ହେଟା ବାଘର ସନ୍ଧେହ ଜନକ ମୃତ୍ୟୁ

ରିପୋର୍ଟ:ନୟମି ଖରା
ପଡିଆ(୦୬/୦୯): କାଲିମେଳା ପଡିଆ ମୁଖ୍ୟ ରାସ୍ତାରେ ପୂଶୁଗୁଡ଼ା ଠାରେ ଏକ ହେଟା ବାଘ ଅଚେତ ଅବସ୍ଥାରେ ଥିବା ସମୟରେ ବନ ବିଭାଗ ଖବର ପାଇଁ ବାଘକୁ ଚିକିତ୍ସା ପାଇଁ ନେଇଥିଲେ କିନ୍ତୁ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ବରଣ କରିଛି |

ବିବରଣୀରୁ ପ୍ରକାଶ ଯେ ପୂଶୁଗୁଡ଼ା ଗ୍ରାମବାସୀ ଏକ ଅଣ୍ଡିରା ହେଟା ବାଘ ଛଟପଟ ହେଉଥିବାର ଦେଖିବା ପରେ ବନ ବିଭାଗକୁ ଖବର ଦେଇଥିଲେ | ଖବର ପାଇ ବନ ବିଭାଗ କର୍ମଚାରୀ ଘଟଣା ସ୍ଥଳରେ ପହଂଚି ବାଘକୁ ଉଦ୍ଧାର କରି କାଲିମେଳାସ୍ଥ ପଶୁ ଡାକ୍ତରଖାନା ଖାନାକୁ ନେଇଥିଲେ କିନ୍ତୁ ପ୍ରାଥମିକ ଚିକିତ୍ସା ପରେ ମଧ୍ୟ୍ୟ କିଛି ଉନ୍ନତି ନ ହେବାରୁ ବାଘକୁ ବନପାଳ ସୁରେଶ ଚନ୍ଦ୍ର ସ୍ୱାଇଁ ଓ ଅନ୍ୟାନ କର୍ମଚାରୀ ମିଳିତ ଭାବେ ଏକ ଅଟୋ ମାଧ୍ୟମରେ ବାଘକୁ ମାଲକାନଗିରିସ୍ଥ ଜ଼ିଲ୍ଲା ପଶୁ ଚିକିତ୍ସାଳୟକୁ ନେଇଥିଲେ |

କିନ୍ତୁ ଡାକ୍ତରଙ୍କ ଚେଷ୍ଟା ସତ୍ୱେ ବାଘଟି ମୃତ୍ୟୁ ବରଣ କରିଥିଲା | କୌଣସି ଏକ ଅଜଣା ଗାଡି ବାଘକୁ ଧକ୍କା ଦେଇ ଚାଲି ଯାଇଥିବା ସନ୍ଧେହ କରାଯାଉଛି | ଏହି ମୃତ ହେଟା ବାଘର ବୟସ ପ୍ରାୟ ୮ରୁ ୧୦ବର୍ଷ ହେବାର ସୂଚନା ମିଳିଛି | ବନ ବିଭାଗ ତରଫରୁ ଘଟଣାର ତଦନ୍ତ ଜାରି ରହିଛି |

Comments are closed.