Related Contents

ବନ୍ୟା ପୀଡ଼ିତଙ୍କୁ ମାହେଶ୍ୱରୀ ସଂଗଠନ ପକ୍ଷରୁ ସହାୟତା, ସ୍ଥାନୀୟ ସରପଞ୍ଚଙ୍କ ଅଣଦେଖା

ରିପୋର୍ଟ: ବିମଳେନ୍ଦୁ ସାହୁ
ଲୋଇସିଂହା(୦୭/୦୯): ଗତ ଦୁଇଦିନ ଧରି ଲଗାଣ ବର୍ଷାରେ ଲୋଇସିଂହା ବ୍ଲକ ବୁର୍ଡା ଗ୍ରାମର ଏକ ଘରକୁ ବର୍ଷା ପାଣି ପଶିଯିବା ପରେ ସେମାନେ ସ୍ଥାନୀୟ ପଂଚାୟତ କାର୍ଯ୍ୟାଳୟରେ ଆଶ୍ରୟ ନେଇଥିଲେ । ତେବେ ଦୁଇଦିନ ଧରି ଉକ୍ତ ପରିବାର ସଦସ୍ୟ ସେଠାରେ ଭୋକ ଉପାସରେ ପଡି ରହିଥିଲେ ମଧ୍ୟ ପ୍ରଶାସନ ନିକଟରେ ଏହାର ଖବର ନ ଥିବା ଜଣାଯାଇଛି ।

ଏପରିକି ସ୍ଥାନୀୟ ସରପଞ୍ଚ ମଧ୍ୟ ପ୍ରଭାବିତ ପରିବାରକୁ କୌଣସି ସହାୟତା ଯୋଗାଇ ନ ଥିବା ଅଭିଯୋଗ ହୋଇଛି । ଖବର ପାଇ ଲୋଇସିଂହା ମାହେଶ୍ୱରୀ ସଂଗଠନର ସଭାପତି ଦେବାଶିଷ ବିଶୋଇ, ମନୋଜ ମାହାଣା, ମନୀଷ ସିଂ ପ୍ରମୁଖ ବୁର୍ଡା ପଂଚାୟତ ଅଫିସ ନିକଟରେ ପହଂଚି ସହାୟତାର ହାତ ବଢ଼ାଇ ଥିବା ଜଣାଯାଇଛି । ଉକ୍ତ ପରିବାରର ଜନୈକ ୧୪ ବର୍ଷୀୟା ନାବାଳିକାର ଦେହ ଅସୁସ୍ଥ ଥିବାରୁ ପ୍ରଥମେ ତାଙ୍କୁ ଲୋଇସିଂହା ଡାକ୍ତରଖାନାରେ ଭର୍ତ୍ତି କରାଯାଇ ତାଙ୍କର ପ୍ରାଥମିକ ଚିକିତ୍ସା କରାଯାଇଥିଲା । ପରେ ପୀଡିତ ପରିବାରକୁ ସଂଗଠନ ତରଫରୁ ଦୁଇଦିନ ପାଇଁ ଖାଦ୍ୟ ଦିଆଯିବା ସହିତ ଏ ବାବଦରେ ବ୍ଲକ ପ୍ରଶାସନର ଦୃଷ୍ଟି ଆକର୍ଷଣ କରାଯାଇଥିଲା ।

ଖାଦ୍ୟ ଯୋଗାଣ ଅଧିକାରୀ ସୌମ୍ୟରଂଜନ ମହାନନ୍ଦ, ଜିପିଇଓ ଜ୍ୟୋତ୍ସ୍ନାମୟୀ ନାୟକ ପ୍ରମୁଖ ପ୍ରଭାବିତ ପରିବାରକୁ ସାକ୍ଷାତ କରି ପୂର୍ବରୁ ସେମାନେ ରହୁଥିବା ଘରକୁ ଦେଖିବାକୁ ଯାଇଥିଲେ । ତେବେ ବନ୍ୟା ପୀଡିତ ଲୋକଙ୍କ ପ୍ରତି ସ୍ଥାନୀୟ ସରପଞ୍ଚଙ୍କ ଏଭଳି ଅଣଦେଖା ମନୋଭାବକୁ ସ୍ଥାନୀୟ ଅଞ୍ଚଳରେ ନିନ୍ଦା କରାଯିବା ସହିତ ମାହେଶ୍ୱରୀ ସଂଗଠନର ସେବା ମନୋଭାବକୁ ସାଧାରଣରେ ପ୍ରଶଂସା କରାଯାଇଛି ।

Leave a Reply

This site uses Akismet to reduce spam. Learn how your comment data is processed.