ୍ଷା, ସ୍ୱାସ୍ଥ୍ୟ, ଖାଦ୍ୟ, ପାନୀୟ ଜଳ ଆଦି ସରକାରୀ ଯୋଜନା ଭୁଶୁଡ଼ି ପଡିଛି । ଏନେଇ ଆଜି ନବରଙ୍ଗପୁର ସାଂସଦ ରମେଶ ମାଝୀ ପହଞ୍ଚି ବିଭିନ୍ନ ଯୋଜନାର ସମୀକ୍ଷା କରିବା ସହ ବିଭାଗୀୟ ଅଧିକାରୀଙ୍କୁ ତାଗିଦ କରିଛନ୍ତି । ଏବଂ ପଞ୍ଚାୟତ ବାସୀଙ୍କୁ ବଡ଼ଟେମରା ପଞ୍ଚାୟତକୁ ମଡେଲ ପଞ୍ଚାୟତ ବିଲ୍ଡିଂଗ କରିବା ପାଇଁ ସ୍ବପ୍ନ ଦେଖାଇଛନ୍ତି ।

ବଡ଼ଟେମରା ହେଉଛି ନବରଙ୍ଗପୁର ଜିଲ୍ଲା ଝରିଗାଁ ବ୍ଲକର ଏକ ଆଦିବାସୀ ଅଧ୍ୟୁଷିତ ଦୁର୍ଗମ ଅଞ୍ଚଳ । ଏହି ପଞ୍ଚାୟତରେ ଦିନକୁ ଦିନ ସରକାରୀ ଯୋଜନା ସବୁ ଭୁଶୁଡ଼ି ପଡ଼ୁଥିବା ବେଳେ ସାଧାରଣ ଜନତା ସରକାରୀ ଯୋଜନାରେ ବଞ୍ଚିତ ହେଉଛନ୍ତି । ଏନେଇ ଗତ ୧୧ତାରିଖରେ ପ୍ରତିବାଦ କରି ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀଙ୍କୁ ତାଲା ପକାଇ ଥିଲେ ପରେ ଝରିଗାଁ ପୋଲିସ ପହଞ୍ଚି କାର୍ଯ୍ୟନିର୍ବାହୀ ଅଧିକାରୀଙ୍କୁ ଉଦ୍ଧାର କରିଥିଲେ । ତେବେ ବଡ଼ଟେମରା ପଞ୍ଚାୟତର ୧୦୦ରୁ ଉର୍ଦ୍ଧ୍ବ ଜନସାଧାରଣ ସାଂସଦଙ୍କ ବାସଭବନକୁ ଯାଇ ସମସ୍ୟା ବିଷୟରେ ଅବଗତ କରାଇଥିଲେ ।ସାଂସଦ ଏହି ସମସ୍ୟାର ସମାଧାନ କରିବା ପାଇଁ ଏକ ସମୀକ୍ଷା ବୈଠକ ଜରୁରୀ ମନେ କରି ଏକ ସମୀକ୍ଷା ବୈଠକ କରିଥିଲେ ।ଏହି ସମୀକ୍ଷା ବୈଠକରେ ପଞ୍ଚାୟତ ବାସୀଙ୍କ ସହ ବ୍ଲକର ସବୁ ବିଭାଗୀୟ ଅଧିକାରୀ ଉପସ୍ଥିତ ଥିଲେ । ସମସ୍ୟାର ସମୀକ୍ଷା କରିବା ବେଳେ ବିଭାଗୀୟ ଅଧିକାରୀଙ୍କ ଅବହେଳା ଯୋଗୁଁ ସରକାରୀ ଯୋଜନା ସବୁ ସ୍ଥାଣୁ ପାଲୁଟୁ ଥିବା ଜାଣି ବିଭାଗୀୟ ଅଧିକାରୀଙ୍କୁ ତାଗିଦ କରିବା ସହ ଲୋକ ଯେପରି ଠିକ ସମୟରେ ସରକାରୀ ଯୋଜନା ପାଇ ପାରିବେ ଏବଂ ଲୋକଙ୍କ ସମସ୍ୟା ୩ମାସ ମଧ୍ୟରେ ସମାଧାନ କରିବା ପାଇଁ ନିର୍ଦ୍ଦେଶ ଦେଇଥିଲେ ।

ପଞ୍ଚାୟତ ବାସୀ ନୂତନ ପଞ୍ଚାୟତ କାର୍ଯ୍ୟାଳୟ, ଗୋଦାମ ଗୃହ, ଭତ୍ତା, ରାସନକାର୍ଡ଼, ଅଙ୍ଘନବଡୀ ଗୃହ ନିର୍ମାଣ ଏବଂ ଦୀର୍ଘ ଦିନ ହେବ ମହିଳା ସ୍ୱାସ୍ଥ୍ୟ କର୍ମୀ ନ ଥିବାରୁ ମହିଳା ସ୍ୱାସ୍ଥ୍ୟ କର୍ମୀ ପାଇଁ ସାଂସଦ ଙ୍କୁ ଦୃଷ୍ଟି ଆକର୍ଷଣ କରିଥିଲେ । ଏନେଇ ସାଂସଦ ରମେଶ ମାଝୀ ମଧ୍ୟ ଯଥା ଶୀଘ୍ର ସମସ୍ୟାର ସମାଧାନ କରାଯିବା ସହ ବଡ଼ଟେମରା ପଞ୍ଚାୟତକୁ ଏକ ମୋଡେଲ ପଞ୍ଚାୟତ କରିବା ପାଇଁ ପ୍ରତିଶ୍ରୁତି ଦେଇଛନ୍ତି । ଏହା ପରେ ସାଂସଦ ଟେମରା ହାଇସ୍କୁଲ, ଚାଚା ହାଇସ୍କୁଲ ଓ ହାତୀବାଡ଼ି ସ୍କୁଲ ଗସ୍ତ କରି ସମସ୍ୟା ଓ ଶିକ୍ଷା ବ୍ୟବସ୍ଥା କୁ ନେଇ ଅନୁଧ୍ୟାନ କରିଥିଲେ ।

Comments are closed.