Related Contents

ଲଗାଣ ବର୍ଷାରେ ଭୁଷୁଡ଼ିଲା ବ୍ରିଜ

ରିପୋର୍ଟ: କପିଳେନ୍ଦ୍ରଦେବ ସାମନ୍ତରାୟ
ଲମତାପୁଟ(୦୭/୦୯): ଲଗାଣ ବର୍ଷାରେ ଭାଙ୍ଗିଲା ବ୍ରିଜ | ଏଭଳି ଦୃଶ୍ୟ ଦେଖିବାକୁ ମିଳିଛି ଲମତାପୁଟ ବ୍ଲକ ଗଡିହଞ୍ଜର ପଞ୍ଚାୟତର ଦହନାପୁଟ ଗ୍ରାମରେ | ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ଏହି ବ୍ରିଜ ଭୁଶୁଡି ଯାଇଛି, ଫଳରେ ଯାତାୟାତ ପାଇଁ ବହୁତ ଅସୁବିଧା ହୋଉଛନ୍ତି ଗ୍ରାମବାସୀ |

ଦହନପୁଟ ଓ ଟୁକୁମ ଗ୍ରାମର ଲୋକମାନେ ମୁଖ୍ୟତଃ ଏହି ରାସ୍ତାକୁ ଦୁଇଟି ପଞ୍ଚାୟତ ଗଡିହାଞ୍ଜର ଓ ଵାଲେଲ ପଞ୍ଚାୟତର ଲୋକମାନେ ନିଜ ନିଜ କାମ ଓ ବଜାର କରିବା ନିମନ୍ତେ ଜଲାପୁଟକୁ ଯିବା ପାଇଁ ନିର୍ଭର କରି ଥାଆନ୍ତି | ଆସନ୍ତାକାଲି କୁ ଜଲାପୁଟ ରବିବାର ସାପ୍ତାହିକ ହାଟ ଥିବାରୁ ଯିବାରେ ବାଧାପ୍ରାପ୍ତ ହେବ ବୋଲି ଗ୍ରାମବାସୀ ପ୍ରକାଶ କରିଛନ୍ତି | ସୂଚନା ଅଛି କି ବ୍ରିଜ ଉପରେ ପାଣି ପ୍ରବାହିତ ହେଉଥିବା ସମୟରେ ଵାଲେଲ ଗ୍ରାମର ଚୈତନ ଖରା ମୁଚୀମ୍ପୁଟ ହାଟକୁ ଜାଣି ନ ପାରି ନିଜେ ଓ ନିଜର ଚାରୋଟି ଗାଈ ସହିତ ବ୍ରିଜ ପାର ହେବାକୁ ଉଦ୍ୟମ କରୁଥିବା ସମୟରେ ପାଣିର ସ୍ରୋତରେ ଭାସିଯାଇଥିଲେ | ଠିକ ସମୟରେ ଦହନାପୁଟ ଗ୍ରାମର କେଶବ ପୋଡଲ ନାମକ ସାହସୀ ଯୁବକ ପାଣି ଭିତରକୁ ବୁଡି ଚୈତନଙ୍କ ସହ ଚାରୋଟି ଗାଈକୁ ଉଦ୍ଧାର କରିଥିଲେ | ଏଥିପାଇଁ କେଶବଙ୍କୁ ସମସ୍ତ ଅଂଚଳ ବାସି ପ୍ରଶଂସା କରୁଛନ୍ତି | ବ୍ରିଜକୁ ଯଥା ଶୀଘ୍ର ମରାମତି କରିବାକୁ ଦାବି କରିଛନ୍ତି ଗ୍ରାମବାସୀ |

Leave a Reply

This site uses Akismet to reduce spam. Learn how your comment data is processed.