ଜମ୍ମୁକାଶ୍ମୀରରେ ଧାରା ୩୭୦ ଓ ୩୫(ଏ)ର ଉଚ୍ଛେଦ ପ୍ରତିବାଦରେ ସିପିଆଇ(ଏମଏଲ)ର ବିକ୍ଷୋଭ

ରିପୋର୍ଟ: ପ୍ରଦୀପ କୁମାର ପାତ୍ର
ଗୁଣୁପୁର(୦୯/୦୮): ଆଜି ସିପିଆଇ(ଏମ୍ଏଲ) ପାର୍ଟି ପକ୍ଷରୁ ଅନ୍ତର୍ଜାତିକ ଆଦିବାସୀ ଦିବସ ଅବସରରେ ଗଣବିକ୍ଷୋଭ କରାଯାଇଛି ।

ଏହି ଅବସରରେ ସିପିଆଇ(ଏମ୍ଏଲ) ପାର୍ଟିର ଜିଲ୍ଲା ସମ୍ପାଦକ ତିରୁପତି ଗୋମଙ୍ଗ ଓ ସହସ୍ରାଧିକକର୍ମୀଙ୍କ ନେତୃତ୍ୱରେ ଏକ ରାଲି ଗୁଣୁପୁର ଉଚ୍ଚବାଳିକା ବିଦ୍ୟାଳୟରୁ ବାହାରି ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଁଚିଥିଲା | ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଉପଜିଲ୍ଲାପାଳଙ୍କୁ ଏକ ସ୍ମାରକପତ୍ର ପ୍ରଦାନ କରିଥିଲେ । ରାଲି ସମୟରେ କେନ୍ଦ୍ର ସରକାରଙ୍କ ବିରୋଧରେ ସ୍ଲୋଗାନ ଦେଇଥିଲେ।

ଜମ୍ମୁକାଶ୍ମୀରରେ ଧାରା ୩୭୦ ଓ ୩୫(ଏ) ର ଉଚ୍ଛେଦକୁ ବନ୍ଦ କରିବା, ବନ୍ୟାରେ ପ୍ରଭାବିତ ଚାଷୀ ମାନଙ୍କୁ କ୍ଷତିପୂରଣ ଦେବା, ଆଦିବାସୀ ଭାଷା ଓ ଲିପିକୁ ସମ୍ବିଧାନର ମାନ୍ୟତା, ଆଦିବାସୀଙ୍କୁ ଜଙ୍ଗଲ ଜମି ପଟ୍ଟା ଦେବା ଇତ୍ୟାଦି ସ୍ମାରକପତ୍ରରେ ଉଲ୍ଲେଖ ଥିବା ଜଣାଇଥିଲେ ।

Comments are closed.