ବର୍ଷାଯୋଗୁଁ ଚାଷୀ କିଛି ମାତ୍ରାରେ ଆଶ୍ୱସ୍ତ

ରିପୋର୍ଟ: ଭଗବାନ ମହାନ୍ତି
ମୁରିବାହାଲ(୧୦/୦୮): ମୁରିବାହାଲ ଅଂଚଳରେ ଲାଗାଁ ବର୍ଷା ହେବା ଫଳରେ ଅଂଚଳର ଚାଷୀ ରୁଆ, ବିହୁଡା, କାର୍ଯ୍ୟ ଆରମ୍ଭ କରିଛନ୍ତି | ବର୍ଷା ଅଭାବରୁ ଅନେକ ସ୍ଥାନରେ ଧାନ ତଳି ମରିଯିବା ଅବସ୍ଥାରେ ରହିଥିଲା |

ବର୍ଷା ପରେ ଚାଷୀ ମନରେ କିଛି ଉତ୍ସାହ ଜାଗିଛି | ଫଳରେ ଧାର ଉଧାର କରି ପୁଣି ତାଙ୍କ ଚାଷ କାମ ଆରମ୍ଭ କରିଛି | ଯେଉଁ ଚାଷୀର ତଳି ବଂଚିଥିଲା ପୁଣି ରୋପଣ କାର୍ଯ୍ୟ ଆରମ୍ଭ କରିଛନ୍ତି | ବୁଣା ଧାନ ବର୍ଷା ନ ହେବା ଫଳରେ ଅଂଚଳ ଚାଷୀଙ୍କ ଧାନ ମରିଯାଇଥିଲା ଓ ଯାହା ବଂଚି ଥିଲା ତାହା ବେଉଷଣ ଚାଲିଛି | ଏଭଳି ବର୍ଷା ଲାଗି ରହିଲେ ଅନେକ ମାତ୍ରାରେ ସମସ୍ୟା ସମାଧାନ ହେବା ବୋଲି ଚାଷୀ ଚର୍ଚ୍ଚା କରୁଛନ୍ତି | ଧାନ ଚାଷ ପାଇଁ ଆହୁରି ବଡ଼ ବର୍ଷା ଦରକାର | ବିଳମ୍ବରେ ହେଲେ ସୁଦ୍ଧା ଏହି ବର୍ଷା କିଛି ମାତ୍ରାରେ ଚାଷୀଙ୍କ ମନରେ ହସ ଫୁଟାଇ ଚାଲିଛି | ବାକି ବିଲ ଚାଷ ଲାଗି ଚାଷୀକୁ ରୋଗପୋକ ର ଚିନ୍ତା ଲାଗିରହିଛି |

Comments are closed.