Advertisements
Friday, June 5, 2020
Home Children Issue ଟ୍ରେନରେ ଗର୍ଭବତୀ ମହିଳାଙ୍କ ଗୋଡ଼ କଟିଲା, ୩ ବର୍ଷର ଝିଅର ହାତ ଭାଙ୍ଗିଲା

ଟ୍ରେନରେ ଗର୍ଭବତୀ ମହିଳାଙ୍କ ଗୋଡ଼ କଟିଲା, ୩ ବର୍ଷର ଝିଅର ହାତ ଭାଙ୍ଗିଲା

ରିପୋର୍ଟ: ରତ୍ନାକର ସେଠ
ଡୁଙ୍ଗୁରିପାଲି(୧୧/୦୮): ଆଜି ଟ୍ରେନ ଧକ୍କାରେ ଜଣେ ଗର୍ଭବତୀ ମହିଳାଙ୍କ ଗୋଡ କଟିଯିବା ସହିତ ତିନି ବର୍ଷର ଝିଅର ହାତ ଭାଙ୍ଗି ଯିବା ଘଟଣା ଡୁଙ୍ଗୁରିପାଲିଠାରେ ଚାଞ୍ଚଲ୍ୟ ଖେଳିଯାଇଛି | ପ୍ରାପ୍ତ ଘଟଣାରୁ ଜଣାଯାଏ ଯେ ଆଜି ସକାଳ ୯ଟାରେ ଡୁଙ୍ଗୁରିପାଲି ରାମପୁର ରୋଡ଼ ଏବଂ ସହଲା ରୋଡ଼ ମଝିରେ ଏକ ମହିଳା ତିନିବର୍ଷ ଝିଅକୁ ଧରି ଯାଉଥିବା କେତେକ ପ୍ରତ୍ୟକ୍ଷ ଦର୍ଶୀ ଦେଖିବାକୁ ପାଇଥିଲେ |

ଏହି ସମୟରେ ଏକ ମାଲବାହୀ ଟ୍ରେନ ଯାଉଥିବା ବେଳେ ସେଥିରେ ମହିଳା ଜଣକ ପଡିଯାଇଥିଲେ | ମହିଳା ଜଣକ ଆତ୍ମହତ୍ୟା ଉଦ୍ୟମ କରିଛି ନ ଅନ୍ୟ ଅଜାଣତରେ ଟ୍ରେନ ଧକ୍କା ହୋଇଛି ତାହା ବର୍ତ୍ତମାନ ପର୍ଯ୍ୟନ୍ତ ଅନ୍ଧାରରେ ରହିଛି | କିନ୍ତୁ ଘଟଣା ସ୍ଥଳର ପରିପାର୍ଶ୍ଵିକ ଦେଖିଲେ ସେଠାରେ ଯିବାକୁ କୌଣସି ରାସ୍ତା ନାହିଁ | ଦୁର୍ଘଟଣା ରେ ମହିଳାଙ୍କ ଡାହାଣ ଗୋଡ଼ ସମ୍ପୂର୍ଣ୍ଣ ଭାବେ କଟିଯାଇଛି | ମୁଣ୍ଡରେ ଗଭୀର ଆଘାତ ହୋଇଛି | ସାଙ୍ଗରେ ଥିବା ତିନିବର୍ଷର ଝିଅର ବାମ ହାତ ଭାଙ୍ଗିଯାଇଛି | ଦୁର୍ଘଟଣା ପରେ ଟ୍ରେନଟି ସେଠାରେ କିଛି ସମୟ ଅଟକି ରହିଥିଲା | ଝିଅକୁ ଶୀଘ୍ର ଡାକ୍ତରଖାନା ନେବାକୁ ଟ୍ରେନ ଡ୍ରାଇଭର ପରାମର୍ଶ ଦେଇଥିଲେ | ମହିଳାଜଣକ ରେଳଧାରଣରେ ପଡି ଛଟପଟ ହେଉଥିବା ବେଳେ ସାହାଯ୍ୟ କରିବାକୁ କେହି ଆସି ନ ଥିଲେ ବରଂ ବିଭିନ୍ନ ସଂସ୍ଥାକୁ ଓଲଟି ସମାଲୋଚନା କରିବାକୁ ପଛେଇ ନ ଥିଲେ | ଏଠାରେ ମଣିଷର ମାନବିକତା ହଜିଯାଇଥିବା ଦେଖାଯାଇଥିଲା | କିଛି ସମୟ ପରେ ଡୁଙ୍ଗୁରିପାଲି ଅଗ୍ନିଶମ ବିଭାଗ ପହଁଚି ଘଟଣା ସ୍ଥଳରୁ ମହିଳାଙ୍କୁ ନେଇଥିଲେ |

କିଛି ଦୂରରେ ଅପେକ୍ଷା କରିଥିବା ଆମ୍ବୁଲାନ୍ସ ରେ ଡାକ୍ତରଖାନା ନିଆଯାଇଥିଲା | ପ୍ରଚୁର ରକ୍ତସ୍ରାବ ଏବଂ ଗୁରୁତର ଥିବାରୁ ଉଭୟ ମହିଳା ଏବଂ ଶିଶୁକୁ ବୁର୍ଲା ପଠାଯାଇଥିଲା | ମହିଳାଙ୍କ ବୟସ ୪୦ବର୍ଷ ପାଖାପାଖି ହେବ ଓ ମହିଳା ଜଣକ ୭ମାସ ର ଗର୍ଭବତୀ ଥିବା ଜଣାଯାଏ | ମହିଳା ଜଣକ ଧରିଥିବା ଏକ ଫୋନ ନ କୁ କାଳ କରିବାରୁ ଉକ୍ତ ନମ୍ବରଟି ମହିଳାଙ୍କ ସ୍ୱାମୀ ପରମାନନ୍ଦ ନାଏକ, ଘର ଡୁଙ୍ଗୁରିପାଲି ବ୍ଲକ ଅନ୍ଧାରୀବାଞ୍ଜି ଗ୍ରାମର ବୋଲି ଜଣାପଡିଥିଲା | ସେ ପଦ୍ମପୁର ଡାକ୍ତରଖାନାର ଆମ୍ବୁଲାନ୍ସ ରେ କାର୍ଯ୍ୟକରୁଥିବା ଜଣାପଡିଛି | ମହିଳାଙ୍କ ନାମ ଲଳିତା ନାଏକ | ଦୁର୍ଘଟଣା ସମ୍ପର୍କରେ ସେ କିଛି ଜାଣି ନ ଥିବା ପ୍ରକାଶ କରିଥିଲେ | ଦୁର୍ଘଟଣା ଗ୍ରସ୍ତ ଝିଅକୁ ଜଣେ ସମାଜସେବୀ ପରମେଶ୍ୱର ବାରିକ ଧରି ଡୁଙ୍ଗୁରିପାଲି ଡାକ୍ତରଖାନାକୁ ନେଇ ସେଠାରେ ତାର ଚିକିତ୍ସା କରାଇଥିଲେ |

Advertisements
Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

କରୋନା ଯୋଦ୍ଧାଙ୍କୁ ସମ୍ବର୍ଦ୍ଧନା ଦେଲା ବିଦ୍ଯାର୍ଥୀ ପରିଷଦ

ରିପୋର୍ଟ: ନିରୋଜ କୁମାର ପାଣି //ପଦ୍ମପୁର (୦୪/୦୬): କରୋନା ମହାମାରୀ ପ୍ରତିହତ କରିବାରେ ଚିକିତ୍ସକ, ନର୍ସ, ଆଶାକର୍ମୀ, ଅଙ୍ଗନବାଡି କର୍ମୀ, ଅଗ୍ନିଶମ କର୍ମଚାରୀମାନଙ୍କ ଅବଦାନ ଅତୁଳନୀୟ। ନିଜର ପରିବାର...

ଅସହାୟ ଲୋକ କଳାକାର ମାନଙ୍କୁ ସହାୟତା ପ୍ରଦାନ

ରିପୋର୍ଟ: ନିରୋଜ କୁମାର ପାଣି //ପଦ୍ମପୁର (୪/୬): ତାଲାବନ୍ଦ ଯୋଗୁଁ ଲୋକ କଳାକାର ମାନେ ଅନେକ ଅସୁବିଧା ଭିତରେ କାଳାତିପାତ କରୁଛନ୍ତି । ଏହାକୁ ଦୃଷ୍ଟିରେ ରଖି ପଶ୍ଚିମ...

ରାୟଗଡରେ କଭିଡ ଚିହ୍ନଟ ହେଲା ପରେ କଣ୍ଟେନମେଣ୍ଟ ଅଞ୍ଚଳରେ ସ୍ଥିତି ପରଖିଲେ ଉପଜିଲ୍ଲାପାଳ

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //ରାୟଗଡ (୦୪/୦୬): ଗତକାଲି ରାୟଗଡରେ କରୋନା ଆକ୍ରାନ୍ତ ଚିହ୍ନଟ ହେଲାପରେ ଜିଲ୍ଲା ପ୍ରଶାସନ ତରଫରୁ ତୁରନ୍ତ ସହରର ଦୁଇଟି ସ୍ଥାନକୁ କଣ୍ଟେନମେଣ୍ଟ ଅଞ୍ଚଳ...

Recent Comments

%d bloggers like this: