ବୈପାରୀଗୁଡାରେ ଜିଲ୍ଲାପାଳଙ୍କ ଜଣଶୁଣାଣି, ଚାଷୀ ଅସନ୍ତୁଷ୍ଟ ହୋଇ ଜିଲ୍ଲାପାଳଙ୍କୁ ଏକ ଘଣ୍ଟା ଅଟକ ରଖିଲେ ଗ୍ରାମବାସୀ

ରିପୋର୍ଟ: ଏନ.ସନ୍ତୋଷ କୁମାର
ବୈପାରୀଗୁଡା(୨୬/୦୮): ବୈପାରୀଗୁଡା ବ୍ଲକ କାର୍ଯ୍ୟାଳୟ ମିଶନ ଶକ୍ତି ସଭାଗୃହ ପରିସରରେ ଜିଲ୍ଲାପାଳଙ୍କ ଜଣଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି |

ଏଥିରେ କୋରାପୁଟ ଜିଲ୍ଲାପାଳ ମଧୁସୁଦନ ମିଶ୍ର, ଏସପି ମୁକେଶ କୁମାର ଧାମ, ପ୍ରକଳ୍ପ ନିର୍ଦେଷେକ ପ୍ରବୀର କୁମାର ନାୟକ, ଉପ ଜିଲ୍ଲାପାଳ ଲୋକନାଥ ଦଳ ବେହେରl ଯୋଗଦେଇ ବୈପାରୀଗୁଡା ଅଂଚଳର ବିଭିନ୍ନ ପ୍ରକାର ଅଭିଯୋଗକୁ ସମସ୍ତ ବିଭାଗୀୟ ଅଧିକାରୀଙ୍କ ଉପସ୍ଥିତିରେ ସମାଧାନ କରିଥିଲେ | ସକାଳ ୧୧ଟାରେ ଆରମ୍ବ ହୋଇଥିବା ଜଣ ଶୁଣାଣି ୨.୩୦ ମିନିଟ ପଯ୍ୟନ୍ତ ଚାଲିଥିବା ବେଳେ ମୋଟ ପୁଞ୍ଜିକୃତ ହୋଇଥିବା ୯୮ଟି ଅଭିଯୋଗରୁ ୭୮ଟି ଅଭିଯୋଗ ଶୁଣିଥିଲେ ଜିଲ୍ଲାପାଳ |

ମଧ୍ୟାନ୍ନ ଭୋଜନ ପରେ ବଳକା ଅଭିଯୋଗ ଶୁଣାଯିବ ବୋଲି ବ୍ଲକ ପ୍ରଶାସନ ପକ୍ଷରୁ ସୂଚନା ମିଳିବା ପରେ ବହୁ ସମୟ ଅପେକ୍ଷା କରି ବିରକ୍ତ ହୋଇ ଶେଷରେ ଡାକ ବଙ୍ଗଳାକୁ ଯାଇ ଅଭିଯୋଗ ଦେଇଥିଲେ ଲୋକେ | ସେଠାରେ ଜିଲ୍ଲାପାଳଙ୍କୁ ଜୟପୁର ବ୍ଲକର କଙ୍ଗା, ଜାମୁଣ୍ଡା,କୁମୁଲି ଅଂଚଳର ଚାଷୀ ମାନେ ସ୍ୱଂୟ ସହାୟକ ଗୋଷ୍ଠୀ ଦ୍ୱାରା ଧାନ କିଣିବାକୁ ବିରୋଧ କରି ଦାବି ପତ୍ର ଦେଇଥିଲେ କିନ୍ତୁ ଜିଲ୍ଲାପାଳଙ୍କ ଉତ୍ତରରେ ଅସନ୍ତୁଷ୍ଟ ହୋଇ ଉକ୍ତ ଚାଷୀ ଡାକ ବଙ୍ଗଳା ସାମ୍ମନାରେ ଏକ ଘଣ୍ଟା କାଳ ଜିଲ୍ଲାପାଳଙ୍କୁ ବିରୋଧ କରିଥିଲେ |

କିଛି ସମୟ ଅପ୍ରିତୀକର ପରିସ୍ଥିତି ହୋଇଥିବା ବେଳେ ବୈପାରୀଗୁଡା ପୋଲିସ ପହଞ୍ଚି ପରିସ୍ଥିତିକୁ ନିଜ ଆୟତ୍ତ କରିବା ପରେ ଜିଲ୍ଲାପାଳ କୋରାପୁଟ ଫେରିଥିଲେ |

Comments are closed.