ଦୁର୍ବିପାକରେ ମୃତ୍ୟୁ ଘଟିଥିବା ୩ ପରିବାରକୁ ମିଳିଲା ସହାୟତା

ରିପୋର୍ଟ – ଜଗନ କୁମାର ସେଠୀ
କୋଦଳା (୧୪/୦୮): କୋଦଳା ତହସିଲ ଠାରେ ମଙ୍ଗଳବାର ପ୍ରାକୃତିକ ଦୁର୍ବିପାକ ଜନିତ ଅକାଳରେ ଜୀବନ ଚାଲିଯାଇଥିବା କୋଦଳା ତହସିଲ ଅନ୍ତର୍ଗତ ୩ଟି ପରିବାରକୁ ମୃତ୍ୟୁ କ୍ଷତି ପୂରଣ ସହାୟତା ରାଶି ପ୍ରଦାନ କରାଯାଇଛି | ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ଏହି କ୍ଷତିପୂରଣ ରାଶି ପ୍ରଦାନ କରାଯାଇଥିଲା ବେଳେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନଙ୍କ ଦ୍ଵାରା ଏହି ସହାୟତା ରାଶି ଚେକ୍ ମାଧ୍ୟମରେ ଦିଆଯାଇଛି |

କୋଦଳା ତହସିଲ କାର୍ଯ୍ଯାଳୟ ପରିସରରେ ଆୟୋଜିତ ଏକ କାର୍ଯ୍ୟକ୍ରମରେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ, କୋଦଳା ତହସିଲଦାର ପ୍ରଭାତ କୁମାର ପରିଡାଙ୍କ ସମେତ ବହୁ ପଦାଧିକାରୀ ମାନେ ଉପସ୍ଥିତ ଥିଲେ | ଉଲ୍ଲେଖ ଯୋଗ୍ୟ ଯେ, ଆଯକୁ ପ୍ରାୟ ୯ ମାସ ତଳେ ସାତନଳର ୪୪ ବର୍ଷୀୟ କୃଷ୍ଣ ସାମଲ ପୋଖରୀରେ ବୁଡି ମୃତ୍ୟୁ ବରଣ କରିଥିବା ବେଳେ କୋଦଳାର ୧୦ ବର୍ଷର ବାଳକ ବାବୁଲା ମୁନି ଓ ଚଣ୍ଡପଲୀର ୫୨ ବର୍ଷୀୟ କାଳୁ ମୁନି ବିଶାକ୍ତ ସର୍ପ ଦଂଶନରେ ମୃତ୍ୟୁ ଘଟିଥିଲା | ଏ ସମସ୍ତ ପରିବାରକୁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ୪ ଲକ୍ଷ ଟଙ୍କା ଲେଖାଏଁ କ୍ଷତିପୂରଣ ରାଶି ଦିଆଯାଇଛି | ଏହି ଅର୍ଥକୁ ପରିବାରର କଲ୍ଯାଣ ନିମନ୍ତେ ଖର୍ଚ୍ଚ କରିବାକୁ ବିଧାୟିକା ହିତାଧିକାରୀ ମାନଙ୍କୁ ପରାମର୍ଶ ଦେଇଥିଲେ |

Comments are closed.