ରାୟଗଡା ଠାରେ ଗୁରୁଦିବସ ପାଳିତ

ରିପୋର୍ଟ: ଜ଼ିଲ୍ଲା ପ୍ରତିନିଧି ଅମୁଲ୍ୟ ନିଶଙ୍କ
ରାୟଗଡା(୦୫/୦୯): ନିଖିଳ ଉତ୍କଳ ପ୍ରାଥମିକ ଶିକ୍ଷକ ଫେଡରେସନ ରାୟଗଡା ଶାଖା ତରଫରୁ ରାୟଗଡା ସ୍ଥିତ ଅମଲା ସଂଘ କାର୍ଯ୍ୟାଳୟ ଠାରେ ଡାକ୍ତର ସର୍ବପଲ୍ଲୀ ରାଧାକୃଷ୍ଣଙ୍କ ଜନ୍ମଦିନ ଦିନ ଅବସରରେ ତାଙ୍କୁ ମନେ ପକାଇ ଗୁରୁଦିବସ ପାଳନ କରାଯାଉଛି |

ଏହି ଅଵସରରେ ମୁଖ୍ୟ ଅତିଥି ଭାବେ ମାନ୍ୟବର ମନ୍ତ୍ରୀ ଅନୁସୂଚିତ ଜାତି ପଛୁଆ ବର୍ଗ ବିକାଶ ସଂଖ୍ୟା ଲଘୁ କଲ୍ୟାଣ ମନ୍ତ୍ରୀ ଶ୍ରୀ ଜଗନ୍ନାଥ ସାରକା ଯୋଗଦେଇ ଫୋଟ ଚିତ୍ରରେ ପୁଷ୍ପାମାଲ୍ୟ ଅର୍ପଣ କରିବା ସହ ପ୍ରଦୀପ ପ୍ରଜ୍ୱଳନ କରି କାର୍ଯ୍ୟକ୍ରମ ଉଦଘାଟନ କରିଥିଲେ | ମନ୍ତ୍ରୀ ଶ୍ରୀ ସାରକା ନିଜ ବକ୍ତବ୍ୟରେ କହିଛନ୍ତି ଯେ ଭାରତ ମାଟି ହିଁ ଗୁରୁ ମାଟି ଏହି ପବିତ୍ର ଗୁରୁ ମାଟି ଭାରତ ବର୍ଷର ଗୁରୁ ମାଟିରେ ଗୁରୁ ରାଧାକୃଷ୍ଣଙ୍କ ଜନ୍ମ ସେପ୍ଟେମ୍ବର ମାସ ୫ ରେ | ଆମ ଦେଶରେ ଗୁରୁ ଶିଷ୍ୟ ସମ୍ପର୍କ ଅତି ମହାନ ଯିଏ ଯେତେ ବଡ଼ ନେତା ଅଧିକାରୀ ହେଉନା କାହିଁକି ତାହା ଗୁରୁ ବିନା ସମ୍ଭବ ନୁହେଁ ତେଣୁକରି ଗୁରୁଙ୍କ ଆଦେଶକୁ ମାନି ଚାଲିବା ନିହାତି ଆବଶ୍ୟକ |ବିଶିଷ୍ଟ ଶିକ୍ଷକ ନୀଳାଞ୍ଚଳ ମିଶ୍ର ଅତିଥି ପରିଚୟ କରିଥିଲେ ଓ ଅତିଥି ବୃନ୍ଦଙ୍କୁ ଆସନ ଅଳଙ୍କୃତ ସହ ସହ ପୁଷ୍ପଗୁଛ ପ୍ରଦାନ ଓ ସମ୍ମାନିତ କାର୍ଯ୍ୟକ୍ରମ ସମ୍ପାଦନ କରିଥିଲେ | ଜ଼ିଲ୍ଲା ସମ୍ପାଦକ ପ୍ରକାଶ ପାଣିଗ୍ରାହୀ ସ୍ୱାଗତ ଭାଷଣ ଦେଇଥିଲେ |

ନିମନ୍ତ୍ରିତ ଅତିଥି ଭାବେ ଜ଼ିଲ୍ଲା ଶିକ୍ଷକ ସଂଘ ପରାମର୍ଶ ଦାତା ଶ୍ରୀ ମନୋଜ ଗନ୍ତାୟତ ଗୋଷ୍ଠି ଶିକ୍ଷା ଅଧିକାରୀ ରାୟଗଡା ଶ୍ରୀ ରଜନୀକାନ୍ତ ସାମନ୍ତରାୟ ଡିପିସି ଶ୍ରୀମତୀ ଆନେସ୍ଥେସିୟା କେରକେଟା ଜ଼ିଲ୍ଲା ଶିକ୍ଷାଧିକାରୀ ଶ୍ରୀ ପୂର୍ଣ୍ଣ ଚନ୍ଦ୍ର ବରିହା ଜ଼ିଲ୍ଲା ଶିକ୍ଷକ ସଂଘ ସଭାପତି ଶ୍ରୀ ଅନନ୍ତ ଚରଣ ରଥ ମଞ୍ଚାସିନ ଥିଲେ | ଶ୍ରୀ ଅନନ୍ତ ରଥ ସଭାପତିଙ୍କ ଭାଷଣ ଦେଇଥିଲେ | ଗତ ବର୍ଷ ଜ଼ିଲ୍ଲାର୧୧ବ୍ଲକର ଅବସର ପ୍ରାପ୍ତ ପ୍ରାଥମିକ ଶିକ୍ଷକଙ୍କୁ ମାନପତ୍ର ସହ ସମ୍ମାନିତ କରାଯାଇଥିଲା | ଗତ ବର୍ଷ ଅବସର ନେଇଥିବା ଶିକ୍ଷକ ନେତା ଶ୍ରୀ ଶ୍ୟାମ ସୁନ୍ଦର ପଣ୍ଡାଙ୍କୁ ମାନ୍ୟବର ମନ୍ତ୍ରି ଶ୍ରୀ ସାରକା ମାନ ପତ୍ର ଦେଇ ସମ୍ମାନିତ କରିଥିଲେ |

Comments are closed.