ବ୍ରିଜ ଉପରେ ବଡ ଗର୍ତ୍ତ, ଜୀବନ ଗଲେ ଶୁଣିବେ ସରକାର !!!

ରିପୋର୍ଟ: ନିରୋଜ ପାଣି
ପାଇକମାଳ(୧୧/୦୯): ଝାରବନ୍ଧ ବ୍ଲକ ଝାରବନ୍ଧ ରୁ ଡୁଙ୍ଗୁରିପାଲି ମଝିରେ ଏକ ଅଡାପାଣି ବ୍ରିଜ ପଡିଥାଏ | ଏହି ରାସ୍ତାଦେଇ ହଜାର ହଜାର ସଂଖ୍ୟାରେ ଯାତ୍ରୀବାହୀ ଗାଡି, ମାଲବୋଝେଇ ଗାଡି ଯିବା ଆସିବା କରେ | ଏହି ବ୍ରିଜେରୁ ୧୦-୧୨ କିମି ଗଲେ ଛତିଶଗଡ଼ ର ଚିକ୍କଣ ଓସାରିଆ ରାସ୍ତା ଆସେ |

ବିଡମ୍ବନାର ବିଷୟ ଯେ ଏହି ବ୍ରିଜ ଆଭ୍ୟନ୍ତରୀଣ ଅଂଚଳରେ ଆସୁଥିବାରୁ ଓଡିଶା ସରକାରର ନଜର ରେ ଆସୁନାହିଁ | ହେଲେ ଏହି ରାସ୍ତା ସଂଲଗ୍ନ ଚିକ୍କଣ ଓସାରିଆ ରାସ୍ତା ତିଆରି କରିବାକୁ ଛତିଶଗଡ଼ ସରକାରର ନଜର ପଡିଛି | ହେଲେ ଏଥିପ୍ରତି ଓଡିଶା ସରକାରର ନଜର ଆସୁନି କିମ୍ବା ଜାଣିଶୁଣି ନଜର ଅନ୍ଦାଜ କରାଯାଉଛି ଜଣାପଡ଼ୁନାହିଁ | ବୋଧେ କିଛି ଅଘଟଣର ଅପେକ୍ଷାରେ ଅଛନ୍ତି ଆମ ଓଡିଶା ପ୍ରଶାସନିକ ଅଧିକାରୀ, ଅଘଟଣ ହେଲେ ସତର୍କ ହେବେ | ବ୍ରିଜ ଉପରେ ଯେଉଁ ଜାଗାରେ ଗର୍ତ୍ତ ସୃଷ୍ଟି ହୋଇଛି ସେଇଠି ମାଟି ଧସି ଯାଇଛି | ସେ ଜାଗାରେ କୌଣସି ପ୍ରକାଶ ବ୍ୟାରିକେଡ଼ ବ୍ୟବସ୍ଥା ନାହିଁ | ଅଜଣା ବ୍ୟକ୍ତି ତଳକୁ ଖସି ପଡି ପାଣି ସୁଅରେ ଭାସି ଯିବାର ସମ୍ଭାବନା କୁ ଏଡାଇ ଦିଆଯାଇନପାରେ | ପ୍ରଶାସନ ଏହାର ତୁରନ୍ତ ମରାମତି ସକାଶେ ପଦକ୍ଷେପ ଗ୍ରହଣ କରିବାକୁ ସାଧାରଣରେ ଦାବି ହେଉଛି |

Demo Pic-Google

Comments are closed.