Advertisements
Tuesday, July 7, 2020
Home District News ହରିହର ହାଇସ୍କୁଲରେ ପ୍ରତିଭା ସମ୍ବର୍ଦ୍ଧନା ସମାରୋହ

ହରିହର ହାଇସ୍କୁଲରେ ପ୍ରତିଭା ସମ୍ବର୍ଦ୍ଧନା ସମାରୋହ

ରିପୋର୍ଟ: ବିମଳେନ୍ଦୁ ସାହୁ
ଲୋଇସିଂହା(୨୪/୦୮): ଲୋଇସିଂହା ବ୍ଲକ ଯୋଗିସର୍ଦା ସ୍ଥିତ ହରିହର ହାଇସ୍କୁଲ ଠାରେ ପ୍ରତିଭା ସମ୍ବର୍ଦ୍ଧନା ସମାରୋହ ଆୟୋଜିତ ହୋଇଯାଇଛି । ଏହି ଅବସରରେ ବିଭିନ୍ନ ପ୍ରତିଯୋଗିତାର କୃତୀ ପ୍ରତିଯୋଗୀ ତଥା ମେଧାବୀ ଛାତ୍ର ଛାତ୍ରୀଙ୍କୁ ପୁରସ୍କୃତ କରାଯାଇଥିଲା ।

ବିଦ୍ୟାଳୟର ପ୍ରଧାନ ଶିକ୍ଷକ କୃଷ୍ଣଚନ୍ଦ୍ର ନାଥଙ୍କ ସଭାପତିତ୍ୱରେ ଅନୁଷ୍ଠିତ ସମାରୋହରେ ମୁଖ୍ୟ ଅତିଥି ଭାବେ ଲୋଇସିଂହା ବିଧାୟକ ଡ଼ ମୁକେଶ ମହାଳିଙ୍ଗ ଏବଂ ମୁଖ୍ୟ ବକ୍ତା ଭାବେ ବଲାଂଗୀର ଶାରୀରିକ ଶିକ୍ଷା ନିରୀକ୍ଷକ ଜ୍ୟୋତି ପ୍ରସାଦ ପରିଡା ଯୋଗଦେଇ ପ୍ରତିଯୋଗୀ ତଥା ମେଧାବୀ ଛାତ୍ର ଛାତ୍ରୀଙ୍କୁ ସମ୍ବର୍ଦ୍ଧିତ କରିଥିଲେ । ଏହା ଦ୍ୱାରା ଛାତ୍ର ଛାତ୍ରୀମାନେ ଉତ୍ସାହିତ ହୋଇ ଆଗାମୀ ଦିନରେ ନିଜର ଶତ ପ୍ରତିଶତ ଉତ୍କର୍ଷତା ପ୍ରତିପାଦନ କରିବା ଦିଗରେ ସକ୍ଷମ ହୋଇପାରିବେ ବୋଲି ବିଧାୟକ ଶ୍ରୀ ମହାଳିଙ୍ଗ ପ୍ରକାଶ କରିଥିଲେ । ଶିକ୍ଷକ କପିଳେଶ୍ୱର କୁମ୍ଭାର ସଭା ସଂଯୋଜନା କରିଥିବା ବେଳେ ଅଶୋକ ତ୍ରିପାଠୀ ସ୍ୱାଗତ ଭାଷଣ ତଥା ବିବରଣୀ ପାଠ କରିଥିଲେ । ଏହି ଅବସରରେ ଗତ ମାଟ୍ରିକ ପରୀକ୍ଷାରେ ୮୦ ପ୍ରତିଶତରୁ ଅଧିକ ନମ୍ବର ରଖିଥିବା ଅଞ୍ଜୁଳତା ସା ଏବଂ ୭୦ ପ୍ରତିଶତ ମାର୍କ ରଖିଥିବା ଅସୀମ ମିଶ୍ର, ସୁନୀଲ ସାହୁ ଓ ଝରଣା ପୁଟେଲଙ୍କୁ ସମ୍ବର୍ଦ୍ଧିତ କରାଯାଇଥିଲା । ନବମ ଶ୍ରେଣୀରେ ସର୍ବୋଚ୍ଚ ନମ୍ବର ରଖିଥିବା ପ୍ରିୟଙ୍କା ତ୍ରିପାଠୀଙ୍କୁ ରାଜକିଶୋର ମିଶ୍ର ମେମୋରିଆଲ ଏବଂ ଷଷ୍ଠ ରେ ଅଧିକ ମାର୍କ ରଖିଥିବା ପାୟଲ ଭୋଇଙ୍କୁ ରାକେଶ ମେମୋରିଆଲ ସମ୍ମାନରେ ସମ୍ମାନିତ କରାଯାଇଥିଲା । ଏଥି ସହିତ ସଂସ୍କୃତରେ ଅଧିକ ନମ୍ବର ରଖିଥିବା ଅଞ୍ଜୁଳତା ସା ଙ୍କୁ ଅବସରପ୍ରାପ୍ତ ସଂସ୍କୃତ ଶିକ୍ଷକ ସମାରୁ ପଧାନଙ୍କ ଦ୍ୱାରା ପ୍ରଦତ୍ତ ପୁରସ୍କାର ରାଶି ପ୍ରଦାନ କରାଯାଇଥିଲା ।

ବରିଷ୍ଠ ବିଭାଗ ବକ୍ତୃତା ପ୍ରତିଯୋଗିତାରେ ଲିମା ବଘାର ପ୍ରଥମ, ପ୍ରୀତିଲିମା ସା ଦ୍ଵିତୀୟ ଓ ଶ୍ରିତମ ରଣା ତୃତୀୟ ସ୍ଥାନ ଅଧିକାର କରିଥିବା ବେଳେ ସଂଗୀତରେ ଶିବଂସ ତ୍ରିପାଠୀ ପ୍ରଥମ, ନିହାର ଛତ୍ରୀଆ ଦ୍ଵିତୀୟ ଓ ଶ୍ରୁତିଶିଖା ହୋତା ତୃତୀୟ ହୋଇଥିଲେ । ସେହିପରି କନିଷ୍ଠ ବକ୍ତୃତା ପ୍ରତିଯୋଗିତାରେ ଶିଖା ମହାନନ୍ଦ, ଦେବସ୍ମିତା ଭୋଇ, ପୂଜା ସେଟ ଏବଂ ସଙ୍ଗୀତ ପ୍ରତିଯୋଗିତାରେ କାଜଲ ସୁନା, ସ୍ନେହରାଣୀ ପଧାନ ଓ ଶିଖା ମହାନନ୍ଦ ଯଥାକ୍ରମେ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରି ପୁରସ୍କୃତ ହୋଇଥିଲେ । କାର୍ଯ୍ୟକ୍ରମ ପରିଚାଳନାରେ ମୋ ସ୍କୁଲ ଅଭିଯାନର ସଭାପତି ବଂଶୀଧର ଥନାପତିଙ୍କ ସମେତ ସମସ୍ତ କର୍ମଚାରୀ ସହଯୋଗ କରିଥିବା ବେଳେ କ୍ରୀଡା ଶିକ୍ଷକ ଦୁର୍ବାଦଲ ବାଗ ଧନ୍ୟବାଦ ଅର୍ପଣ କରିଥଲେ ।

Advertisements
Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ବିନା ଅସ୍ତ୍ରଶସ୍ତ୍ରରେ କରୋନା ଯୋଦ୍ଧା ସାଜିଛନ୍ତି ହୋମିଓପାଥି ଏବଂ ଆୟୁର୍ବେଦ ଡାକ୍ତର !!!

ରିପୋର୍ଟ: ରାକେଶ ମହାରଣା //କୋଦଳା (୦୬/୦୭): ବିଶ୍ୱ ମହାମାରି କୋଭିଡ୍ - ୧୯ ମୁକାବିଲା କରିବା ପାଇଁ ,ଜାତୀୟ ସ୍ୱାସ୍ଥ୍ୟ ମିଶନ ରେ କାର୍ଯ୍ୟରତ ଚୁକ୍ତି ଭିତ୍ତିକ ଆୟୁଷ...

ପ୍ରଥମ କରୋନା ପଜିଟିଭ୍‌ ଚିହ୍ନଟ ପରେ କଲମପୁର ପଞ୍ଚାୟତକୁ ୭୨ ଘଣ୍ଟା ପାଇଁ ଶଟଡାଉନ୍ ଘୋଷଣା

ରିପୋର୍ଟ: ମାନସ ରଞ୍ଜନ ରାଉତ //କଳାହାଣ୍ଡି (୦୫/୦୭): କଳାହାଣ୍ଡି ଜିଲ୍ଲା କଲମପୁର ପଞ୍ଚାୟତକୁ ୭୨ ଘଣ୍ଟା ପାଇଁ ଶଟ୍‌ଡାଉନ୍‌ ଘୋଷଣା କରିଛନ୍ତି ସରପଞ୍ଚ। ଏହି ପଞ୍ଚାୟତର ଗଞ୍ଜେଇଗୁଡ଼ା, ବରଗାଁ,...

ପାଗଳଙ୍କ ଉନ୍ମତକାଣ୍ଡ ଲାଗି ଘର ଜଳିଲା, ୧୦ ଛେଳି ଜୀବନ ଗଲା

ରିପୋର୍ଟ: ଏନ ସନ୍ତୋଷ କୁମାର //ବୈପାରୀଗୁଡା (୦୬/୦୭): ପାଗଳ ପ୍ରକୃତି ବ୍ୟକ୍ତି ନିଜ ଘରକୁ ନିଜେ ନିଆଁ ଲଗାଇ ଜlଳିଦେଇଥିବା ପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି...

Recent Comments

%d bloggers like this: