ତହସିଲଦାର ତଦାରଖ କଲେ ଛତୁଆ ମିଶ୍ରଣ କାର୍ଯ୍ୟକ୍ରମ, ଏଣିକି ଛତୁଆ ୨୩ରେ ମିଶ୍ରଣ, ୧ରେ ବଣ୍ଟନ

ରିପୋର୍ଟ: ଏନ.ସନ୍ତୋଷ କୁମାର
ବୈପାରୀଗୁଡା(୨୫/୦୮): ସମ୍ମନିତ ଶିଶୁ ବିକାଶ ଯୋଜନାରେ ପରିଚାଳିତ ଛତୁଆ ପ୍ରକଳ୍ପରେ ନୂତନ ଗାଇଡ଼ ଲାଇନରେ ଏଣିକି ପ୍ରତି ମାସ ୨୩ତାରିଖରେ ଛତୁଆ ମିଶ୍ରଣ ହେବ ଏବଂ ଅଙ୍ଗନବାଡି କେନ୍ଦ୍ରରେ ୧ତାରିଖରେ ଛତୁଆ ବଣ୍ଟନ ହେବ ବୋଲି ଜଣାପଡିଛି |

ଗତ ୨୩ତାରିଖ ଦିନ ସ୍ଥାନୀୟ ତହସିଲଦାର ସଞ୍ଜବ କୁମାର ସାହୁ ବୈପାରୀଗୁଡା ସମ୍ମନିତ ଶିଶୁ ବିକାଶ ଯୋଜନାରେ ପରିଚଳିତ ସ୍ୱୟଂ ସହାୟକ ଗୋଷ୍ଠୀ ଦ୍ୱାରା ଦୁଇ ଛତୁଆ ପ୍ରକଳ୍ପର ଛତୁଆ ମିଶ୍ରଣ କାର୍ଯ୍ୟକ୍ରମ ତଦାରଖ କରିଥିଲେ | ତହସିଲଦାର କହିବା ଅନୁଯାୟୀ କୋରାପୁଟ ଜିଲ୍ଲାପାଳଙ୍କ ନିର୍ଦ୍ଧେଶ କ୍ରମେ ଛତୁଆ ପ୍ରକଳ୍ପ ତଦାରଖ କରାଯାଉଛି | ଏଣିକି ପ୍ରତି ମାସ ୨୩ତାରିଖରେ ଛୁଟି ସତ୍ୱେ ମଧ୍ୟ ଛତୁଆ ମିଶ୍ରଣ କାର୍ଯ୍ୟକ୍ରମ ଜାରି ରହିବ | ଅଙ୍ଗନବାଡି କେନ୍ଦ୍ରରେ ଛୋଟ ଶିଶୁ,ଗର୍ଭବତି ମହିଳା, ପ୍ରସୂତି ମା ମାନଙ୍କ ପାଇଁ ଉତ୍ତମ ଛତୁଆ ବଣ୍ଟନ ପ୍ରକ୍ରିୟାକୁ ସୁଚାରୁରୂପେ ତୁଲେଇବା ପାଇଁ ସରକାର ଏହି ପଦକ୍ଷେପ ନେଇଛନ୍ତି | ସେହିପରି ମହିଳା ଓ ଶିଶୁ ବିକାଶ ବିଭାଗ ଏବଂ ମିଶନ ଶକ୍ତି ବିଭାଗ ତରଫରୁ ଚାଲିଥିବା ପ୍ରକଳ୍ପରେ ଛତୁଆ ସାମଗ୍ରୀର ମାନ, ଛତୁଆ ପ୍ରସ୍ତୁତି କେନ୍ଦ୍ରର ଭିତିଭୂମି,ବ୍ୟବହୃତ ଯନ୍ତ୍ର,ସାମଗ୍ରୀର ଗୁଣବୋତା, ପ୍ୟାକିଙ୍ଗ ଆଦିର ନିରିକ୍ଷଣ ଲାଗି ହିତାଧିକାରୀ ଠିକ ସମୟରେ ପୃଷ୍ଟିକର ଖାଦ୍ୟ ପାଇପାରିବେ | ଯାହାକି ଗ୍ରାମାଞ୍ଚଳର ଶିଶୁଙ୍କ ପୃଷ୍ଟିହୀନତା କମିବାରେ ସାହାଯ୍ୟ ହେବବୋଲି ଜଣାପଡୁଛି | ଏଣିକି ଅଙ୍ଗନବାଡି କେନ୍ଦ୍ରରେ ପ୍ରତି ମାସର ୧ ତାରିଖ ଦିନ ମାତୃ କମିଟି ଓ ଯାଞ୍ଚ କମିଟି ଉପସ୍ଥିତିରେ ଛତୁଆ ବଣ୍ଟନ କରାଯିବ ବୋଲି ଶ୍ରୀ ସାହୁ ପ୍ରକାଶ କରିଛନ୍ତି | ଅଗାମି ଦିନରେ ସରକାରଙ୍କ ଏହି ପଦକ୍ଷେପ କେତେ ସ୍ୱଚ୍ଛତା ଆଣିବ ଦେଖିବାକୁ ବାକି ରହିଲା |

Comments are closed.