ଅଙ୍ଗନୱାଡି କେନ୍ଦ୍ରରେ ବିଶ୍ୱ ସ୍ତନ୍ୟପାନ ଦିବସ ପାଳିତ

ରିପୋର୍ଟ: ଭଗବାନ ମହାନ୍ତି
ମୁରିବାହାଲ(୦୭/୦୮): ମୁରିବାହାଲ ବ୍ଲକ ଅନ୍ତର୍ଗତ ବାଙ୍କେଲ ପଞ୍ଚାୟତର ଦେଭୂଇଁ ଗ୍ରାମର ଅଙ୍ଗନୱାଡି କେନ୍ଦ୍ର ଠାରେ ବିଶ୍ୱ ସ୍ତନ୍ୟପାନ ଦିବସ ପାଳିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ବାଙ୍କେଲ ସେକ୍ଟର କ୍ଷେତ୍ରପରିଦର୍ଶିକା ନଳିନି ବେହେରା ଯୋଗ ଦେଇଥିଲେ |

ଅଙ୍ଗନୱାଡି କର୍ମୀ ବନିତା ଭୋଇ, ସ୍ପ୍ରେଡ଼ ଅନୁଷ୍ଠାନ ପକ୍ଷରୁ ଜିଲ୍ଲା ସଂଯୋଜକ ଫକୀର ଚରଣ ରାଉତ, ବ୍ଲକ ସଂଯୋଜକ କୀର୍ତ୍ତି ଚନ୍ଦ୍ର ସମରଥ, ଗ୍ରାମ ପଞ୍ଚାୟତ ସଂଯୋଜକ ଗୋପାକିଶୋର ଶାନ୍ତ ଓ ସମୀକ୍ଷା ସାଥି ରତନ ପାଣ୍ଡେ ଓ ହୀରା ନାଗ ବିଶ୍ବ ସ୍ତନ୍ୟପାନ ଦିବସରେ ଉପସ୍ଥିତ ମହିଳା ମାନଙ୍କୁ ବୁଝାଇଥିଲେ | ପରେ ରାଲି କରି ଗାଁ ପରିକ୍ରମା କରିଥିଲେ । ଅଙ୍ଗନୱାଡିର କିଛି କର୍ମୀ ହାତରେ ଫ୍ଲାଗକାଡ଼ରେ ବିଭିନ୍ନ ସ୍ଲୋଗାନ ଧରି ଚାଲିଚାଲି ଯାଉଥିବା ବେଳେ କିଛି କର୍ମୀ “ଜନ୍ମ ପରେ ଶିଶୁକୁ ଦିଅ ମାଁ କ୍ଷୀର, ମାଁ କ୍ଷୀର ରୋକି ଥାଏ ଶିଶୁ ମୃତ୍ୟୁ ହାର” ପରି ବିଭିନ୍ନ ସ୍ଲୋଗାନ ନାରା ଦେଇ ଲୋକଙ୍କୁ ସଚେତନ କରିଥିବା ଦେଖିବାକୁ ମିଳିଛି | ଗ୍ରାମବାସିଙ୍କୁ ମାଁ କ୍ଷୀରର ମହତ୍ୱ ବିଷୟରେ ସଚେତନ କରିବା ଦ୍ୱାରା ଶିଶୁ ମୃତ୍ୟୁ ହାର କମିବ ବୋଲି ଆୟୋଜକ ସୂଚନା ଦେଇଥିଲେ ।

Comments are closed.