Related Contents

କୁମିଆପାଲି ଗାଁ ବାହ୍ୟ ଜଗତରୁ ବିଚ୍ଛିନ୍ନ

ରିପୋର୍ଟ: ବିମଳେନ୍ଦୁ ସାହୁ
ଲୋଇସିଂହା(୧୩/୦୮): ଲୋଇସିଂହା ବ୍ଲକ ଅନ୍ତର୍ଗତ ଆଭ୍ୟନ୍ତରୀଣ ରେଙ୍ଗାଲି ପଂଚାୟତର କୁମିଆପାଲି ଗ୍ରାମ ବାସିନ୍ଦା ସମ୍ପୂର୍ଣ ଜଳବନ୍ଦୀ ଅବସ୍ଥାରେ ରହିଛନ୍ତି । କୁମିଆପାଲି ଗ୍ରାମବାସୀ ସୁକତେଲ ନଦୀ ପାର ହୋଇ ଚୁଡାପାଲିକୁ ବିଭିନ୍ନ କାର୍ଯ୍ୟରେ ଆସୁଥିବା ବେଳେ ସମ୍ପ୍ରତି ଭରା ନଈ ପାରି ହୋଇ ଅନ୍ୟତ୍ର ଆସିବା ସମ୍ଭବ ନୁହେଁ ।

କୁମିଆପାଳି-ରେଙ୍ଗାଲି ରାସ୍ତାରେ ଯୋଗାଯୋଗ ବିଛିନ୍ନ ହୋଇଯାଇଥିବା ବେଳେ କୁମିଆପାଳି-ପୋଢ଼ମୁଁଣ୍ଡ ରାସ୍ତାରେ ମଧ୍ୟ ତିନୋଟି ସ୍ଥାନରେ ଘାଇ ସୃଷ୍ଟି ହୋଇ ଗ୍ରାମକୁ ରହିଥିବା ସଂଯୋଗୀକରଣ ରାସ୍ତା ବିଛିନ୍ନ ହୋଇପଡିଛି । ଫଳରେ ସ୍ଥାନୀୟ ବାସିନ୍ଦା ଦୁଇ ଦିନ ହେଲା ଏକ ରକମର ଜଳବନ୍ଦୀ ଅବସ୍ଥାରେ ରହିଛନ୍ତି । ଯୁଦ୍ଧ କାଳୀନ ଭିତ୍ତିରେ ଏହି ରାସ୍ତକାମର ମରାମତି କରାଯିବା ସହିତ ସୁକତେଲ ନଦୀରେ ଡ଼ଙ୍ଗାର ବ୍ୟବସ୍ଥା କରାଯିବା ସକାଶେ ସ୍ଥାନୀୟ ସମିତି ସଭ୍ୟ ବ୍ୟାସଦେବ ଥନାପତି ଦାବି କରିଛନ୍ତି । ସେହିପରି ନିକଟସ୍ଥ ପରଧିଆପାଲି ଗ୍ରାମଟି ମଧ୍ୟ ସମ୍ପୂର୍ଣ୍ଣ ଜଳଘେରରେ ରହିଥିବା ବେଳେ ଆଜି ବଲାଂଗୀରରୁ ଓଡ୍ରାଫ ଟିମ ପହଂଚି ପ୍ରଭାବିତ ଲୋକଙ୍କୁ ଅନ୍ୟତ୍ର ସ୍ଥାନାନ୍ତର କରିଥିବା ଜଣାଯାଇଛି ।

Leave a Reply

This site uses Akismet to reduce spam. Learn how your comment data is processed.