ରୋଶେଇ ଘରେ ଗଢା ଚାଲିଛି ଭବିଷ୍ୟତ

ରିପୋର୍ଟ: କପିଳେନ୍ଦ୍ରଦେବ ସାମନ୍ତରାୟ
ଲମତାପୁଟ(୧୨/୦୮): ରୋଶେଇ ଘରେ ଗଢା ଚାଲିଛି ପିଲାଙ୍କ ଭଵିଷ୍ୟତ । ଶିକ୍ଷା ଆଗେଇଲେ ଦେଶ ଆଗେଇବ। ଶିକ୍ଷା ବ୍ୟବସ୍ଥା ପାଇଁ ସରକାର ଲକ୍ଷ ଲକ୍ଷ ଟଙ୍କା ପାଣି ଭଳି ଖର୍ଚ କରୁଛନ୍ତି । କିନ୍ତୁ ଏଠାରେ ଏହାର ବିପରିତ ଦୃଶ୍ୟ ଦେଖିବାପାଇଁ ମିଳୁଛି । ଏହା ଦିନେ ଅଧେର ନୁହେଁ ଦିର୍ଘ ଦିନର ସମସ୍ୟା । ଏହି ଦୃଶ୍ୟ ହେଉଛି ଲମତାପୁଟ ବ୍ଳକ ଡାବୁଗୁଡା ପଂଚାୟତର ଚୁପା ଗ୍ରାମର ପ୍ରାଥମିକ ଵିଦ୍ୟାଳୟର ଦୃଶ୍ୟ ।

ବର୍ଷା ଯୋଗୁଁ ଛାତରୁ ପାଣି ଗୋଳି ସମ୍ପୁର୍ଣ ରୁପରେ ଶ୍ରେଣି ଗୃହ ପାଣିରେ ଓଦା ହୋଇ ରହୁଚି। ପାଣି ଜମି ରହୁଚି ଛାତରୁ ସିମେଣ୍ଟ ମାନ ଖସୁଛି ତେଣୁ ବାଧ୍ୟ ହୋଇ ଶିକ୍ଷକ ମାନେ ବିଦ୍ୟାଳୟର ଅତିରିକ୍ତ ରୋଶେଇ ଘରେ ଛାତ୍ରଛାତ୍ରୀ ମାନଙ୍କୁ ବସାଇ ଶିକ୍ଷାଦାନ କରୁଛନ୍ତି । ଛାତରେ ଏକ ପୋଲିଥିନ୍ ଵନ୍ଧା ଯାଇଛି । ସ୍ଥାନିୟ ସରପଞ୍ଚ, ବିଡିଓଙ୍କୁ ଜଣାଥିଲେ ମଧ୍ୟ କୈଣସି ସୁଫଳ ମିଳି ନ ଥିବା ଅଭିଯୋଗ କରିଛନ୍ତି ଉଭୟ ଗ୍ରାମବାସି,ଶିକ୍ଷକ, ଶିକ୍ଷୟତ୍ରୀ ଓ ଅଭିବାବକ ମାନେ । ପ୍ରଧାନ ଶିକ୍ଷୟତ୍ରି ସ୍ୱାଧୀରା ପଟ୍ଟନାୟକ କହିଛନ୍ତି ଯେ ଏହା ତିନି ବର୍ଷ ଧରି ସମସ୍ୟା ଲାଗି ରହିଛି | ଏହା ପୁର୍ବରୁ ଏଠାରେ ଚାଟ୍ରା,ଧାଡି ଓ ଚୁପାର ପ୍ରାୟ ୪୦ରୁ ଉର୍ଦ୍ଧ ପିଲା ପାଠ ପଢିବା ପାଇଁ ବିଦ୍ୟାଳୟକୁ ଆସୁଥିଲେ କିନ୍ତୁ ଏଠାରେ ଏଭଳି ଅବସ୍ଥା ଲାଗିରହିବାରୁ ପାଖରେ ଥିବା ଶେବାଶ୍ରମକୁ ଚାଲିଗଲେ । ଏବେ ବି ଏଠାରେ ୨୯ଜଣ ପିଲା ପାଠ ପଢୁଛନ୍ତି । ସମସ୍ୟା ସମ୍ପର୍କରେ ଉପରିସ୍ଥ କର୍ମଚାରିଙ୍କୁ ବାରମ୍ବାର ଜଣାଇଥିଲେ ମଧ୍ୟ କୋଣସି ଫଳ ମିଳିନାହି । ଗ୍ରାମବାସିଙ୍କ ଅଭିଯୋଗ ପରେ ବିଡିଓ,ପିଡି ଓ ବିଇଓ ପ୍ରମୁଖ ବିଦ୍ୟାଳୟ ପରିଦର୍ଶନ କରିଥିଲେ ।

ନୁତନ ଗୃହ ନିର୍ମାଣ ପାଇଁ ପ୍ରତିସୃତି ଦେଇଥିଲେ କିନ୍ତୁ ଆଜି ପର୍ଯ୍ୟନ୍ତ ପାଳନ କରାଯାଇନାହିଁ । ଏ ବିଷୟରେ ଲମତାପୁଟ ବିଡିଓ ଶ୍ରି ସମ୍ୟସାର୍ଥକ ମିଶ୍ର କହିଛନ୍ତି ଯେ ଏବିଷୟରେ ମୁଁ ଅଭିଯୋଗ ପାଇଛି ଏଠାରେ ଏକ ନୁତନ ଗୃହର ଆବଶ୍ୟକତା ରହିଛି । ପରିସ୍ଥିତି ଅନୁଧ୍ୟାନ ପରେ ନୁତନ ଗୃହ ନିର୍ମାଣ ପାଇଁ ଆକଳନ କରାଯାଇ ଜିଲ୍ଲାପାଳଙ୍କୁ ଅବଗତ କରାଯାଇଛି | ଜିଲ୍ଲାପାଳ ଏହାର ଅନୁଧ୍ୟାନ କରି ନିର୍ଦେଶ ଦେଲେ ଖୁବ୍ ସିଘ୍ର କାର୍ଯ ଆରମ୍ଭ ହେବ ବୋଲି କହିଛନ୍ତି । ଅଭିଯୋଗ ହେଲାପରେ ଠିକ୍ ସମୟରେ ଜିଲ୍ଲାପାଳଙ୍କ ବଦଳି ଯୋଗୁଁ କାର୍ଯ୍ୟ ହୋଇପାରିନି । ସମସ୍ୟା ସମ୍ପର୍କରେ ତିନିବର୍ଷ ହେଲାଣି ଅବଗତ ହୋଇଥିବା ସରକାର ଏବେ କେତେ ମଧ୍ୟରେ ଦେଇଥିବା ପ୍ରତିଶୃତି ପାଳନ କରିବେ ବୋଲି ପ୍ରଶ୍ନବାଚି ଶୃଷ୍ଟି ହୋଇଛି ଅଭିଭାବକଙ୍କ ମନ ଭିତରେ ।

Comments are closed.