ସଞ୍ଜୟଙ୍କ ଚିକିତ୍ସାରେ ବାଧକ ସାଜିଛି ଅର୍ଥ

ରିପୋର୍ଟ: କପିଳେନ୍ଦ୍ରଦେବ ସାମନ୍ତରାୟ
ଲମତାପୁଟ (୨୫/୦୮/୧୯): ସଞ୍ଜୟଙ୍କ ଚିକିତ୍ସାରେ ବାଧକ ସାଜି ବସିଛି ଅର୍ଥ । ଏହି ଦୃଶ୍ୟ ହେଉଛି କୋରାପୁଟ ଜିଲ୍ଲା ଲମତାପୁଟ ବ୍ଲକ ତୁସୁବା ପଞ୍ଚାୟତ ଗୋପାଳପୁଟ ଗ୍ରାମରେ । ପ୍ରାୟ ତିନି ବର୍ଷ ତଳେ ସଂଜୟ ଜନ୍ମ ହୋଇଥିଲେ । ଖୁସିର ଲହରୀ ଖେଳିଗଲା ଘରେ । ପୁଅଟିଏ ଜନ୍ମ ହେଲା ବୋଲି ଖୁସିରେ ସାଇ ପଡିସାଙ୍କୁ ଡାକି ଭୋଜି ଭାତ କଲେ । ଏଥି ମଧ୍ୟରେ ସଞ୍ଜୟଙ୍କ ବୟସ ବଢି ଚାଲିଥାଏ ।

ସାଧାରଣତଃ ପିଲା ମାନେ ଏକ ବର୍ଷ ମଧ୍ୟରେ ଠିଆ ହୁଅନ୍ତି ଓ କିଛି କିଛି କଥା ବି କୁହନ୍ତି କିନ୍ତୁ ସଞ୍ଜୟଙ୍କ କ୍ଷେତ୍ରରେ କୌଣସି ଉନ୍ନତି ଦେଖା ଗଲାନାହି | ତେଣୁ ବାପା କିଶୋର ଖେମୁଣ୍ଡୁ ବାଧ୍ୟ ହୋଇ ଲମତପୁଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଠାରେ ପୁଅ ସଞ୍ଜୟଙ୍କୁ ଆଣି ଡାକ୍ତରଙ୍କ ସହ ପରାମର୍ଷ କରି ଚିକିତ୍ସା କରାଇ ଥିଲେ ଓ ଡାକ୍ତର ମଧ୍ୟ କହିଥିଲ ଏକ ବର୍ଷ ମଧ୍ୟରେ ଭଲ ହୋଇଯିବ | ଏ ଭିତରେ ତିନି ବର୍ଷ ବିତିାଇଥିଲେ ବି ସଞ୍ଜୟ ନା କଥା କହି ପାରୁଛନ୍ତି ନା ଚାଲି ପାରୁଛନ୍ତି। ଆମେ ପଚାରି ଥିଲୁ କି ପୁଅକୁ ବଡ଼ ହସ୍ପିଟାଲ୍ ଚିକିତ୍ସା କାହିଁକି କରାଉନ ତ ସେ କହିଲେ କି ଘରର ଆର୍ଥିକ ସ୍ଥିତି ଠିକ୍ ନାହିଁ କୁଲି ମଜୁରୀ କଲେ ଘର ଚାଲେ । ତେଣୁ କୌଣସି ବଡ଼ ହସ୍ପିଟାଲ୍ ରେ ଚିକିତ୍ସା କରାଇ ନାହିଁ ବୋଲି ଦୁଃଖର ସହ ଆମକୁ କହିଥିଲେ। ଏଠାରେ କହିବାର କଥା ହେଲା ସଞ୍ଜୟଙ୍କୁ ସରକାରୀ ଚିକିତ୍ସା ତ ଦୂରର କଥା ସରକାରଙ୍କ ଦ୍ଵାରା ଭିନ୍ନକ୍ଷମ ଭତ୍ତା ଯୋଜନାରେ ସାମିଲ୍ ବି କରାଯାଇ ନାହି । ମାସରେ ଦୁଇ ଥର ଅଙ୍ଗନ ୱାଡ଼ି କର୍ମୀ ଦୁଇ ଥର ଗ୍ରାମର ସମସ୍ତ ରିପୋର୍ଟ ଦେଇଥାଆନ୍ତି ପିଇଓ ସରପଞଚଙ୍କ ଉପସ୍ଥିତିରେ । କିନ୍ତୁ ଏ ପର୍ଯ୍ୟନ୍ତ କାହିଁକି ସରକାରୀ ସୁବିଧାରୁ ବଞ୍ଚିତ ସଞ୍ଜୟ । ଖାଲି କାଗଜ ପତ୍ରରେ ରହିଯାଇ ନାହିଁ ତ ସଞ୍ଜୟର ତଥ୍ୟ ।

Comments are closed.