ରିପୋର୍ଟ : ଧ୍ରୁବରାଜ ମିଶ୍ର
ସୁବର୍ଣ୍ଣପୁର, (୨୫/୮) : ଜାତୀୟ କ୍ରୀଡ଼ା ଦିବସ ପରିପ୍ରେକ୍ଷୀରେ ଜିଲ୍ଲା ପ୍ରଶାସନ ତରଫରୁ ଅଗଷ୍ଟ ତା ୨୫ ରୁ ତା ୩୦ ପର୍ଯ୍ୟନ୍ତ ଜିଲ୍ଲାରେ ସପ୍ତାହ ବ୍ୟାପି ବହୁମୁଖୀ କ୍ରୀଡ଼ା ଆୟୋଜନ ସହ କ୍ରୀଡା ସପ୍ତାହ ପାଳନ କରାଯାଉଛି l
ଆଜି ଅପରାହ୍ନରେ ପାୱାର ଲିଫଟିଙ୍ଗ ଇଭେଣ୍ଟ ରୁ ଆରମ୍ଭ ହୋଇଥିବା ବେଳେ ଜିଲ୍ଲାପାଳ ଶ୍ରୀମତୀ ଅବୋଲୀ ସୁନିଲ ନରୱଣେ ଓକ୍ସି ଜିମ ପଟାଭାଡ଼ି ଠାରେ ପାୱାର ଲିଫଟିଙ୍ଗ କରି କ୍ରୀଡ଼ା ସପ୍ତାହ ର ଶୁଭାରମ୍ଭ କରିଛନ୍ତି l ଜାତୀୟ କ୍ରୀଡ଼ା ଦିବସ ଅବସରରେ ଜିଲ୍ଲା ପ୍ରଶାସନ ତରଫରୁ ବହୁମୁଖୀ କ୍ରୀଡ଼ା ଆୟୋଜନ କରାଯାଉଥିବା ବେଳେ ଆସନ୍ତାକାଲି ତା ୨୭/୮/୨୨ ରେ ଟ୍ରାକ ଓ ଫିଲଡ଼ ଇଭେଣ୍ଟ ସହ ଖୋକୋ, କବାଡି, ବେଡ଼ମୀଣ୍ଟନ ପ୍ରଭୁତି ଅନୁଷ୍ଠିତ ହେବ l
ତା ୨୮/୮/୨୨ ରେ ପୁନଶ୍ଚ ବେଡ଼ମୀଣ୍ଟନ ସହ ଚେସ, ବକ୍ସିଂ, ସ୍ବିମିଙ୍ଗ ଏବଂ ତା ୨୯/୮/୨୨ ରେ ଟାଇକୋଣ୍ଡୋ ପ୍ରତିଯୋଗିତା ଅନୁଷ୍ଠିତ ହେବ l ଅନୁଷ୍ଠିତ ପାୱାର ଲିଫଟିଙ୍ଗ ଇଭେଣ୍ଟ ର ମହିଳା ବର୍ଗରେ ଜିଲ୍ଲାପାଳ ସୁବର୍ଣ୍ଣପୁର ଶ୍ରୀମତୀ ନରୱଣେ, ଉପଜିଲ୍ଲାପାଳ ସୋନପୁର ଡ଼ଃ ଇପ୍ସିତା ପ୍ରିୟଦର୍ଶିନୀ ମିଶ୍ର ଙ୍କ ସହ ୨୦ ପ୍ରତିଭାଗୀ ଓ ପୁରୁଷ ବର୍ଗରେ କ୍ରୀଡା ଅଧିକାରୀ ଅଭିଳାଷ ପୁରୋହିତ, ବାଲ୍ୟ ବିବାହ ପରାମର୍ଶଦାତା ରାକେଶ ପ୍ରଧାନ ସହ ୩୦ ପୁରୁଷ ପ୍ରତିଭାଗୀ ଅଂଶଗ୍ରହଣ କରିଥିଲେ l
ଏହି ଉଦଘାଟନୀ ତଥା କ୍ରୀଡା ସପ୍ତାହ ର ଶୁଭାରମ୍ଭ ଅବସରରେ ଅତିରିକ୍ତ ଜିଲ୍ଲାପାଳ ସୂର୍ଯ୍ୟନାରାୟଣ ଦାଶ, ନିଶି ପୁନମ ମିଞ୍ଜ, ଆଞ୍ଚଳିକ ପରିବହନ ଅଧିକାରୀ ରବୀନ ପଟ୍ଟନାୟକ, ଉପଜିଲ୍ଲାପାଳ ବୀର ମହାରାଜପୁର ଅଶୋକ ଭୋଇ, ତହସିଲଦାର ନବୀନ କିଶୋର ପାଢ଼ୀ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଅଶ୍ୱିନୀ କୁମାର ଭୋଇ, ପ୍ରମୁଖ ଉପସ୍ଥିତ ରହିଥିବା ବେଳେ କ୍ରୀଡ଼ା ଅଧିକାରୀ ଅଭିଳାଷ ପୁରୋହିତ ଙ୍କ ତତ୍ୱାବଧାନରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l
ପାୱାର ଲିଫ୍ଟର ଉଦ୍ଧବ ମେହେର, ମାମି ମେହେର, ଭବାନୀ ଶଙ୍କର ସାହୁ, ପୃଥ୍ଵୀରାଜ ମଲ୍ଲିକ, ଅନୀଲ ନାଏକ ପ୍ରମୁଖ ପାୱାର ଲିଫଟିଙ୍ଗ ଇଭେଣ୍ଟ ର ପରିଚାଳନା କରିଥିବା ବେଳେ ଜିମ ର ସଦସ୍ୟ ସଦସ୍ୟା ସହଯୋଗ କରିଥିଲେ l