ରାୟଗଡାରେ ୭୩ ତମ ସ୍ବାଧୀନତା ଦିବସ ପାଳିତ

ରିପୋର୍ଟ- ଗୋପୀନାଥ ଗୌଡ଼
ରାୟଗଡା(୧୫/୦୮/୧୯): ରାୟଗଡ଼ା ଜିସିଡି ପଡିଆ ପରିସରରେ ୭୩ତମ ଜିଲ୍ଲା ସ୍ତରୀୟ ସ୍ବାଧୀନତା ଦିଵସ ପାଳିତ ହୋଇଛି ।

ଏହି ଅବସରରେ ହସ୍ତତନ୍ତ ଓ ବୟନ ଶିଳ୍ପ ମନ୍ତ୍ରୀ ପଦ୍ମିନୀ ଦିଆନ୍ ମୁଖ୍ୟ ଅତିଥି ଭାବେ ଯୋଗ ଦେଇ ମିଳିତ ପ୍ୟାରେଡ଼କୁ ସମ୍ବୋଧିତ କରିଥିଲେ। ଦେଶ ସ୍ବାଧୀନ ପାଇଁ ଯେଉଁ ମାନେ ନିଜକୁ ବଳିଦାନ ଦେଇଛନ୍ତି ସେମାନଙ୍କୁ ମନ ପକାଇବା ସହ ଏକ ମନ ଏକ ଦେଶ ଗଠନ ଦିଗରେ ସମସ୍ତେ ଏକତ୍ରିତ ହେବା ଦରକାର ବୋଲି ସେ କହିଥିଲେ। ଆୟୋଜିତ ଏହି ପ୍ୟାରେଡ଼ରେ ପ୍ରାୟ ୪୦ଉର୍ଦ୍ଧ ଦଳ ଭାଗ ନେଇଥିଲେ।

ପରେ ଜିଲ୍ଲାର ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ଦ୍ବାରା ବିଭିନ୍ନ ସାଂସ୍କୃତିକ କାର୍ଯ୍ଯକ୍ରମ ଅନୁଷ୍ଠିତ ହୋଇଥିଲା। ଶେଷରେ ମୁଖ୍ୟ ଅତିଥି ସ୍ବାଧୀନତା ଦିବସ ଅବସରରେ ଆୟୋଜିତ ବିଭିନ୍ନ ପ୍ରତିଯୋଗିତାରେ କୃତି ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଜିଲ୍ଲାପାଳ ପ୍ରମୋଦ କୁମାର ବେହେରା, ଏସପି ଶର୍ବଣା ବିବେକ୍ ଏମ, ଅତିରିକ୍ତ ଜିଲ୍ଲାପାଳ ସୁଧାକର ଶବରଙ୍କ ସମେତ ବରିଷ୍ଠ ଅଧିକାରୀ ମାନେ ଯୋଗଦେଇ ଥିଲେ।

Comments are closed.