ଜ଼ିଲ୍ଲା ଯୋଜନା ବୋର୍ଡ଼ ନିମନ୍ତେ ଅଧକ୍ଷ ରାୟଗଡ଼ ପାଇଁ ମନ୍ତ୍ରୀ ପଦ୍ମିନୀ ଓ ଗଜପତି ପାଇଁ ଜଗନ୍ନାଥ

ରିପୋର୍ଟ:ଜ଼ିଲ୍ଲା ପ୍ରତିନିଧି ଅମୁଲ୍ୟ ନିଶଙ୍କ
ରାୟଗଡ଼(୧୦/୦୮): ରାଜ୍ୟ ସରକାରଙ୍କ ତରଫରୁ ଗତ କାଲି ବିଧିବଦ୍ଧ ଭାବେ ଜ଼ିଲ୍ଲା ଯୋଜନା ବୋର୍ଡ଼ର ଅଧ୍ୟକ୍ଷ ନିଯୁକ୍ତି ନିମନ୍ତେ ବିଜ୍ଞପ୍ତି ପ୍ରକାଶ ପାଇଛି |

ରାୟଗଡା ଜ଼ିଲ୍ଲା ନିମନ୍ତେ କୋଟପାଡ଼ ବିଧୟିକା ତଥା ମନ୍ତ୍ରୀ ପଦ୍ମିନୀ ଦିଆନଙ୍କୁ ନିଯୁକ୍ତି ଦିଆଯାଇଛି | ଠିକ ସେହିପରି ଗଜପତି ଜ଼ିଲ୍ଲା ନିମନ୍ତେ ବିଷମକଟକ ବିଧାୟକ ତଥା ମନ୍ତ୍ରୀ ଜଗନ୍ନାଥ ସାରକାଙ୍କୁ ନିଯୁକ୍ତି ଦିଆଯାଇଛି | ରାୟଗଡା ଜ଼ିଲ୍ଲାରେ ଯୋଜନା ବୋର୍ଡ଼ ଅଧକ୍ଷ ରୂପେ ପୂର୍ବତନ ମନ୍ତ୍ରୀ ତଥା ରାୟଗଡା ବିଧାୟକ ଲାଲବିହାରୀ ହିମିରିକା ରହିଥିଲେ | ରାୟଗଡା ଜ଼ିଲ୍ଲାରେ ନିର୍ବାଚନ ଓ ଅନ୍ୟ କେତକ କାରଣ ପାଇଁ ଯୋଜନା ବୋର୍ଡ଼ ବୈଠକ ହୋଇ ପାରି ନ ଥିଲା | ନବ ନିଯୁକ୍ତ ଅଧକ୍ଷ ନିଯୁକ୍ତି ପରେ ଜ଼ିଲ୍ଲା ଯୋଜନା ବୋର୍ଡ଼ ବୈଠକ ଅନୁଷ୍ଠିତ ହେବ ବୋଲି ଜଣା ପଡିଛି | ଏକ ସାକ୍ଷାତ କାରରେ ଓଡିଶା ନ୍ୟୁଜ ୨୪କୁ ମନ୍ତ୍ରୀ ଶ୍ରୀ ସାରକା କହିଛନ୍ତି ମାନ୍ୟବର ମୁଖ୍ୟମନ୍ତ୍ରୀ ମୋତେ ଭରସା କରି ଗଜପତି ଜ଼ିଲ୍ଲା ଯୋଜନା ବୋର୍ଡ଼ର ଅଧକ୍ଷ ନିଯୁକ୍ତି ଦେଇଥିବାରୁ ମୁଁ ମୁଖ୍ୟମନ୍ତ୍ରୀ ଙ୍କୁ କୃତଜ୍ଞତା ଜଣାଉଛି ଓ ଏହି ଗୁରୁ ଦାଇତ୍ୱ ସୁଚାର ରୂପେ ତୁଲାଇ ଗଜପତି ଜ଼ିଲ୍ଲାର ଉନ୍ନତି କିପରି ହେବ ତାହା ନେଇ ଯୋଜନା ବୋର୍ଡ଼ ମିଟିଙ୍ଗରେ ଆଲୋଚନା କରି କାର୍ଯ୍ୟକାରି କରିବି |

Comments are closed.