ଓକିଲଙ୍କୁ ବନ୍ଧୁକ ଦେଖାଇ ହତ୍ୟା ଓ ଅପହରଣ ଧମକ ଦେଇ ଥିବା ଅଭିଯୋଗରେ ଚାରି ଗିରଫ

ରିପୋର୍ଟ: ଜିଲ୍ଲା ପ୍ରତିନିଧି ଏ.ସତୀଶ
ନବରଙ୍ଗପୁର(୧୭/୦୮/୨୦୧୯): ଓକିଲଙ୍କୁ ବନ୍ଧୁକ ଦେଖାଇ ହତ୍ୟା ଓ ଅପହରଣ ଧମକ ଦେଇ ଟଙ୍କା ଆଦାୟ ଅଭିଯୋଗରେ ୪ ଅଭିଯୁକ୍ତଙ୍କୁ ଗିରଫ କରିଛି ନବରଙ୍ଗପୁର ପୋଲିସ । ଏ ନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଏସପି ନିତିନ କୁଶଳକର ।

ଗତ ୪ତାରିଖ ଦିନ ନବରଙ୍ଗପୁର ସହରର ଓକିଲ ଙ୍କ ମୋଟର ସାଇକେଲ କୁ ତାଙ୍କ ଜମି ନିକଟରୁ କେହି ଡକାୟତି କରିନେଇଯାଇଥିଲ। ପରେ ଶିବୁ ନାମକ ଯୁବକ ଫୋନ ଯୋଗେ ସିନ୍ଧିଗୁଡା ସ୍ଥିତ ଆମ୍ବ ତୋଟାକୁ ଆସି ମୋଟର ସାଇକେଲ ନେଇଯିବାକୁ କହିଥିଲେ । ଓକିଲ ସେହି ସ୍ଥାନରେ ପହଞ୍ଚି ଦେଖିଲେ ଶିବୁ ସହ ଆଉ ଦୁଇ ଯୁବକ ଉପସ୍ଥିତ ଥିଲେ । ସେମାନେ ଓକିଲ ଛାତିରେ ବନ୍ଧୁକ ରଖି ୩ଲକ୍ଷ ଟଙ୍କା ଦାବି କରିଥିଲେ । ଦୁଇ ରାଉଣ୍ଡ ବ୍ଳାଙ୍କ ଫାଇରିଂ କରି ଏ ବିଷୟରେ ପୋଲିସକୁ ଦେଲେ ଅପହରଣ କରି ଜୀବନରେ ମରିଦେବୁ ବୋଲି ଧମକ ଦେଇଥିଲେ । ତା ପରଦିନ ବାରମ୍ବାର ଫୋନ କରି ଭୟଭୀତ କରି ଟଙ୍କା ମାଗିବାରୁ ଭୟରେ ଓକିଲ ଯୋଗାଡ଼ କରି ୧ ଲକ୍ଷ ୯ହଜାର ଟଙ୍କା ସେହି ଆମ୍ବତୋଟାରେ ଦେଇଥିଲେ । ଜୀବନ ପ୍ରତି ବିପଦ ଥିବାରୁ ପୋଲିସ ଥାନାରେ ମାମଲା ରୁଜୁ କରିଥିଲେ । ପୋଲିସ ଘଟଣାର ତଦନ୍ତ କରି ମୁଖ୍ୟ ଅଭିଯୁକ୍ତ ଶିବୁ ସହିତ ଅନ୍ୟ ତିନି ଜଣ ସହଯୋଗୀଙ୍କୁ ଗିରଫ କରିଛି ପୋଲିସ ।ତାଙ୍କ ନିକଟରୁ ଗୋଟିଏ ଦେଶୀ ବନ୍ଧୁକ ସହ ୧ଲକ୍ଷ ଟଙ୍କା ଏବଂ ଦୁଇଟି ମୋଟର ସାଇକେଲ ଓ ଦୁଇଟି ମୋବାଇଲ ଜବତ ହୋଇଛି ।

Comments are closed.